بالنسبة لشهادة الرخصة الدولية لقيادة الحاسوب( ICDL ):
طبعاً هالشهادة دولية ومصدقة من منظمة اليونسكو ومهمة كتير للمتابعة سواء بالدراسة أم الوظيفة
بحب رمم بعض الأفكار من خلال تجربتي بهالشهادة وحصولي عليها
هي سبع امتحانات ويجب اجتيازهم للحصول على الرخصة الدولية وهم:
1. ويندوز
2.وورد
3.بوربوينت
4.اكسل
5.أكسس
6.آي تي ( وهاد الفحص الأصعب) ودراسة الكتاب والسيديات دون دورة غير كافية أبداً للنجاح بالإمتحان..
- نسبة النجاح بكل فحص 75%.
بنصح بدورة فيها بمركز المأمون الدولي موجود بجسر فكتوريا ..مدة الدورة 3 أشهر مو يوميّاً مدة الجلسة ساعتين ونصف طبعاً هاد الحكي إذا كانت مكثّفة وبيعطي المركز وقت التسجيل فيه كتاب شي 800 صفحة وسبع سيديات...مشروح المنهاج بالسيديات والكتاب بس الإعتماد عليهن بشكل كلي دون دورة ممكن يفيد بس بصراحة مانها كافية نهائياً لجتياز الإمتحانات بسبب نمط أسئلة الفحص..
رسم الدورة بصراحة ماعد بذكرو بس بتذكر رسم البطاقة 1500 ورسم كل امتحان 400 ل.س .. فحص كل مادة بنهاية دورتها وعند النجاح بأي فحص بيختم المركز نجاحك بالفحص على البطاقة وبعد النجاح بآخر امتحان بيرسل المركز نسخة عن بطاقة المهارات المدوّن نجاح الطالب بكل الإمتحانات إلى الجمعية المعلوماتية اللي بتقوم بإرسالها لليونسكو.. وبعد شهر أو شهر ونصف بيحصل الواحد على نسخة من بطاقة المهارات مصدقة من الجمعية المعلوماتية لبين ماتوصل الشهادة الدولية لقيادة الحاسوب اللي بدها شي سنة بعد النجاح بآخر فحص.. وطبعاً بعد الحصول على الشهادة مافي تجديد.
ولأي معلومة تانية أنا جاهز