سعيد بالانضمام اليكم في هذا المتنفس الجميل واسمحوا لي ان اشارك معكم من

خلال هذا الموضوع الخفيف والبسيط :

أحيانا بين فترة واخرى بنتاب كل من احساس غريب ثم يعاود الاختفاء وبعدها بفتره

يعاود الظهور مره أخرى وهكذا : السؤال الذي يطرح نفسه

ماهو الاحساس الغريب الذي ينتابك بين فترة وأخرى ؟؟
هل بالإمكان أن تخبرنا ؟؟ هو موضوع للفضفضه


في انتظار مشاركاتكم على هذا السؤال

مسا الخير

إستفتاحية مباركة ان شاء الله.

كنت بدي رد عليك من شوي، بس صار عطل فني بل أمور عندي هون.

يا سيدي الكريم حاليا ئرب وئت الفحص، وما ادراك ما الفحص،

أحيانا بتدرس وبتكون رضيان عن دراستك،

وفي بعض الأحيان بتئصر بدراستك،

بتئوم بتنجلط وبتنحبط،

وبترجع بتشد من جديد، وبترجع بتوئف

وهاكوزا

حاليا هاد هو الاحساس الموجود عندي

شكرا الك ردفان

واهلا وسهلا فيك بل منتدى

شكرا لك ياسيلفر على هذا الرد الرائع منك

والله يوفقك في دراستك ان شاء الله

مرحبا اخي ردفان
فعلا زي ماحكى اخي سيلفر انا بحس بشعور كتير غريب وقت الامتحانات ما تقرب
يعني احيانا بكون عم ادرس وبدرس منيح وبنفس الوقت بحس حالي عدم بالدراسة واحيانا العكس مابكون درست لفترة طويلة وبحس حالي دراستي تمام
والشعور الاغرب لما تكون الامتحانات قريبة كتير وتبلش تخاف لأنك واثق انك مش رح تلحق مع انك قادر على تجاوز هالشي لو قصدت
هاد رأيي وشعوري

صديقي أولا أهلا وسهلا فيك معنا....


أما بالنســـــبة لسؤالك...

فاللصراحة انو أنا ما عم حس بشي غريب واحد.. لانو في شي100 شي غريب عم يصير معي...


المهم أهم شعور عم يصير معي هو الخوف من المســـتقبل....
وهاد الخوف مو متقطع لا هو دايما موجود..

شكرا على الموضوع الجميل ...


تقبل مروري...

StopAm Top

هلا ردفان
شعوري خليط كل يوم شكل بس
كل ما بتذكر ربنا ونعمه علينا  برضى كل الرضا عن كل شي
الله يرضى علينا ويهنينا بنعمه شكرا الك لفتة حلوة

مرحبا ردفان
اما بالنسبة الي الشعور اللي بنتابني هو اليأس والاحباط الفترة هاي
لانو عندي هلق امتحانات ولازم ادرس ومع هيك بروح اقدم الامتحانات بدون دراسة كيف ما بعرف وبسأل حالي ليش ما عم ادرس ما بقدر لاقي جواب وطبعا انت ادرى باحساس حدا رايح يقدم امتحان بدون ما يدرس  مع انو اذا درس بكون في القمة يعني هدا الاحساس قمة الاحباط
يعني اغرب احساس اتعرضتو لهلق

مرحبا ردفان صراحه الموضوع حلو ولامره فكرت فيه بس بحب قلك اني متل
stopAtopالخوف من المستقبل هو اكثر شيء بيجي وبيروح على بالي يعني احيانا
بنسى الموضوع بس لما اوقع بموقف برجع وبتذكروا
شكرا ردفان موضوع حلو كتير

مرحبتين فلسطينيه أولى

هذا الشعور طبيعي اللي يصاحب فترة قبل الامتحانات المش طبيعي انه يسيطر عليك

ويأثر على سلوكك وتعاملك مع الامتحانات

الله يوفقك والبقيه في الامتحانات والدراسة وينولك اللي في بالك

تحياتي لك

الاخ StopAmTop

مرحبا فيك ، والخوف من المستقبل احساس يسكن قلوب شباب هالايام خصوصا في

ظل الاوضاع المترديه للامه

انصحك بالاستمتاع بكل لحظه حاضره واترك عنك التفكير بالمستقبل

حاول ان تعيش يومك بكل مافيه واترك التفكير قليلا في الغد الى وقت آخر

تحياتي لك