للأسف طلع وبقيت الرسالة غير مقروءة... بس بيوصل

شكرا الك اخت نفرتيتي هلئ بالنسبة للاختصاصات طبعا حيصير فيه تنويع بس انا رايي نحشد الطاقات الفعالة بعدين مناقش بقية الامور

السلام عليكم

اكيد انا مع الفكرة كوني طالبة ادب انكليزي ودرست الفرع بالذات مو مشان صير مدرسة لا

مشان اشتغل بالترجمة بالذات وبرات البلد لان ما في شي بيدعم الترجمة ببلدنا

مشان هيك بشكر صاحب الفكرة لايجابيتها وأهميتها 

لحد الان في اربع صفحات من المشاركات بس ما في شي عملي بس لازم نعرف شو هدفها بالضبط

ورح تكون خاصة او تابعة للدولة وبدافع عن شغلة كتير مهمة انو يكون المترجمين سوريين حصرا لان خريجين اللغات نصهم بلا شغل ممكن يكونو الاداريين اجانب لان ما عندنا خبرة بالتسويق والادارة والعلاقات بشكل عام

انا مع الفكرة اكيد ورح ضل على اطلاع دائم عالموضوع

أهلا وسهلا فيكي أخت نسرين كتير انبسطت بمشاركتك هلئ الموضوع شكلو ماشي بس أول شي لازم نبلش فيه هو انو مين الاعضاء المشاركة بالاول و بما انو الدنيا عيد فيبدو انو مو كل الاعضاء شافت الموضوع لسه و انا كمان درست الادب الانكليزي مو مشان صير مدرس اصلا ما بحب المهنة و بفضل الترجمة أكتر فنحنا عم نستنى مشاركات الاعضاء وما عندي مانع أبدا برات النت مشان نناقش الموضوع على أرض الواقع يعني صحي أنا فتحت الموضوع بس أكيد المشروع مو الي بل ملك للجميع

أنا مع الفكرة ..
واللي بيصير عليكن بيصير علي ...
موافقة ... موافقة .. وكلي شغف ...
الله يوفقنا ويسر امرنا ... وان شاء الله نشوفها على ارض الواقع يعني ماتكون متل العادة .. كلام ..
يا رب نقدر ننفع وننتفع .. واهم شي بهيك مشروع ان يكون عملنا لوجه الله ونيتنا واضحة لحتى يتبارك عملنا وننجح بريادة ..
رب يفتح علينا ...

أنا بقترح تعمل اجتماع للشبيبة يلي بدن يشاركوا بالمشروع خارج المنتدى وعلى أرض الواقع لنقرر شو الخطوات المبدئية مشان نبلش نشتغل فيها قبل ما تبرد همة الشباب لأني حاسس انو الموضوع بلش يتميع و بعد شوي الفكرة كلها حتروح عل الارض و كل امال المعجبين بالمشروع رح تروح عل الفاضي

فكرة حلوة كتير .. موفقين فيها .. وبانتظار خطوات عملية على أرض الواقع ..

من فترة خطرلي نعمل جمعية بتهتم بالبرمجة اللغوية العصبية والتنمية البشرية .. وعملكون لح يساعدني كتير بتحديد خطوات امشي عليها ..
ولح استفاد من مشروعكون يلي أكيد بتمنالو النجاح والاستمرارية ..


متابعة معكون "بس أكيد ما لح اقدر شارك غير معنوياً :) "


أطيب الأمنيات .. :)

بعتقد المشاركة المعنوية غير مفيدة ابدا و غير مقبولة اطلاقا بدنا شي عملي على ارض الواقع

أنت على أي أساس بدك الطلاب يتلاقوا ؟!؟!؟!؟!؟!؟ طيب انت لهلأ ما اقترحت شي من اول مشاركة الك بهالموضوع لآخر وحدة و بس كان بدك يزيدو الأعداد و تشوفهم على أرض الواقع وهي زادو ولا كمان العدد مو عاجبك  .. حتى لما الأخت نسرين الشام سألتك شو أهدافك ما جاوبت... هذا عصر النت و فيك تبلور أفكارك عالنت مع ناس عالنت

اسمحلي اسألك هالسؤال طيب:

شو مقترحاتك لتطوير الفكرة؟؟؟ اذا في عندك اكتبهم هون لشو عم تستنى لتشوف الأعضاء عالواقع؟ بالعكس عالنت رح تنسمع فكرتك اكتر وتوصل لأكبر عدد من الناس...


وعلى فكرة اذا ما في تفاعل أنت شايفه فهذا السبب بيعود لكون الموضوع بدون مقترحات وأهداف...


بس يصير بعدين الهدف من جمعيتك معروف ومقترحاتك واضحة بصير إن شاء الله تلاقي على "أرض عالواقع"

أول شي ممكن علق على ردك هو لهجتك الحلوة و الظريفة بالحكي مع العالم بس على كل حال لح اعتبرك متل أختي الزغيرة و رد عليكي :

أولا أنا حبيت الطلاب يجتمعو سوا مشان نناقش الفكرة و نبحث امكانية تنفيذها وسائل عملية لتطبيقها يعني منو منتعرف على الوجوه الطيبة طبعا المقصود بالوجوه الطيبة هنن الشباب طبعا ومو قصدي نعمل (سهرة مختلطة )
تاني شي أنا بفعل عم استنى مشاركة واسعة من الجميع ومتل ما قالت أخت ورد خمس أو ست أعضاء ما بكفي بما فيهن أنا مع احترامي الكبير و العميق لكل واحد شارك ولو بكلمة بالموضوع يلي حكينا فيه

و تالت شي يا روز هو انو المشروع موالي و بأكد كتير على هالنقطة و بامكانك تحطي خطين تحت العبارة ومو قصدي يكون المشروع مشاني يعني عدم مؤاخذة لو كان الوضع هيك كنت ما كتبت شي بالمنتدى و رحت اشتغلت و نفذتو لحالي يعني بعتفد هادا مو اسلوب تحكي فيه يعني اذا قصدك معنى تاني فهادا الشي بيرجع الك و فهمك كفاية