[x]

"وقـل اعمـلوا فسـيرى الله عـملكم ورسـوله والمؤمنـون"


..لمحة عن كليات جامعة دمشق و فروعها... شاركنا تجربتك وكلمنا عن اختصاصك



بســـــــــ الله ــــــــــم   الرحــــــــــــ الرحيم ــــــمن

 

أهلاً وسهلاً بكم

..العدل أساس الملك..

مركز تحميل الصور

  ملتقى طلاب جامعة دمشق --> كلية الحقوق --> -:- حـق (حــقــوقـيـيـن) يقـيـن -:- --> -:- نقاشات (آراء) حوارات -:-
    حرب العائدي والأنوار
عنوان البريد :  
كلمة المرور :  
                    تسجيل جـديد


.حرب العائدي والأنوار


noha hussean

جامعـي مبـدعـ





مسجل منذ: 07-07-2008
عدد المشاركات: 436
تقييمات العضو: 0
المتابعون: 16

غير موجود
اشــترك بالتحديثات
رسالة مستعجلة

حرب العائدي والأنوار

14-12-2010 10:03 AM




أي نعم حرب
حرب على مصلحة الطالب ولا ضد مصلحة الطالب


بصراحة أنا اليوم صارت معي شغلة كثييير انزعجت منها 
أنا بفرغ للأنوار ماشي 
ويوم المطر والثلج كان الطريق عنا مسكر 
فما قدرت أنزل على المحاضرة 
اتصلت بالمكتبة 
لأنن وصلوا متأخرين ما لحقوا يحطوا فلاشة ليسجلوا المحاضرة 
بس حرام وعدوني يأمنولي المحاضرة 
بس قالولي 
شوفي الطلاب إنت كمان بلكي بيطلع معك شي
وبالفعل توجهت إلى مدرج السنة الأولى 
بتعرفوا طلاب الأولى قال الدكتور مافي تسجيل على الفلاشات كلو بيسمع الكلمة 
طبعاً إلا الراسبين والمفرغين يعني يلي بيكتبوا المحاضرة للطلاب 
ولأن ما في بالأولى طلاب تسجل قلت لروح أسأل يلي بيفرغ للعائدي 
لأن القصد بالأول والأخير بالنسبة إلي تنزل المحاضرة للطلاب يلي ما إجو 
ولا ببالي الحرب بين المتنافسين إنها صايرة بهالشكل 
رحت بلا طولت سيرة 
قالي مفرغ العائدي وهون كانت الصدمة 
لو إنك طالبة عادية عطيتك المحاضرة بس إنت مفرغة. أنا ما بقدر أعطيك المحاضرة لحتى يأذن صاحب المكتبة - وهاااد من سابع المستحيلات -
فقلتلو خلص عطيني التسجيل بس وأنا بفرغ المحاضرة لحالي وبعدين كيف بدو يدرى صاحب المكتبة  
قالي وأفحمني 
ليش الله مو شايفني
قمت قلتلو الله يعني مو شايفك ماعم تساعد المحتاج  
الله يشايفك  إنو مصلحة الطالب ويا حرام الطلاب متعلقة بالمحاضرة يلي عم نكتبها ليش الغالبية ما عم تنزل والله شايفني إني ما تأخرت على ولا محاضرة بس نهار الاتنين كان الطريق مسكر ...؟!!!!
قالي إنت وين عايشة الأنوار ضد العائدي أنا كيف بدي أعطي عدوي سلاحي  
لا حول ولا قوة إلا بالله 
والله قبل ما أحكي معو كانت زميلتو بالعمل بتفرغ محاضرة أنا بفرغها ونسيانة فلاشتها أقسم بالله عطيتها ياها 
لأن بالأول والأخير الطالب هو المستفيد . ( وتعاونوا على البر والتقوى)

إذا الروس الكبيرة عم تتخانق قصدي تتنافس على العملة مع احترامي لإلن 
فنحنا الروس الصغيرة ليش لنقلدن ما احنا كنا طلاب وياما كنا نشتكي من تأخر المحاضرات من صراعن وهلأ صرنا اللهم عافنا أسوأ منن 


يمكن رح تقولوا حطي حالك محلو . حطيت حالي وربي على ما أقول شهيد إني ما منعت المحاضرة. بلعكس 


فشو رأيكن
هل التنافس يعني إنو كل جهة بتتعامل مع الجهة المتنافسة معها بلئم، ولا شو ؟   
أنا ماعم بفهم شو يعني التنافس 
أنا الغلطانة ولا شو 
والله ماعدت بعرف هاد جو الشغل لازم يكون هيك - هي أول مرة بشتغل فيها بكل حياتي -
فكثير مصدومة   
يعني معقول وصلنا لهون؟؟؟؟؟؟؟؟؟؟!!!!!!    

