اذا بتلاحظو قبل ثلاث سنوات
كان فحص الانكليزي عبارة عن 60 سؤال فقط ومستواه عادي

وسنة 2009-2010  خلو الفحص الانكليزي 80سؤال

وسنة 2010-2011    تم تطبيق الفحص المعياري لأول مرة بالاضافة للفحص الانكليزي يلي صار يصعب اكتر واكتر
وفي نفس العام  تطورت كلية التربية من الناحية الكمية تطوراً كبيراً،  أعداد طلاب الدراسات العليا  بلغ ( 1621) وهم (900) طالباً في دبلوم التأهيل التربوي
و (571) ماجستير و (150) دكتوراه ،

وهاي السنة يلي احنا قدمنا فيها:
1- كان الفحص الانكليزي مرعب بالنسبة للطلاب
2- والفحص المعياري تم اختيار أسئلتو واختيارات الاحتمالات بعناية كبيرة تفوق كل تصور
3- بالاضافة لتقليل عدد المقاعد في الدراسات العليا(الماجستير)
4-بالاضافة لفتح المجال أمام خريجي التعليم المفتوح للتقدم للدراسات العليا لأول مرة
مما أدى إلى زيادة الضغط على خريجي التعليم النظامي وبالذات على خريجي قسم المعلم الصف ورياض الاطفال والسبب البديهي في ذلك أن طلبة هاذين القسمين من التعليم المفتوح علاماتهن أعلى بكتير من طلبة نفس القسمين من التعليم النظامي  هادا غير كمان انو طلبة التعليم المفتوح اعدادهن كبيرة جدا...-

5- طلاب جامعة تشرين بالذات ثم جامعة البعث صاروا فعلاً عميدرسو وعميتعبوا عحالن كتير مو متل قبل ( يعني طلاب جامعة دمشق ما عاد إلهن حجة ) لأنو الفحص المعياري ساوى بين الجميع

ولسى السنة الجاي بدو يكون الوضع بالنسبة للقبول بالماجستير أصعب من هلق

وبعد السنتين فقط يلي بدو ينقبل بالماجستير بدو يكون بالنسبة إلو متل الحلم
بدو يكون معدلو تبع الاجازة او الدبلوم أقل شيء 78%
وبدو يجيب بالفحص المعياري أقل شيء 65%

فيا أصدقائي هل توافقوني في وجهة نظري المتواضعة؟
أرجو منكم ان تشاركوني رأيي

ودمتم بألف خير
صديقكم ( المتفوق)          

أكيد أخي المتفوق
يمكن بعد سنتين بدا تصير الدراسات (حتى بالموازي )حلم
و عندي سؤال : هل برأيك الماجستير بيستاهل يندرس بالموازي و بها المبلغ (220000)
و يا ريت إذا عندك فكرة تشرحلي شوي عن مستقبل الدراسات و مجالات العمل فيها
مشكور كتير 

أخي المتفوق :

شكرا جزيلا لك وجزاك الله كل خير على جهودك واهتمامك ..........

في الحقيقة أنا أول ماعرفت من خلال موضوعك علما انه البارحة الساعة 3كنت بالكلية ولم يصدر

شيء ولم تعلق الأسماء في الكلية الى اليوم ( الى الآن موجودة عالنت)

أتمنى للجميع التوفيق

انا رح سجل موازي....



بس حاسة صعب يطلع...لان عنجد اعدادنا كتير كتار..
و ماشالله على الطلاب في معدلات


بس طمني عنك شو جبت؟؟؟؟

و قديش صار معدلك...


   

شوفي نورا
بما انو بدهن بس مقعدين للموازي
شو رايك نروح نلحق حالنا
هههههههههههههههههي
لان غير هيك رح نزل اعلان بالدليل اذا حدا بدو يبيع مقعدو بالماجستير
انا بشتريه
..............................

اهلا كيوي
مقعد إلي و مقعد إلك ههههههههههههههههه           
و الله انا مو فكرة بالموازي
خلي شوية أمل عنا
بيجوز يطلعلنا دبلوم
و وقتها مندرس متل العالم و منجيب معدلات بتكون منيحة ههههههههههه

بإعلان المفاضلة قالوا أنه مفاضلة الموازي خلال 10 أيام من تاريخ صدور مفاضلة العام

و ردولنا خبر أخي المتفوق

أنا بعتذر كتير كتير لأني تأخرت في الرد لأني كنت مشغول كتير كتير
زميلتي نورا:
هل برأيك الماجستير بيستاهل يندرس بالموازي و بها المبلغ (220000)
1- أكيد بيستاهل  
2- الطالب يلي بدو يدرس بالموازي لازم عليه يدرس أكتر بكتير من رفقاته المسجلين بالماجستير بالقبول العام ولازم يقوي علاقاتو مع الدكاترة بشكل كتير كبير يعني بالمختصر المفيد الطالب الموازي دافع بالسنة الاولى 110,000 ليرة سورية لازم يعرف قيمتهن وانو أهلو تعبو لحتى جابوا هالمبلغ بالتالي لازم الطالب يرد الجميل بمعدلات وعلامات بالمواد تكون عالية كتير
3- حتى الطلاب يلي بدهن يقدموا على الموازي راح يتم التفاضل بينهم

و يا ريت إذا عندك فكرة تشرحلي شوي عن مستقبل الدراسات و مجالات العمل فيها
هادا الموضوع بصراحة ما بيخلص لانو موضوع كبير كتير وبدو بصراحة التحدث وجها لوجه لانو فيو مد وجزر كتير.................