[x]

"وقـل اعمـلوا فسـيرى الله عـملكم ورسـوله والمؤمنـون"


..لمحة عن كليات جامعة دمشق و فروعها... شاركنا تجربتك وكلمنا عن اختصاصك



المحـاضـرات
برنـامج الـدوام
برنـامج الامتحــان
النتـائج الامتحـانيـة
أسـئلة دورات
أفكـار ومشــاريع
حلقــات بحـث
مشــاريع تخـرّج
"وقـل اعمـلوا فسـيرى الله عـملكم ورسـوله والمؤمنـون"

مشاريع وأعمال حالية.. وإعلانات
برنـامج امتحان الفصل الأول نهائي/قسم المكتبات - 2013/2014
غاز السارين Sarin gas ( الأعراض, العلاج والارشادات )
أحكام فقه الجهاد
تـعـلـيـمـات فـي حـال اسـتـخـدام الآسـلـحـة الـكـيـمـاويـة
الى طلاب كلية التربية ... بجامعة دمشق
ان كانت لديك اية مشكلة تقنية نحن بالخدمة ان شالله (( العدد الثالث 2012- 2013))
منح دراسية من الاتحاد الأوروبي للسوريين
شروط القيد في درجة الماجستير بكلية التربية
عريضة لعميد كلية الاقتصاد ليتم اعادة مواد يومي 27-28
سوريا بخير..



  ملتقى طلاب جامعة دمشق --> الـمـنـتــديـــات --> المنتديــات العــامــة --> المنتدى العـــــــــام
    *_^قــــهــــــوة للـــشــباب و بـــــــــــس ^_*
عنوان البريد :  
كلمة المرور :  
                    تسجيل جـديد


صفحة 14 من 23 <- 12 13 14 15 16->

مشاركة : 131


until the last moment

جامعـي اســتثنائي

يا الله ما لنا غيرك يا الله




مسجل منذ: 03-08-2010
عدد المشاركات: 780
تقييمات العضو: 116
المتابعون: 32

غير موجود
اشــترك بالتحديثات
رسالة مستعجلة

رد مشاركة : *_^قــــهــــــوة للـــشــباب و بـــــــــــس ^_*

11-10-2011 11:48 PM




معك حق
يعني الصراحة اختيار خاطئ من القناة
محور الحلقة مهم لازم يجيبوا على الاقل معارض بيعرف يناقش مو يركز عالاستفزاز وماله علاقة بالاجابات السياسية
ما بيكفي الطرف التاني ... علقان على نكشة





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 132


ابو فراس

عضــو فضـي

.:: حلم أتمناه أن يصبح حقيقة ::.




مسجل منذ: 20-06-2010
عدد المشاركات: 1294
تقييمات العضو: 314
المتابعون: 36

غير موجود
اشــترك بالتحديثات
رسالة مستعجلة

رد مشاركة : *_^قــــهــــــوة للـــشــباب و بـــــــــــس ^_*

12-10-2011 12:17 AM




أنا كنت مزعوج لاني ما شفت الحلقة بس يالله بما انو ما راح علي شي مافي مشكلة


ومتل ما قالت الاخت رهف موضوع حساس متل هاد لازم يجيبو حدا خرج النقاش


مو مين ما كان.


عكل ما تغير شي.












يا الله اليك نشكو ضعف قوتنا



*    *    *


وقلة حيلتنا وهواننا على الناس



 





أنت غير مسجل لدينا.. يمكنك التسجيل الآن.

مشاركة : 133


T-BaG

جامعـي اســتثنائي

" بي باي "




مسجل منذ: 07-03-2009
عدد المشاركات: 870
تقييمات العضو: 11
المتابعون: 20

غير موجود
اشــترك بالتحديثات
رسالة مستعجلة

رد مشاركة : *_^قــــهــــــوة للـــشــباب و بـــــــــــس ^_*

12-10-2011 04:21 AM




ياعيب الشووووووووم .. كل هالحكي صار بغيابي .. !!!




-------- بهالكم صفحة هلي ازدادوا بالموضوع .. في طرف لنقاش جاد فحابب سلط الضو عليه .




المجلس : دعى للتدخل خارجي لحل هالأزمة بالبلد .

