أود أن أطرح موضوعا أرى أنه من الأهمية بمكان
أنا طالب فيزياء في كلية العلوم، المشكلة هي أنني كفيزيائي لا أحتاج أغلب مواد الرياضيات المقررة علي، وحتى المواد التي أحتاجها في إختصاصي فأنا لا أحتاجها بهذا القدر من التعمق الغير مبرر
وبصارحة طالب كلية العلوم (من غير دف عم يرقص) يعني مو ناقصه مواد وخصوصا أنو مواد الرياضيات مو سهلة حتى إنها (برأيي) أصعب من مواد الفيزياء
طبعا مافي داعي لذكر أسماء المواد الزائدة لأنكم بتعرفوها أكثر مني

السلام عليكم

شريكي أبو عبادة الغالي :

موضوعك جميل

لكن أول شي أسميلك مواد الرياضيات في السنتين الاولى و الثانية و بعض المواد من الثالثة

4 مواد في السنة الأولى :

1- تفاضل و متتاليات (تحليل1)
2- جبر و هندسة تحليلية
3- التكامل (تحليل2)
4-جبر خطي و إحصاء و احتمالات

السنة الثانية :
1- المعادلات التفاضلية     
2- التحليل المتجهي
3- تحليل عقدي و سلاسل

السنة الثالثة:
1- التحليل العددي
2- توابع خاصة

أنا لا أرى أي مادة منها لا تلزمنا ... كل هذه المواد نحتاج إليها مهما كان الإختصاص المستقبلي (لمن أراد أن يختص) .. و تلزمنا لفهم المواد اللاحقة ..

و لا أعرف ما هو وجه اعتراضك على هذه المواد ؟؟؟

أنا لم أرى فيها ما يبتعد عن الفيزياء ... كما أننا لا نتناول هذه المواد مثل الرياضيين .. بصورة بحتة .. و إنما نتناول منها جانبًا تطبيقيًا كبييييرًا جدا ...

أي هذه المواد لم تعجبك ؟؟؟
أيها تعتقده خارجًا عن إطار الفيزياء و لماذا ؟؟؟

أرجو أن تناقشني كما اعتدك أن تناقشني ...


بالمناسبة .. معلم رح اعدمك إزا ما بتحول معي مشان العملي نكون سوا و رح جيب معنا واحد تالت من الشباب الطيبة .. و أقترح إنو يكون قصي عبود أو عصام الحريري .. إزا ما عندك مانع !
بس شريك بدها شدة حيل هالفصل حاكم الأمور ليست بخير و الله .... و مبروك علامة التفاضلية .. لاحقك التفاضل ... من د. مللي الى د. الحمد !!!!   

تقبل تحيتي أبو عبادة الغالي ...

بالنسبة لفكرة المسابقة أنا شايفا كتير حلوة وكمان فكرة اليزن بتقسيم الفريقين معقولة كتير
وبس لتبدا  المسابقة حابب اشترك كممثل عن شباب الجيولوجيا

السلام عليكم

أخي العزيز مهند

الفكرة طور التصميم

و ستقوم اختنا لميس بإضافة موضوع غدا أو بعد غد بإذن الله يحتوي على المسابقة

لكننا ندرس الفكرة (نطبخ على مهل)

و بإذن الله تكرم عينك انتا ممثل فريق الجيولوجيا في حال قسمنا الفرق على أساس الأقسام

و لو أن هناك مقترحات عديدة بالنسبة لطريقة تقسيم الفرق .. منها أن يكون هناك فرق من 3 أشخاص كل فريق على أن لا يحتوي فريق على شخصين من نفس الإختصاص

و لكن على كل الاحوال .. تكرم عينك
ستكون على رآسة أحد الفرق أيًا كان التشكيل للفرق

تقبل تحيتي

شكراً جزيلاً لجهودك الجبارة في إغناء هذه الساحة بكل ما هو مفيد أرجوا أن تقبل تحياتي وامتناني .
وأرجوا أن أوفّقَ في إضافة موضوعات تساهم في إثراء هذا الموقع  ........... مهند .

السلام عليكم

شريك في عندي سؤال

هلأ عرض جوائز مادية بالنسبة للمسابقات بيتعارض مع قوانين المنتدى أو لأ

مثلاً أنا كنت ناوي أعمل مسابقة لأعلى معدّل علامات بكلية العلوم هالسنة

واعرض مكافأة مالية لصاحب أعلى معدّل بس أجلت الفكرة لأن خفت يكون فيها شي مخالف

ياريت تفيدني بهالشغلة مع ألف شكر .

أول شي بما أنو زووبا على الخط ندخلو بالنقاش

و الله هالموضع اذا حابب تتبرع فانا رح الاقي صياغة ..

و تاكد من انو اي شي بيخدم الصالح العام رح أضل معك للنهاية لنحققه ....

ما في مشكلة أخي
بنتفاهم على هالنقطة بيناتنا ...

تقبل تحيتي

حبيبي Abuo Hnaid روح اتبرع فيهم لشي محتاج هيك بتاخد اجر و ثواب من رب العالمين

  لأنك اذا بدك تعطي المكافئة لشخص مشان انو تفوق فهيدا بزيد من غروره

.... متل ما قال الشاعر

اذا انت اكرمت الكريم ملكته    و اذا اكرمت اللئيم تمرد

.......... عنجد لا تاخد حكي الا نصيحة من اخ لأخوه ...... و كتير انا بحترم مشاركاتك و شخصيتك تقبل مروري

معناتا بكرا منحكي بالموضوع انشاء الله .
شكراّ جزيلاً  للتعاون
وأنا مضطر روح نام لأني فرطت تصبحو على خير واستروا ما شفتو منا  ......سلام .