من فضلكم لا تتأخروا علي كتير مضطرة ومهما كانت الفكرة بسيطة ...قد تكون مفيدة

هي المناهج الجديدة يلي نازلة هي السنة
بامكانك تفوتي على منهاج الصف الثاني وتفتحي كتاب العلوم ... طبعا كتاب المعلم
وان شاء الله تلاقي يلي بدك ياه .. أنا صراحة ما فتحت الكتاب بس جبتلك الرابط


http://www.facebook.com/l.php?u=http%3A%2F%2Fwww.syrianeducation.org.sy%2FMOEPortalWebSite%2FDeliveredPage.aspx%3FPath%3Dhttp%253A%252F%252Fme.syrianeducation.org.sy%252Febook%252Fclasses.html&h=hAQGmNea9

لست متخصّصاً في هذا المجال

لكنّني أقترح التالي

-------------------

عندما يأتي الشتاء البارد نرتدي ثياباً نسجت من الصوف

فمن أين نحصل على الصوف (يا مجتهدين)؟

وإذا ارتدى الإنسان ثياب الصوف لاتقاء البرد

فكيف يحافظ العصفور أو الدجاجة على حرارة جسمه (يا حلوين)؟

عندما يرى أحدكم أرنباً جميلاً يبادر فوراً إلى لمسه ومسح جسمه

فما السبب (يا أمّورين)؟

هل ملمسه ناعم أم خشن؟

ما الذي يكسو جسم الأرنب ؟

هل ملمس الأرنب كملمس السمكة؟

هل فراء الدبّ القطبي الذي يعيش في منطقة باردة جدّاً

أشدّ كثافة ، أم وبر الجمل ؟




إذا توافرت صور لتلك الحيوانات فذلك مفيد جداً

سواء من مخبر المدرسة أم بجهدك الشخصيّ


---------------------

يمكنني إرسال أجوبة الأسئلة السابقة لمن أراد ،

لكن عن طريق الرسائل الخاصّة



اقتباس
(وأريد مقدمة أو إثارة يكون فيها حركة وأكشن كتير

لأن مشرفنا كتير بحب هيك أشياء)

خطرت لي فكرة ، ما عليك سوى اصطحاب دبّ قطبيّ في حقيبتك ،

ليكون الدرس عملياً ، ويكتشف التلاميذ المعلومة عن طريق التجريب

شيء جميل يا متفائل،
"شكلك متل الزبدية الصيني، من وين ما ضربتها بترن"

يعني بس بالإنكليزي كمان بالعلوم

علا الشام

rafael nadal

optimist:مشكور كتير أفكار حلوي ...وفي احتمال أخذ دب قطبي معي ولكن من المؤكد أنني لن أصل للمدرسة أبداً...مشكور جداً

شكرا لكم جميعاً

عبير الزهور


انا ما بفهم بشغلة التدريس بس رح حاول فيدك بكم فكرة من راسي   


هلأ ممكن تنزلي كم صورة للحيوانات من النت يعني صور حقيقية لحيوانات مختلفة 


يعني مثلا صورة لدب و صورة لبطة و صورة لحمامة و صورة قطة و صورة كلب و صورة سمكة و ... يعني حيوانات مختلفة بملمسها عن بعضها   


و ما بيمنع من بعض الصور الكرتون اللطيفة للحيوانات مشان ينشدوا الولاد للدرس لأنو الاطفال بحبوا هيك شغلات   


كمان ممكن تشتري مجسمات صغيرة للحيوانات متل هدول الالعاب اللي كنا نلعب فيون وقت كنا صغار   


و كمان ممكن تعطي الطفل اللي بجاوبك صح سكرة 

و هيك بتشجعي الطلاب كلون يشاركوا معك و هيك بينبسطوا معك بالدرس   

و بالتالي بينبسط منك المشرف     

ان شا الله موفقة و ابقي خبرينا شو بصير معك   

بشورة ....شكرا إلكن جميعاً والله أنا كتير مبسوطة بردودكم ...وما ضل بدي منكم غير الدعاء بالتيسير والتوفيق وإن شاء رح خبركن بكل كلمة بدرسي ...