المعارضة الداخلية : طلبت الحوار على الطاولة مع الحكومة السورية لحل هذه الازمة .

انا كرأي شخصي . :

حل مناسب لهالبلد . ::::: يصير تعددية حزبية + حزب البعث ليس الحزب القائد + فترة محددة للرئاسة بما يماثل تقريبا 6 سنين + وقف التظاهرات + عفو عام لكل من داخل السجون ولكل الملاحقين أمنياً + وجود حرية في الرأي والكلام ضمن حدود أحترام الآخرين .

---------

هلي مع المجلس .. بيرضى برأيي ؟؟؟؟؟؟؟؟


او حتى عندكم فكرة .. انه المجلس بيرضى بهيك حل .. ؟؟


لأن المعارضة الداخلية عالأغلب ماعندهم مشكلة بهاللشي .. ؟؟


بس كمجلس .. انا اكيد مارح انسى انهم اشخاص مسيسين من الخارج . ولكل منهم مصلحتهم الشخصية .. وانا ماعندي ثقة فيهم اطلاقا ( لأنهم من اصحاب رأي تدخل خارجي لحل قضيتنا !!!!! )


انا بشكل عام ماعندي هالمعلومات الواسعة عن المجلس .. 


فكل واحد حاطط صورته الشخصية  هوو مع المجلس  فيشاركنا الرأي .. لنتعرف اكتر عهالمجلس ...










------------------


سيف الأسلام .. الشعب بشكل عام مع المجلس .. لأن الشعب السوري جاهل سياسياً .. فأذا اعتبر حاله ضمن ظلام دامس بالحكومة الحالية .. فأكيد عم يشوف النور الكامل بالمجلس .. فلهاللشي برأيه هوو الحل الوحيد .











-------------



وعسيرة الأركيلة : مبارح سافرت من ال5 الصبح عحمص .. وبعدين سحبتها عاللادئية .. خلصت شغلي هنيك .. ورحت عمطعم " سمكمك " شربت نفس اركيلة .. وبعدها عالبولمان .. وجاييكي يا شام .





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 134


Muhammad 1933

جامعـي اســتثنائي

.::| فَاصْبِرْ إِنَّ وَعْدَ اللَّهِ حَقٌّ |::.




مسجل منذ: 07-08-2011
عدد المشاركات: 919
تقييمات العضو: 202
المتابعون: 35

غير موجود
اشــترك بالتحديثات
رسالة مستعجلة

رد مشاركة : *_^قــــهــــــوة للـــشــباب و بـــــــــــس ^_*

12-10-2011 05:20 AM





اقتباس
ياعيب الشووووووووم .. كل هالحكي صار بغيابي .. !!!


والله يا صديقي نحنا متواعدين هون من قبل 3 أيام .. يلا حصل خير..


اقتباس
بهالكم صفحة هلي ازدادوا بالموضوع .. في طرف لنقاش جاد فحابب سلط الضو عليه .


وأخيراً صار في طرف جدي للنقاش ... يلا تفضل


اقتباس
المجلس : دعى للتدخل خارجي لحل هالأزمة بالبلد .


لحظة.. قال حماية المدنيين .. بعدين شو يعني تدخل خارجي... هي كلمة مطاطة كتير ... وأبداً ما كان قصدو النموذج الليبي ... ما بدنا عسكر ..
وإذا كان ولا البد .. فبتكون قوات دولية (أمم متحدة) وليس نيتو .. يعني متل قوات اليونيفيل بلبنان بعد قرار 1701 يلي وقف الحرب على لبنان .. مو بس لبنان .. في كتير دول إفريقية فيها نفس الشي ..

هلق بدك تقلي ليش قوات دولية .. أنا بقلك ... لأنو القوات الدولية تابعة للأمم المتحدة ونحنا (كشعب سوري) بالنهاية منضل أمة من هالأمم المتحدة يعني مالنا حمير .. ودمنا دم أحمر مالو مي ..

مشان هيك لازم الأمم المتحدة تتحمل مسؤولية أنو في أمة من هالأمم المتحدة عم تنباد جماعياً.. ولازم تتدخل وفق المواثيق يلي وقعت عليها سوريا لما انضمت للأمم المتحدة (وأخص بالذكر هنا البند السابع)..