 







ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 2


hossammon1

جامعـي جديــد





مسجل منذ: 20-02-2011
عدد المشاركات: 24
تقييمات العضو: 0

غير موجود
اشــترك بالتحديثات
رسالة مستعجلة

عفوا ..........

18-03-2011 10:02 PM




الموضوغ برأي مو هون


الموضوع انو معقول المحاضرات الي الغالبية العظمة من الطلاب تدرس هاد الشي الي اعدين عب دورو منين بدكن تاخدو ومانكن عرفانين


يعني هي هي المحاضرات الي  بتنشهر بين الطلاب


وهاد الشغل الي بتشتغلو المكتبات


معقول


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


لهون وصلنا يكون مستقبل العديد من الطلاب هون بهي الخناقة تبعكن


للاسف


يعني هي حرب بس مين الي عب يروح فيها
الطلاب مشان شو
المصاري





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 3


wissam90

جامعـي نشـيط





مسجل منذ: 13-02-2008
عدد المشاركات: 185
تقييمات العضو: 0
المتابعون: 10

غير موجود
اشــترك بالتحديثات
رسالة مستعجلة

رد مشاركة : حرب العائدي والأنوار

18-03-2011 10:29 PM







الزميل hossammon1 معو حق , هي من جهة 

و من جهة تانية  يلي صار معك هو مضحك مبكي

يعني تجاريا الحق مع الزلمة بس أخلاقيا الحق معك , و الله يعينك على هالمهنة و خصوصي إنو ضميرك حي , يعني وحدة غيرك كانت لا بتعطي تسجيل المحاضرة لحدا و كانت فتحت الكتاب و "قررت" شو المهم و كتبتو بدون ما تفرق معا شو حكى الدكتور .

أنا بعرف إنو أنتي عملتي موضوع  هون من شان تفشي خلقك بس هو ما حدا لحيساعدك و أنا بنصحك إذا ما كنتي مضطرة للمصاري تبع هالشغل , اتركي أريح لبالك , يعني تخيلي مصير 5000 طالب معلق بإديكي و الواضح إنو أنت بدك الأفضل للطالب و بدك تفيدي مو بس تعبي جيبتك .

الناس الأخيار قلال بمجتمعنا و نادرين جدا , اتعودي :)





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 4


safeer algharam

جامعـي نشـيط





مسجل منذ: 25-04-2008
عدد المشاركات: 114
تقييمات العضو: 0
المتابعون: 4

غير موجود
اشــترك بالتحديثات
رسالة مستعجلة

رد مشاركة : حرب العائدي والأنوار

20-03-2011 11:06 PM




زميلتي العزيزة الامر يلي صار معك امر طبيعي جدا لانك فكرتي بالموضوع من باب انساني اولا لانك طالبة وثانيا طبيعتك الانسانية  أما صاحب المكتبة فكر من باب تجاري بطبيعة المنافسة القائمة بين المكتبات وبالنسبة له الربح التجاري أهم من المشاعر .......


بس باعتقادي الشخصي كان بامكانك تحلي الموضوع بطريقة بسيطة جدا بما انك بتحضري دائما معناها اكيد لازم تعرفي انو الدكتور بيلقي معظم المحاضرة نسخة عن الكتاب بالاضافة للقليل من الاضافات الخارجية لذلك كان بامكانك تسألي دكتور المادة شو عطا باليوم اللي غبتي فيه وتطلبي من أحد الطلاب اللي كانو حاضرين يعطيكي الاضافات التي لاتتعدى فقرتين او ثلاثة كاقصى حد........

بجميع الاحوال مشكورة على اهتمامك وحرصك على مصلحة الطلاب والله يعطيكي العافية واذا الانسان ما اخطأ ما بيتعلم ....




  يا حبي الأوحد لا تبكي فدموعك تحفر وجداني   


      ***حاول أن تكون كالشمعة التي تذوب لتنير درب الاخرين ***

أنت غير مسجل لدينا.. يمكنك التسجيل الآن.
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة