بصراحة و رجاء ما تحذفو الموضوع لأنو هاد رأيي

المنتدى ماعجبني كلو ممل أو الأعضاء مملين (علما أني صرت عضو فيه) بس ما

سجلت فيه لحتى طفح كيلي وكتبت هاد الموضوع لحتى انقد .بصراحة عن جد متل ما

بيقولو طلاب الهندسات جديين و مملين (مع اني طالبة هندسة مدنية)

أكيد رح تقولو (لا تحبينا مو ناطرين تحبينا)

                          و انا جاهزة لأي رد أو نقد منكم

هههههههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههههههههههه


يا الله مع اني ما بحب اخد واعطي عالمنتدى خصوصي بهيك شغلات بس ما اقدرت ما اضحك

اقتباس

عن جد متل ما بيقولو طلاب الهندسات جديين و مملين

طيب حبابة بناءا على توجهك في كتير منتديات مو ملة هيك كلها دردشة ونكت ومسخرة ..
روحي لهونيك بتتسلي اد ما بدك ... مين جابرك عالأعدة هون

وبركي بتلاقي شي ذئب بتتسلوا سوا وبتعيشو قصة ليلى والذئب


هيك انا معطلة وفايقة ورايقة وجاي عبالي رد عشي موضوع طلعتي بوشي

يلا فرصة سعيدة


عللى فكرة انا عمارة بس كتير معجبة بقسم المدني بيفهمووووو

السلام عليكم

ليه عزبتي حالك وسجلتي
شو حابة تسمعي كم كلمة حلوين
بس انا ما رح قول شي
شو بدك يعني؟؟؟؟؟؟؟؟؟؟؟  
انا بفتخر انو المنتدى ما في مسخرة وعلاك مصدي هاد رقي بعتئد
وعلى رأي ايمان
في كتير منتديات على زوقك وأكتر  

           

اقتباس

بيقولو طلاب الهندسات جديين و مملين (مع اني طالبة هندسة مدنية)

عموما" يا (ناقدة) معك حق

اقتباس

الأعضاء مملين

هلأ ممكن بعد شوي يطلعلك شي عضو يستغرب عدم كتابتك بالفصحة مثلا" و صايرة من قبل, بس مو كل أصابعك متل بعضها.

تحياتي 

السلام عليكم ورحمة الله وبركاته

أهلاً وسهلاً  بك في بيتك لكن إن كنت تشتكين من الجدية في منتدى الهندسة  وهو منتدى إختصاصي

فتستطيعين زيارة باقي أقسام المنتدى

https://www.jamaa.net/showforums.php

وهنا تجدين أقساماً متنوعة مبداية بالأقسام الأدبية مروراً بالحوارات الجدية إلى الرياضة والأخبار وانتهاءً بالتسالي وغيرها

تحية شامية

وأهلاً وسهلاً بك

نحنا جديين .. اي .. بس مو مملين .. لأنو اختصاصنا بيتطلب الجدية بالتعلم لأنو واجبنا كبير والمسؤولية كبيرة


وكل شي بالحياة في الو وقتو


بشهر الفحص نحنا منكون ملحوقين ودوبنا عم نلحق ندرس


لانو بتوقع انو دراستنا مانها شي سخيف وثانوي .. ولازم نكون قد الحمل اللي بدو ينلقى علينا بس نتخرج



وعفكرة في كتير مواضيع حلوة ومسلية بقسم الصور ..


وكمان بحب قلك انو نحنا هون صرنا عيلة وحدة


مابتتخيلي اديش احيانا مناخد معلومات مفيدة من بعض


مثلا انا بالهيدروليك 3 كان عندي كتير اسئلة ولقيت الاجابة بالمنتدى

وهالشي بيدل انو عنجد الاعضاء بيحبوا الخير لبعض ومستعدين يساعدوا بعض


ووقت يطلعوا العلامات كتير احيانا في طلاب مابتقدر تجيب علاماتا بيقوموا الطلاب اللي نازلين عالكلية بيساعدوون وبيجيبولون العلامات

صدقيني هالمنتدى كتير حلو ومفيد



وللأسف نقدك ماكان بناء ...


بس طبعا نحنا منحترم الرأي الاخر


واذا حابة فيكي تنزلي مواضيع مسلية قد مابدك .. المنتدى مفتوح للكل .. واكيد نحنا رح نشارك معك ومنكون شاكرينك

أنا برأيي نقدك كلو مالو طعمة
وفي غلط

عم تقولي أنو ما سجلتي لحتى طفح الكيل
يعني على قولك أنو تحملتي كتير من جديتنا وجونا الممل

طيب بدي أسألك سؤال ويا ريت تجاوبي عليه

شو يلي كان جابرك تتحملي كل هالملل والجدية

وأنا برأيي ما زالك لقيتي هالمنتدى كتير ممل
فما كان في داعي تدايقي حالك وتتحملينا
كان فيك بكل بساطة تبطلي تدخلي عالمنتدى

وبالنهاية لا تنسي أنو هاد منتدى طلاب جامعة
وهدف الأول هو العلم والفائدة
وعلى الرغم من كل هاد المنتدى في كتير مواضيع حلوة وبتسلي وبتضحك

يعني إذا بدك هالمنتدى يكون كلو  "علاك مصدي"
فشو خليتي لباقي المنتديات؟؟؟

آسف على الاطالة بس والله شي بيخلي الواحد يعصب

اول شي انا مالي هندسة
بس يعني ما فهمت مين يلي كان جابرك تفتحي المنتدى وبعدين لو مافي شي عاجبك ما كنتي بتفتحي اصلا 

ما شالله شو هالردود السريعة
طولو بالكن شوي عالمخلوقة
       

بس مع هيك
انا بلاقي هالمتدى ممتاز
و دورت لحتى هلكت مشان لاقيه
و لكل الاعضاء مني تحية

شو هي هيك يا جماعة طولوا بالكن شوي وخلينا نسمع كلام الأنسة للأخر .........
إذا كان كلامك صحيح على هوى ما عم تقولي
أنتي شو حاطة ببالك تغيرات
يعني أنا قريت نقد بلا أي هدف من وجه نظري الشخصية
أنت بهل كم كلمة يلي قلتيهن ما فينك تأقنعي العالم أنو كلامك صح وأكيد هن ما فينن يأقنعوكي أنو هالمنتدى مفيد ومسلي  لانو انتي بالأصل حاطة ببالك أشياء ما حابة تغيريها  بقى ناقشي أكتر لحتى يكون نقدك لاذع وبناء معا مو صف كلام وبس