اقتباس
المعارضة الداخلية : طلبت الحوار على الطاولة مع الحكومة السورية لحل هذه الازمة .


ما في شي اسمو معارضة داخلية شريفة ومعارضة خارجية عميلة ... هلي برا متل يلي جوا بس النظام طفشون .. أو هجرون .. أو نفاهون ..يعني هنن بالنهاية متلون متل غيرون
(طبعاً في البعض عندو أجندات خارجية وبدو يجي على ضهر دبابة أميركية بس هاد الشعب لفظو وأخص بالذكر عبد الحليم خدام... صدقني الشعب والمعارضة وكل العالم ما بدها يا.. وإذا جرب ورجع رح يتحاكم متل رموز النظام التانية)


اقتباس
انا كرأي شخصي . : حل مناسب لهالبلد . ::::: يصير تعددية حزبية + حزب البعث ليس الحزب القائد + فترة محددة للرئاسة بما يماثل تقريبا 6 سنين + وقف التظاهرات + عفو عام لكل من داخل السجون ولكل الملاحقين أمنياً + وجود حرية في الرأي والكلام ضمن حدود أحترام الآخرين .


وين سحب الجيش من الشارع ... حبيبي هاد أول بند لازم تحطو .. وقف القتل هو أول الأولويات .. ومتل ما قال أحدهم ... سوريا الآن بحفرة عميقة .. حتى نخرج من الحفرة علينا أولاً أن نتوقف عن الحفر .. ومن ثم نفكر بكيفية الخروج من الحفرة..
فهمت عليي مو هيك؟؟؟


اقتباس
هلي مع المجلس .. بيرضى برأيي ؟؟؟؟؟؟؟؟ او حتى عندكم فكرة .. انه المجلس بيرضى بهيك حل .. ؟؟


ليك ... إذا ضفت لرأيك بندين تانيات أنا متأكد أنو المجلس رح يقبل (حسب كلام رموزو)

1. وقف القتل وسحب الجيش من الشوارع

2. انتخابات رئاسية (وليس تشريعية) فورية تحت رقابة دولية ...

يعني التفاوض رح يكون على نقل السلطة وليس على غير ذلك.... بعدين إذا ضفت هالبندين أنا متأكد أنو كل المعارضة رح توافق .... بس متأكد كمان أنو النظام ما رح يوافق ... لأنو إذا عمل البندين يلي أنا ضفتون معناتو النظام يعطيك العافية .. خلصت شغلتو..


اقتباس
لأن المعارضة الداخلية عالأغلب ماعندهم مشكلة بهاللشي .. ؟؟


لأ حبيبي.. حتى المعارضة الداخلية ما رح تقبل بحكيك إذا ما ضفنا البندين يلي أنا ضفتون .. او على الأقل البند الأول..


اقتباس
بس كمجلس .. انا اكيد مارح انسى انهم اشخاص مسيسين من الخارج . ولكل منهم مصلحتهم الشخصية .. وانا ماعندي ثقة فيهم اطلاقا


لا تعمم .. لأن التعميم من العمى ... وإذا في حدا عندو أجندات صدقني الشعب رح يلفظو متل ما لفظ خدام ورفعت ... يعني عملياً رح يصير عملية غربلة للمجلس من قبل الشعب ... رح ينكب الطالح ويبقى الصالح... الشعب هو يلي رح يحكم... إذا ما عندك ثقة بالشعب هاد شي تاني!!!


اقتباس
( لأنهم من اصحاب رأي تدخل خارجي لحل قضيتنا !!!!! )


من شوي وضحت شو يعني حماية مدنيين وشو يعني تدخل خارجي ... ما في داعي للتكرار..


اقتباس
الشعب بشكل عام مع المجلس .. لأن الشعب السوري جاهل سياسياً ..


الله يعزك ويعلي مقدارك يا حق .. كتر خيرك.. هاد يلي طلع معك ...

مو على حساب بالخطاب الشهير تبع مجلس الشعب كان عم يعول على وعي الشعب السوري ....

