** نايا **


بقصد مشروط يعني عدد المواد غير مفتوح يعني ممكن يطلع القرار وأكيد رح يكون شامل لكل الكليات بس مارح يكون شامل لكل الطلاب بقصد ممكن اللي حامل أكتر من ست مواد مايرفعوه إداريّاً وطبعاً القرار إذا كان هيك بكون فاد كتير ناس كونو الترفيع النظامي مابيجوز الواحد يكون حامل أكتر من أربع مواد..

مع التحيّة

شو مشان القرار ايمتى رح يصدر صحيح الشي المكتوب عن القرار بموقع عكس السير يعني بس يلي معو 6 مواد فما دون بس يلي رح يستفيد طب يلي حامل اكثر شو بدو يعمل ما الازمة كانت عالكل واكثر طلاب اتضررو هم طلاب درعا وانا واحد منهم  وحامل عشر مواد ورفقاتي مثلي يعني ناس اكلت هوا وناس اجاها القرار من دون مايصير عندهم شي                                          صبرنا وصمنا وافطرنا على ................................................................ (انتو حطو يلي بتشوفو مناسب)                      ولا كانو طلع القرار بالنسبة لطلاب درعا        على كلا النا الله

 بالفعل  ما بئى حدا منّون استحى ....بس النا الله ...احسن من الكل ...

أخي من المنطقي جدّاً يكون القرار مشروط  أنا بصراحة بتوّقع  إنّو يكون مشروط  شو السبب ؟؟ لأنّو وزارة التعليم العالي بتحاول تحقّق ولو أدنى فائدة للطالب بشرط ماينعكس سلبيّاً على إدارة الجامعة من حيث ازدياد عدد الطلاب وخاصّة إنّو هالأوضاع بدأت بعد انتهاء الفصل الأوّل.

وفي إلي مشاركة بهالموضوع شاركتها من كم يوم بالصفحة 9 رقمها 89 إذا قرأتها رح تستنتج لحالك هالسبب اللي ذكرتو

مع التحيّة

كمان بدّي قول هالكلمتين :

الله يسامح اللي قيّم مشاركاتي تقييم سيّئ بهالموضوع 
أنا بصراحة توقّعت توقّع من أوّل شي إنّو يكون القرار مشروط ويترفّع إداريّاً بس اللي معو 6 مواد فما دون يعني ماتمنّيت تمنّي لحتّى  استحق هالتقييم، وفعلاً مبارح وصل خبر من مصادر عكس السير إنو مابيترفّع اللي حامل أكتر من 6 مواد وإنّو القرار صار جاهز، وان شاء لله يكون الخبر كاذب وهاد هو رابط الخبر:

http://adaab.ba7r.org/t1053-topic

وبالنهاية ان شالله يكون توقّعي خاطئ ويكون القرار شامل لكل الطلاب.

ولو يا raed_esmaeil

هاي احلى تقييم الك ليصبحوا تقييماتك -17

لانه واضح من كلامك انه انت ماعم تتمنى بل تتوقع ...

مشكور

بس ما اظن حدا قيم مشاركاتك بهذا الموضوع تقييم 




بس على كل حال بتستاهل التقييم

يسسسسسسسسسسسسسسسسسسلمو كتييييييييييييير raed_esmaeil
عن جد شكراً عالتوضيح والتقييم صار فووووووووق (بتستاهله)

                            مرة تانية شكراً .....يعطيك العافية

                                              باااااااااااااااااااااااااي

السلام عليكم
والله في كتير ناس عم تحكي كأنو مو عايشة عالبلد
وعم تحط اللوم عالناس اللي حاطين الاحداث حجة بحب قلكن كوني من درعا انو الاحداث هي السبب الرئيسي لان في ايام كانو عالحواجز يمنعو الطلعة والنزلة من البلد ومات ناس من جيرانا وقرايبنا يعني جو الحزن والتوتر كان مسيطر عالبلد والناس كل يوم تطلع بالبلد
طبعا لازم من وجهة نظركن ننسى انو شباب عم تموت ورصاص عم ينضرب واخواتي الصغار اللي يبكو بالبييت من رعبتهن وروح ادرس براااااااااافو
مرة من المرات اخد معي مشوار الطريق اللي كان بدو ساعة وربع بالكتير اخد شي 3 ساعات ووصلت متأخرة على مادة من المواد وراحت علي مشان هيكحاجة تنظير وفزلكة """"لا يؤمن احدكم حتى يحب لاخيه ما يحب لنفسه"""
انا بحكي هالكلام وانا بقيلي مادة وبترفع وضامنتها باذن الله
بس بعرف طلاب معهن 8 و10 مواد واكتر فحراااااااااااام
اسفة للاطالة بس كلام بعض الطلاب في كتير انانية

شكراً على التقييم والك منّي كمان   

أمّا بالنسبة لتساؤلك عن إنّو مابتظن حدا قيّمني تقييم سيئ بهالموضوع بجوز بس يمضي عدّة أيام على التقييم السيئ ماببيّن إنّو التقييم من نفس الموضوع أو ممكن قيّموني هيك بنفس الموضوع لأنها كانت بمنتديات أخرى وبصراحة ماحسّيت تقييماتي صارت هيك    إلاّ من وقت ماشاركت بهالموضوع لاعتقاد البعض إنّو مشاركاتي تمنّي وإنّي قصدت الإساءة أو عرفو إنّي عم إتوقّع توقّع بس بما إنو الحكي ماعجبون و بجوز مالاقوه لصالحون حبّو ومع ذلك يقيموني تقييم سيّئ وأنا بصراحة ماقصدت إلا التوضيح فقط.
مع تحيتي