مرحبا يا شباب ويا صبايا ...حبيت احكي عن قصتي ...مع انو هي بقولو انو اسرار ...بس ما قدرت ...أحيانا المبادئ بتخنقنا ...فقلت بحكي هالسر اللي بالنسبة الي فظيع وكارثة لانو صدمني ...كنت حب شخص كتير ...كان كل شي بالنسبة الي ...وانا كنت نفس الشي بالنسبة الو ...تعرفت عليه بالمعهد البريطاني بالشعلان ...اكيد بتعرفوه ...المشكلة اني ما بحبذ اني احكي مع شباب كتير اذا كانو حابين يتعرفو من ناحية اعجاب وهالقصص ....زمالة ممكن ...بس حب لأ....كتير حاول يحكي معي ..وياخد رقمي ...هو شب كتير محترم ولبق ...حكيت معو ضمن المعهد ...بعدين اخد رقمي ...وضليت فترة حاكيه بس مو من كل قناعتي ...حسيت اني عم اعمل شي مو مسموح ...خبيت عن اهلي ...وانا مو متعودة خبي شي عن ماما بالتحديد...بقا رجعت عالسعودية بالعطلة السنة الماضية ...وبعد ما تعرفت عليه صرلي شي 3 اشهر ....خبرت ماما وماما خبرت بابا ...لأنو هو قال ...اذا تقدمتلك بتوافقي ؟؟؟فخبرت اهلي ...قلت لحالي هيك احسن من اني احكي معو بالسر ...يتقدملي احسن ...وصار كتير قصص بهالفترة ...المهم انو رجعت عالشام ...وضليت حاكيه ...لحد ما اجا الصيف ..وبعد عناء كبير ومحاولات منو ...مع اهلو ...رضيو انو يجو على بيتنا ويتقدمولي ..وكأني انا مو بنت عيلة وما عندي اهل ...يعني ولا وحدة فينا مضطرة تكون بموقف انو تعو يا عيلتو وخطبوني ...اجو ...وعلامات الرفض على وجوههن ..بس اقتنعو بالنهاية ...وبابا حبن وماما نفس الشي ...بس ما قرينا فاتحة ولا شي بس صار ينذكر بالبيت عنا وكأنو واحد من العيلة ...عادي ..ومن شي اسبوعين ....صار قصة ...ما رح احكي عنها لأنو كتير خصوصية فيي وفيه لهالشخص ...ولو بعد انفصالنا ...ظلموني ...وحطو الحق عليي وقالو انو انا اللي عملت هيك ..او حدا من اهلي ...ماما حكت مع الشب ...وانا حكيت مع امه لحتى فهمها اني مالنا علاقة بالموضوع كلو ....وفهمت منها انو انحل الموضوع ...وبابا اتصل بأبوه ...قام الأب قال انو ما بيقدر يحكي ..وبيحكي مع بابا بعدين ....وما رجع اتصل ...وهاد اكبر دليل انو هنن ما بدن ياني ...انا ما اجبرت حدا ...ولا بقبل اني اتزوج شب اهلو ما بدن ياني ...وانا ما لي بنت من اي عيلة ...انا ما رح امدح بحالي بس انا متعلمة ومثقفة ...وظلموني واتهموني وانا واهلي ...اقسم بالله اني ما عملت شي لا انا ولا اهلي ...انا صرلي فترة عم ابكي ...اتصلت فيه ...وقلي انو انا رح انهي كل شي ...وابوه قلو انو ينهي اللي بيننا ...اللي صدمني انو نقلي الصورة متل ماهيي وما فكر بمشاعري ...ولا قال انو في حكي ما بينحكى ...وانو بيجرحني ...ولا دافع عني ...ووقف مع اهلو ...ولا قال انو بحبني وانو رح يدافع عني وعن الحب ...انسحب ببساطة ...اللي بخليني استغلرب انو كيف عايش هلق ؟؟؟عم يضحك ...ياكل ويروق ...كيف بيقدر ينسى ؟؟؟هاد اللي بيصدم ...ولا فكر انو يتصل من بعد القصة ...وما عاد حكا معي ...انا ما بدي يحاكيني بس واضح انو هو كمان ما بدو ياني ...وسمع حكي ماما وبابا بس لانو هيك بدن ...وانتهى كل شي ببساطة ...ونسي اللي بيننا ...الشب بيطلع فورا من الأزمة وبيضحك بس البنت لا ...أول حب بحياتها بيضل علقان براسها وما بفارقها ...بتنسى ...بس بتضلها مجروحة ...وماعاد بدي حب حدا بعد هالقصة الجارحة اللي صارت معي ...
ياسمين..
واضح إنك بنت كتير شفافة و بس تحبي بتحبي من كل قلبك..
كتير حلو الواحد يحب ..
بس شباب هاليومين كل البنات بعيونن متل بعض..
يعني الشباب(مو متل البنات) ما عم يحبو البنت لذاتها أو بسبب شعور سامي أو طاهر موجود بقلبن..
بس طبعا مو الكل ..
و بما إنك بنت شفافة لهالدرجة تأكدي إنو ربنا اخترلك الأحسن و بعد عنك هالإنسان الهزيل اللي كلمة بتاخدو و كلمة بتجيبو..
يعني لو تطورت علاقتك في للارتباط كان حولك حياتك لجحيم لإني من خلال حكيك حسيتو ( دلوع الماما ) .
إلا متلاقي الشخص اللي بيستاهلك لا تزعلي على هيك إنسان أبدا..
تحيتي لكي..
ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية WwW.Jamaa.Net