شو ايمتى ما بدكن الشعب واعي ,, وايمتى ما بدكن الشعب جاهل!!!!


اقتباس
فأذا اعتبر حاله ضمن ظلام دامس بالحكومة الحالية .. فأكيد عم يشوف النور الكامل بالمجلس ..


النور الكامل هو الثورة .. والثورة طالبت بتشكيل كيان سياسي قادر على التفاهم مع العالم ويضمن عدم نشوء فراغ سياسي بعد سقوط النظام.. يعني ما حدا شايف النور بالمجلس ,, وإنما شايف أنو المجلس هو أحد الإنجازات في خدمة الثورة ,, والثورة هي النور..





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 135


T-BaG

جامعـي اســتثنائي

" بي باي "




مسجل منذ: 07-03-2009
عدد المشاركات: 870
تقييمات العضو: 11
المتابعون: 20

غير موجود
اشــترك بالتحديثات
رسالة مستعجلة

رد مشاركة : *_^قــــهــــــوة للـــشــباب و بـــــــــــس ^_*

12-10-2011 05:50 AM




مشان اضافتك للبند الأول .. فأكيد انا معه تماما .. وانا عم راجع اقتراحي .. كنت عم قول في شي اساسي ونسيانه .. !! عكل حال ضمنينا ماعليه خلاف ..


 


والبند التاني .. ممكن تتفاداه .. لحتى تخلص الولاية الحالية .. وبعدها يصير انتخابات بحرية كاااااملة .


 


شو ايمتى ما بدكن الشعب واعي ,, وايمتى ما بدكن الشعب جاهل!!!!


 


 


مين احنا .؟.؟ ..  ايه انا بصر عكلامي .. الشعب السووووووري جاهل سياسياااااااااااً إلا مارحم ربي .


 


وكأني لمحت بأحد الردود بالمنتدى سابقاً .. انه اعضاء المجلس .. في عهود تمت ان لايستلموا اي منصب اذا تم التغيير وهدي الوضع بالبلد .. ففي شي من هاللشي .. ؟؟ ولا مجرد رد بهالمنتدى !!





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 136


Muhammad 1933

جامعـي اســتثنائي

.::| فَاصْبِرْ إِنَّ وَعْدَ اللَّهِ حَقٌّ |::.




مسجل منذ: 07-08-2011
عدد المشاركات: 919
تقييمات العضو: 202
المتابعون: 35

غير موجود
اشــترك بالتحديثات
رسالة مستعجلة

رد مشاركة : *_^قــــهــــــوة للـــشــباب و بـــــــــــس ^_*

12-10-2011 06:02 AM





اقتباس
والبند التاني .. ممكن تتفاداه .. لحتى تخلص الولاية الحالية .. وبعدها يصير انتخابات بحرية كاااااملة .


ممكن .. بس يلي رحلو أب أو أخ أو ابن عم أو بنت خال ... ما رح يقدر يصبر 3 سنين تانيات .. رح يضل يتظاهر لحتى يروح ....

بعدين في اختراع اسمو "انتخابات مبكرة" بكل دول العالم لما يصير في متل هيك أزمات بتلجأ لهاد الخيار لحتى تنحل الأزمة ...

وإذا كان الأسد واثق من شعبيتو فليتفضل إلى صناديق الاقتراع هلق أو بعد 3 سنين شو بتفرق معو ؟؟ بس إذا صار 3 سنين بتكون بردت القصة .. وارجعنا 40 سنة لورا ....


اقتباس
مين احنا .؟.؟ ..  ايه انا بصر عكلامي .. الشعب السووووووري جاهل سياسياااااااااااً إلا مارحم ربي .


لا تواخذني كنت مفكرك من المنحبكجية يلي شو ما قال يلي بحبوه بكون كلامو طابو ... مشان هيك جمعتك معو ...

وبالنسبة لرأيك بالشعب السوري .. فهاد رأيك .. وعلى كل الأحوال إذا كان هالشي موجود فبكون بسبب قمع الحريات على مدى 40 عاماً .... فصار المواطن لا يفكر بشيء اسمو سياسة وإنما همه ربطة الخبز والراتب يلي بدو يكفيه لآخر الشهر (على فكرة هالشي كان مقصود مشان ما يوعى الشعب على الأهر يلي هو عايش فيه) ...

