خلينا ننناقش المموضوع هلأ ما في شي اكيد عن المعسكر  وكمان اذا قلنا انو ما في دورة استثنائية(ما بعرف اذا في الصيف ولا الفصل الأول)فكل واحد بدو يعيد العملي للمواد اللي حاملها تبع الفصل لثاني وهو ما بكون اخاد حقه في تقديم المادة دورتين كحد ادنى فاذا كانوا بدن مصلحة الطالب متل ما بيقولوا فلازم يسووا دورة استثنائية

أنا رح أذكر معلومة متأكد منها 100%
أرسلت ايميل استفسار إلى وزارة التعليم العالي حول الموضوع وكان كالآتي:
سؤال بخصوص المرسوم التشريعي هل سيطبق هذا العام 2010 أم في العام القادم
وجائني الرد بعد طوووووووول انتظار وكان الآتي:
المرسوم التشريعي سيطبق بدءا من العام القادم

أنا بقول من عندي وليس لإحباطكم انو السنة مافي شي أصلا لو كان في شي ما رح يخبو الموضوع ويعملوا سر و خاصة صرنا بشهر 8 يعني حاجة تعبو حالكم
وأتمنى أن أكون مخطئ وفيكن تجربوا نفس الشي من على موقع الوزارة
وأجمل تحية

يا أخ mo7umd
إنت سألت الوزارة عن المرسوم التشريعي وقالولك للسنة الجاية
بس الدورة الإستثنائية لهذه السنة مو موجودة بالمرسوم
وهي الدورة مالا علاقة بالمرسوم هي الدورة زيادة من عندهم

بما إنو المعسكر كل مالن عم يأجلو

فأكيد في إن

ما بتوقع يكونو عم يأجلو مشان الأمراض و لا مشان الشوب

و لا كانو لغو من زمان

بس اتلظاهر في مناقشة حول موضوع التكميلية

بس إزا ما نزل القرار هالكم يوم....... انسو الموضوع من أصلو

لإنو ما عاد في وأت

                         





والله معك حق يا يحيى و هاد كمان رأي و بوافقك على كلامك هاد ...........................

يا شباب النا الي بهالجامعة خمس سنين
و كل سنة بتطلع هادي الاشاعة و بالاخر كلو كذب ............
ما حدا في براسوا عقل بصدق هيك اشاعة
من عندي بقلكن انو مافي شي كلو اشاعات من الطلاب نفسن
خصوصا انو هاد الموضوع بسببو صار موجه لجامعة دمشق انذارين من الامم المتحدة
فيا أصدقائي انسوا الموضوع للأسف ................. 

والله يا أخي الكريم


بتوقع وضعي كتير أصعب من وضعك....ليش؟

لأني ببساطة راسب على علامة وحدة بس....يعني عال .59

وأنا صرلي من السنة الأولى أكتر شي بحمل مادة او 2 بالفصل التاني بس هالفصل كانت ظروفي سيئة وصار اللي صار

ومشان الإستثنائية يعني خدها مني كوني صاحب خبرة....كل سنة متل هالوقت بتطلع نفس الاشاعات وبنفس طريقة المناقشة...كل حدا بيشيل وبيحط من عندو


وبيصير يقلك خبر اكيد...وسمعت وشفت ومدري شو....يعني للاسف عادات شعبنا الكريم لم ترحم المجال الجامعي ايضا....يعني الرجال اللي بدو يزتلك معلومة....وبدون ادنى احساس او تفكير انو هالمعلومة ممكن تخليك ما تنام الليل وانت عم تدعي وتحلم وتنشر الخبر يمين ويسار


لذلك بقلك...لو بدها تشتي كانت غيمت....وكل المعطيات اللي عم تبنوا عليها انو في قرار كانت متوفرة بطريقة او اخرى بكل السنين الماضية


بقى خلي الموضوع للزمن.....واكيد اكيد اكيد لو طلع في دورة استثنائية اكيد ما رح ازعل رح انبسط كتير



بس ما عندي استعداد اتأمل بالسراب



وشكرا الك



مجد

أنا يلي بعرفو أنو إذا في دورة إستثنائية فرح يصدر قرارها من عند السيد الرئيس بمرسوم تشريعي يعني مو من عند الوزارة
على كل الأحوال منقول إنشاء الله

السلام عليكم
أنا سمعت من أحد الأشخاص إنو في دورة تكميلية بتاريخ 15/8/2010  بس ما بعرف اذا الكلام أكيد 100% و لا لاء
يعني نحنا متعودين على المفاجئات السعيدة

  سلامي للجميع
         
                                                                      أخوكم أيهم