بس في فكره حابب اطرحها وتعطوني رأيكم
يعني ليش مبحطوا شاشة الكترونية في كليتنا الاقتصاد وعليها بنشرو توزيع الطلاب قبل كل امتحان
واذا مشان حقها كمان كل طالب بيدفع خمس ليرات
بربكم مو فكره ......

السلام عليكم


هلأ انا مالي اقتصاد
بس مدري ليش اجا على بالي شارك
وقلك
انو فكرة

وبنصحك تكون اول المتبرعين

فتاح صندوق التبرعات

وانا بدي اجي بنفسي عالإقتصاد
وحط 10 مو 5
هههههههههههه

مررحببببا:

حبيت اشارك مع أنو انا من الاداب

أولا :اقتراحك كتتتير خيالي وماراح يزبط ع ارض الواقع حلو طموح بس شطحات الخيال شطحتيها بعيده كتير

تانيا:قبل مانعمل شاشة الاكترونية نحسن اشياء كتيرةبالجامعه ناقصتنا

وتالتا:احنا بلد عربي وجامعه حكومية اولا ممنوع تبرعات طلاب لشي معين هذا ع حسب معلوماتي *ولي يعرف غير شي يصصححها لو سمح *

لو كنا بجامعه خاصة انا اول من شاطحين بالخيال معك

ولاتواخذني اذا زعجك كلامي بس بدنا نكون واقعيين .

واذا صار وتحقق انا سوف اتبرع 500 لا خمسة وعشره بس كرم عيونك حلوة ع اقتراح


سلامو
بايو

ليش خيال ؟؟
بكلية الهندسة المدنية يوجد شاشة الكترونية
ولكن يوضع عليها الاعلانات الادراية وليس توزيع الطلاب
واتمنى لو نعمل بجدية ونوصل اقتراحنا لعميد كليتنا
                                 
بتوقع جميع عمداء الكليات لن يرقضون اي نقترح يطور من كليات جامعة دمشق
                           

فكرة ولا أحلى من هيك

بتصدق إذا قلتلك إنو هالفكرة خطرت على بالي السنة الماضية أيام الامتحان

وقت كنت واقفة عم استنى أعرف وين قاعتي بين حشود الطلاب المجتمعين أمام الأسماء

حتى قعدت دور على مكان مناسب إلها بالكلية بحيث كل الطلاب يشوفوها من دون أي عجقة

وبتذكر إني قلت هي الفكرة موجودة بالمطارات ليش لحتا ما يطبقوها عنا

بس وقتها اضحكوا علي رفقاتي واعتبروا إنو الدراسة مأثرة علي هههههههههه

بس عنجد الفكرة بتطبق بس بدا حدا يوصلها للعميد 

عنجد الفكرة كتير رائعة وليش لأ والحلو بالموضوع إذا قدرنا نطبق هي الفكرة رح يكون في بعدها أفكار كتير وأنا صحيح طالب دراسات وما رح استفيد من الموضوع إلا على الصعيد النفسي لأنو السنة كتير كانت زحمة مو طبيعي وكنا إذا بدنا نراقب برا الكلية نطلع قبل بــــ20 دقيقة من الكلية وحاطين ببالنا الاختناق على الباب ومناطق الاعلان عن التوزيع عنجد فكرة روووووووووووعة

هلأ أكيد هالفكرة كتير حلوة

بس في شغلات كتيييييير أهم منها

بس أنا مستعدة كون معكن اذا هاد الشي ممكن يصير        




               

والله مو احسن ما نتعذب وانا باتبرع 25 شو رايك بس مصيبة اذا كانت علامتنا بتخجل فضيحة

قبل أي سلام
لك شو هاد أنا بعرف ان بسوريا في جهابزة وعلما بس بكلية الاقتصاد عنا ما توقعت
العفو مو قصدي الاساءة بس أحسن ما يحطو شاشة كبيرة ويتكلفو
يعلقو عشر نسخ من الاعلان ويوزعوها ضمن الكلية
هيك منكون وفرنا حق الشاشة من شان شغلة مو كتير مهمة
لانو مستحيل يتكلفو بشي 300ألف كرمال كل طالب يعرف وين مكانو وقت الامتحان



أنا عندي كم اقتراح وانتو حكموا:
1-ينزلولنا مادة اسمها البرامج المحاسبية بدال لغات البرمجة
2-يعملولنا كل أسبوع زيارة على الشركات والبورصات من شان نشوف الاسهم شخصيا على الاقل كمان نتعرف على الواقع تبع الشغل
3-يكون كل فصل عنا ندوة بالكلية نتناقش بأمور الكلية مع العميد
4-يغيرو لباس الحرس اللي وافقين على الباب وعم ياكلو البنات بعيونهم شوية حضارة بس





أسف عالاطالة بس كا لازم فش خلقي من شان نموت ونحنا حاصرين