بس على كل الأحوال هلق زاد الوعي عن قبل 7 أشهر ... مهما كانت نسبة الوعي سابقاً ... هلق زادت ...


اقتباس
وكأني لمحت بأحد الردود بالمنتدى سابقاً .. انه اعضاء المجلس .. في عهود تمت ان لايستلموا اي منصب اذا تم التغيير وهدي الوضع بالبلد .. ففي شي من هاللشي .. ؟؟ ولا مجرد رد بهالمنتدى !!


حسب الشخص يلي كاتب الرد ...

هلق يلي أنا بعرفو أنو أي بالتنسيقيات في قانون بيمنع المنتسبين للتنسيقيات بممارسة أي عمل سياسي خلال 4 سنوات ... أما بالمجلس فما عندي فكرة .. بس ممكن.. يعني الشغلة مو مستبعدة...





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 137


T-BaG

جامعـي اســتثنائي

" بي باي "




مسجل منذ: 07-03-2009
عدد المشاركات: 870
تقييمات العضو: 11
المتابعون: 20

غير موجود
اشــترك بالتحديثات
رسالة مستعجلة

رد مشاركة : *_^قــــهــــــوة للـــشــباب و بـــــــــــس ^_*

12-10-2011 06:35 AM





اقتباس
ممكن .. بس يلي رحلو أب أو أخ أو ابن عم أو بنت خال ... ما رح يقدر يصبر 3 سنين تانيات .. رح يضل يتظاهر لحتى يروح .... بعدين في اختراع اسمو "انتخابات مبكرة" بكل دول العالم لما يصير في متل هيك أزمات بتلجأ لهاد الخيار لحتى تنحل الأزمة ...





تعقيباً عكلامك .. هدول الناس ماعندهم مشكلة .. انه يصير تدخل عسكري .. بحجة .. رصاصة من الغريب احسن من رصاصة من ابن بلدك .. !!!!!! فشوووووووووووو هالعقلية .... ؟؟؟؟؟؟؟؟؟؟؟؟؟؟؟؟؟؟؟؟؟ كأنو عم نلعب حرب النئيفات .. !!!



وبالنسبة لأنتخابات المبكرة .. انا كتير عم اسمع انه بال 2012 في انتخابات مبكرة " ولا أدري ماصحة ماسمعت " ..





اقتباس
فصار المواطن لا يفكر بشيء اسمو سياسة وإنما همه ربطة الخبز والراتب يلي بدو يكفيه لآخر الشهر


ايه كلامك مزبوط وانا دائما كنت احكي هالحكي للناس ومن قبل الأحداث بسنين . وحتى المواطن السوري بيحلم يعمل سياحة عاللادئية .. مو عدول مجاورة او حتى اوروبا .  وكلمة معارض كلمة محرم تلفظها على ألسنة الشعب الشعب السوري وحاليا عالقنوات السورية .. تبدا المذيعة بجملة .. نرحب معنا بالمعارض الوطني السوري ..






-------------------------------


وصباح الخير ..





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 138


Compelling dark

عضو ذهبي


اثق بك..بكل ما لهذه الكلمة من معنى




مسجل منذ: 15-08-2010
عدد المشاركات: 2135
تقييمات العضو: 361
المتابعون: 124

غير موجود
اشــترك بالتحديثات
رسالة مستعجلة

رد مشاركة : *_^قــــهــــــوة للـــشــباب و بـــــــــــس ^_*

12-10-2011 08:42 AM




من الآخر وباختصار كل ماكان يجري في سورية حتى قبيل العيد كان من الممكن ان نسميه ثورة
اما بعد العيد فاللي عميصير مسخرة


اللي صار بالتمانينات عميتكرر اليوم بشكل عصري ومع كمية دماء اقل نظرا للضغط الاعلامي فقط وسرعة وصول المعلومة اما ما تبقى ما بظن انو  في شي تغير حتى العشائر والمدن الكبرى اللي كانت ساكتة ضلت ساكتة وماتحركت

