يسعد أوقاتكم يا الأعضاء الكرام
أنا طالب مكتبات ومعلومات وعندي بحث عن مكتبتكم (مكتبة كلية الطب البشري)
فبدي رأيكم بالمكتبة من وجهة نظر كل واحد فيكم.
هل هي تؤدي واجبها على أكمل وجه يعني فيها كل الكتب التي تطلبوها؟
فيها كتب جديدة ولا كلها قديمة؟
في اشتراك بمكتبات إلكترونية؟

يعني بشكل عام عم تفيدكم المكتبة ولا بس عم تستخدموها للقراءة؟

وشكر كتير ع المساعدة سلفاً, وأسف على الإزعاج؟

تحياتي.....

والله اذا بدك رأيي
المكتبة رائعة بكل معنى الكلمة
أولا من ناحية الديكور ألوانها روعة
واللوحات الموجودة فيها بتجنن
أنا ديماً بعزم عليها رفقاتي ليشوفو انو كتير حلوة
بحس انو مهندس أو خبير ديكور ساواها
والحلو فيها انو طابقين

تانياً من ناحية الدراسة هدوء تام فيها
وديماً فيها حارس بيحافظ عل أدب والنظام
لأنو مكتبة كلية الطب بحلب كانت أشبه بملهى بس مو ليلي نهاري
أما بالشام فهي هادئة والطلاب عنجد بيئدروا يركزوا بدراستن
والحلو انو فيك تفتح اللابتوب بالاعتماد عل وايرليس وتتبحر بالنت والمنتدى 
وغير هيك فيها غرفة جوانية كبيرة منشان استعارة الكتب
وعليها موظفة خصوصي كمان
والأحلى انو فيها مصلى يعني انت عم تدرس وبدك تصلي
مو ضروري تروح تقطع البر والبحر لتصلي
بتطلع عل طابق التاني ويا بصلوا بنات جماعة أو شباب جماعة
شو بدك كمان؟
بيحلو فيها الطلاب الاسئلة سوا
وبيحضروا للفحوصات الألمانية أو الفرنسية أو الأمريكية سوا
وكتير أوقات بيدقق الحارس انو ما يكون اللي عم يدرس من غير كلية


شو ضل كمان ما حكيتوا؟

يسلمن حبيب