تسائلات عن الفرع؟؟ - منتدى جامعة دمشق

مشاركة : 2

Maschinenbau-Student

جامعـي مبـدعـ

مسجل منذ: 05-08-2011
عدد المشاركات: 257
تقييمات العضو: 37
المتابعون: 20

غير موجود
اشــترك بالتحديثات
رسالة مستعجلة

رد مشاركة : تسائلات عن الفرع؟؟

29-09-2011 05:51 AM

أول شي أهلا و سهلا فيكي و ألف مبروك
صراحة ما بحس إني الشخص الجيد للإجابة عن هيك أسئلة بس رح اكتب الشي يلي بعرفو و برأيي الشخصي.

سؤالي : كيف الفرع ...حلو ولا لأ...صعب؟؟؟ كيف المواد؟؟ والدوام ؟؟ بلاقي رفقة ؟؟

الفرع حلو, مانو سهل بس إذا بتدرسي و بتابعي من أول السنة بالأخير قبل الإمتحان ما رح تحسي بصعوبة
و إنتي رح تدرسي إختصاص عام يعني كل فروعة الهندسة المدنية رح تاخدي موادها بشكل مضغوط (إنشائي, تربة, طبوغرافيا...إلخ), مع العلم إنو بالسنة الأولى رح تكن المواد ما الها علاقة بالهندسة إلى حد ما (فيرياء, كيمياء, ثقافة, جيولوجيا...إلخ)
و من ناحية الرفقة, أكيد رح تلاقي, بالسنة الأولى مو إنتي بس الطالبة الجديدة, كل الطلاب جداد, و مباشرة رح تتعرفي على رفقات مع أول محاضرة عملي أو نظري أو وقت التسجيل.

يعني فيني اتفوق فيه اذا شديت همتي
أكيد, يلي عم يتفوق مو أحسن منك إلا بالدراسة و المتابعة, يعني إذا بتدرسي من أول السنة و بالتابعي مادة مادة و ما بتأجلي دراستها أكيد بتتفوقي.

واذا كان في صعوبات كيف فيني اسأل؟؟ ومين بدي اسأل؟
فيكي تسألي رفقاتك يلي رح تتعرفي عليهم, عموماً كل طالب رح تلاقي مميز بشغلة (برامج كمبيوتر, حل مسائل, نظري) حسب الطالب, أو تسألي إستاذ العملي بالمادة أو دكتور المادة. و خلال المحاضرة أو بعدها كمان فيكي تسألي الإستاذ (بكرا بتتعودي مباشرة)

وتخبروني اكتر عن الفرع ...مستقبلو وميزاتو
مستقبل هالفرع مهندس مدني, و إلو كتير مميزات معروفة إذا كان المهندس قد حالو و فهمان (على كل الأحوال بيضل إسمو مهندس مدني)

وبتمنى انو تقبلوني زميلة لالكن .......
أكيد أهلا و سهلا فيكي زميلتنا, و بتمنالك التوفيق من كل قلبي

سلام

« عرض آخر مواضيع العضو »

ملتقى طلاب جامعة دمشق

أنت غير مسجل لدينا.. يمكنك التسجيل الآن.