اذا بدك تعمل ثورة بدك مركز شعبي للثورة (ميدان التحرير على سبيل المثال )او مركز عسكري (بنغازي )

بسورية ما في شي كل المدن اسكتت تقريبا ما ضل في غير حمص (جاري القمع)وادلب  دورا بعد حمص

حماة ...بانياس ...جبلة ...درعا...القنيطرة  ...دير الزور ...
وينن


الاهم ....حلب والشام ضد النظام وما عميطلعو شو استفدنا

زعماء عشائر الحسكة والدير راح الرئيس ببداية الاحداث سكتن بكم ليرة ورجع ولهلئ نايمين


باختصار اذا بدك تسقط نظام متل النظام الحالي بدك احد حلين

اما تتحرك عشائر المنطقة الشرقية بقوة ومرة واحدة عالطريقة الليبية

او تتحرك حلب ودمشق معا عالطريقة المصرية


وكل حل خارج عن هالخيارين برايي هو غير مجدي





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 139


ابو فراس

عضــو فضـي

.:: حلم أتمناه أن يصبح حقيقة ::.




مسجل منذ: 20-06-2010
عدد المشاركات: 1294
تقييمات العضو: 314
المتابعون: 36

غير موجود
اشــترك بالتحديثات
رسالة مستعجلة

رد مشاركة : *_^قــــهــــــوة للـــشــباب و بـــــــــــس ^_*

12-10-2011 10:21 AM




السلام عليكم


أخي العزيز طارق


نحنا قبل ما نكون "ثورجيين" نحن ناس "مؤمنين" والإيمان نابع من انو نصر الله قريب وقريب جداً


لا نيأس أبدا لأننا نعلم أننا على حق. ومهما تخلى عنا البشر فنحن واثقين بنصر رب البشر.


هلق أنا معك أنو الأمور كل مالها عم تسوء أكتر ولكن كلنا بنعرف أنو اللحظة الي بتسبق الفرج هي بتكون أعظم الضيق.

أما على الارض فحمص أقتحمت 3 مرات ومازالت متل الأول وأكتر ودرعا تقريباً كل قراها عم تطلع ويوميا ولكن لا يوجد إعلام وإدلب نفس الشي وحتى جسر الشغور


حماة لم تسكت مع انو الي صار فيها صعب كتير والقصف والصدمة مع أول أيام الشهر الفضيل


ولكن مع التواجد الأمني والعسكري الهائل حسنو يطلعو بالجمعة الماضية


وأنا متفائل بثورة كردية قادمة إن شاء الله وقريبا


بعدين أرجوك لا تقارن حلب بدمشق


فأحياء متل القابون برزة الميدان ركن الدين الصالحية المهاجرين قدم عسالي الحجر الأسود داريا الكسوة


حتى أنا بعرف مظاهرة مبارح كانت بحي الصالحية


وغيرها الكثير قدمت شهداء ولم ولن تسكت بإذن الله ولكن حجم التواجد الأمني عنجد كتير هائل


وهاد الكلام أنا لمستو شخصياً.


والريف متل دوما وحرستا وسقبا وحمورية وعربين وووووو كل يوم في مظاهرات.


فالثورة  لم تخمد ولن تخمد بإذن الله.


 












يا الله اليك نشكو ضعف قوتنا



*    *    *


وقلة حيلتنا وهواننا على الناس



 





أنت غير مسجل لدينا.. يمكنك التسجيل الآن.

مشاركة : 140


عاشق الوطن

جامعـي اســتثنائي

إخماد الثورة..غاية لا تدرك!




مسجل منذ: 24-06-2011
عدد المشاركات: 849
تقييمات العضو: 233
المتابعون: 23

غير موجود
اشــترك بالتحديثات
رسالة مستعجلة

رد مشاركة : *_^قــــهــــــوة للـــشــباب و بـــــــــــس ^_*

15-10-2011 03:43 PM




أكتبوا - قناة الدنيا -

على google

**لا تفوتكم **


^_*

                                                       
                                                   





ملتقى طلاب جامعة دمشق




أنت غير مسجل لدينا.. يمكنك التسجيل الآن.
التعليق باستخدام الفيسبوك
صفحة 14 من 23 <- 12 13 14 15 16->
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة