السلام عليكم و رحمة الله و بركاته
بداية بحب قول لطلاب الثالثة الحمد لله على السلامة بعد الفصل الاول و بتمنى تكونوا قدمتوا منيح
و حاحكيلكن شوي عن الفصل الثاني طبعا هيك حشرية مني
الفصل الثاني بيتألف من ست مواد و هي التالية
1 الخرسانة المسلحة(1)
يدرسها :
الدكتور سليمان ناصيف (بحث الانعطاف)
الدكتور غسان محمود (قسم الضغط المركزي و اللامركزي و الاعمدة)
الدكتور شريف برقاوي (يتحدث عن التماسك و خواص الخرسانة و الفولاذ)"نظري فقط"
الدكتور قاسم زحيلي (التشوهات )
المادة بشكل عام حلوة و فيها شغل لابأس به و يجب عليك المتابعة و هي اضخم مواد الفصل و تحتاج الى الكود العربي السوري طبعا
2 المعدنية(1)
يدرسها :
الدكتور نشوان الخاير (الضغط البسيط و الشد البسيط)
الدكتور مؤيد صبح (الانعطاف و الوصلات )
المادة تاتتي بعد الخرسانة من حيث الضخامة و الدراسة و تحتاج فيها الى الكود (ربما في هذه السنة الكود الاوروبي )
اذا فهمت الية التعامل مع الكود فقد كفيت و وفيت
لانه كل ما تحتاجه موجود في الكود
3 الطرق و المواصلات (1)
يدرسها :
الدكتور ة دينا قداح و الدكتور حمزة جمعة للطرق (خطوات دراسة الطريق)
الدكتور امجد دهمان للمرور (بتعرف تشتغل شرطي مرور بعد هالقسم)
الماده نظرية بحته تقريبا الا انه يوجد بعض المسائل
و في العملي يوجد مشروع فقط حيث يضع المهندس بين ايديكم مخطط طبغرافي و يقول صمم طريق بين نقط يحددها لك هو (ونصيحتي اشتغلوا المشروع خلال السنة لا تاجلوا للاخير بتندمو )
4 الامداد بالمياه
يدرسها :
الدكتور بشار المفتي (الحضور ضروري لانه السنة الماضية جاب نص علاماتو على اشياء غير مكتوبة في المحاضرات التي يقوم بتنزيلها هو بنفسه )
الدكتور عبود عبود
اسهل ماده في الفصل الثاني و فيها مسائل سهلة و حلوة و يدرس العملي الدكتورة سونيا عباسي لكل الطلاب (هيك على ايامنا)
5 التربة(2)
يدرسها :
الدكتور حنا يني (الاجهادات في التربة )
الدكتور محمد مروان قعقع (القص في التربة )
الدكتور غياث الكسم (الجدران الاستنادية و ضغط التربة الجانبي)
هي امتداد للتربة (1) و العملي فيها عبارة عن مسائل فقط لا يوجد تجارب و بحب بشركن ما في دفتر عند الاغلبية مو عند الكل طبعا
6 الانشاءات (2)
يدرسها :
الدكتور محمد غريب (مصفوفة المرونة و مصفوفة القساوة و التصميم بمعونة الحاسب)
الدكتور ابراهيم جراد (التحليل اللدن )
هي كشبيهتها الانشاءات(1) الا انها باللغة العربية و رغم انها اضخم من انشاءات (1) الا انها اسهل بكثير و ممتعة كمان عيشوا بهالنعم
نصائح ....... و بتمنى ما كون تقلتها عليكن :
1 الخرسانة كل محاضرة بوقتها و الا بتضييييييييييع بالاخير (لازم تفهمها من خلال استاذ العملي يعني بالعربي
احضار عند المهندس سمير العوا )
2 المعدنية أفهم الكود و آلية الاستخدام و بتم ذلك من خلال العملي طبعا و بنصحكن باقتناء كتاب الدكتور محمد السمارة كتير بسهل عليكن الدراسة
3 التربة (2) مو مثل التربة (1) لا تنغدروا فيها بدها شغل
4 الطرق اهتم باسئلة الدورات منييييييح و حاول تبدا بدراستهن من البداية مو بس وقت الفحص
5 امداد المياه مادة سهلة قلنا بس كمان لا تراكم النظري عليك مع انو سهل
6 الانشاءات (2) كمان اهتم باسئلة الدورات خاصة التحليل اللدن (قسم الدكتور جراد)
و بالنهاية بتمنى للكل التوفيق و النجاح
و امانة سامحوني على الاطالة و الحشرية و اي سؤال حول المواد انا جاهز
دلـيــل الفـصـل الثـانـي-السنة الثانية 2011/2012... كلية الهندسة المدنية
السنة الثالثة الفصل الثاني----- بسم الله نبدأ
وما كان يوصل للذروة مشان يبلش يتناقص... 
