جاء رجل عمره حوالي الخمسين إلى الصيدلية و هو يعاني من سيلان أنفي شديد و سعال جاف و ارتفاع حرارة و عند سؤال المريض وجد أنه مصاب بارتفاع ضغط الدم و السكري
هي كانت الحالة
و هي كانت الحلول اللي اقترحتوها
الحرارة ممكن سيتامول حب كونه ما بيأثر على الضغط و السكر
السعلة ممكن أعطي هوستاجل لأنو خالي من السكر وهو دواء نباتي ما بتصور يأثر على الضغط
سيلان أنف بعطيه علبة محارم
بعطي مضاد هيستامين (فكسوفينادين)
L.KH
أنا معك و بصراحة نفس التصرف اللي كنت عم فكر فيه باستثناء السيلان ( الرشح) فمارح أعطيه علبة محارم بدي أعطيه دوا للرشح
.
و بما إنه معه ضغط و سكري فلازم نكون حذريين . من جهتي ممكن لاقي دواء للرشح تكون جرعة مضاد الاحتقان اللي فيه مو كبيرة أو بحولوا للطبيب ليعمل المناسب ( بيجوز تقولوا لحالكم بنعرف إنه مضادات الاحتقان هي منبهات لألفا 2 و هي بتسبب ارتفاع ضغط عند الأشخاص العاديين فكيف إذا شخص عنده بالأصل ارتفاع ضغط!! بس بعد سؤال الجهات المختصة
طلع انه هالزمرة تعتبر مضاد استطباب مطلّق بحالة ترافق ارتفاع الضغط الشديد مع مرض قلبي وعائي . أما في حالة ارتفاع ضغط عادي أو متوسط و مضبوط بالأدوية المناسبة هون مو مضاد استطباب و ممكن الطبيب يعدّل الجرعات بالشكل المناسب )
نسرين اقترحت التالي
كمضاد احتقان بعطيه أقراص منتول لكن خالية من السكر MENTHOL يدبر حالو فيهن لأنو له خواص ممكن تحسن من حالته......أو كمان بعطيه (فيكس) للدهن على الصدر ليشعر بالراحة .....وممكن قطروات أو بخاخ محلول ملحي (سيروسول)
وكدواء سعال بعطيه (بروسبان) خلاصة ورق الليلاب (((لأنو طبيعي وما بيضره)))
أو ممكن خاطر وأعطيه شراب ((أزمكس)) فيه بروديكسين وغوافنسين ومنتول :
مع أن الغوافنسين أخدنا أنو مو كتير أحسن من البلاسيبو!!
أو ((BRONCHICUM)) أو ممائله الوطني ((هوستاجيل))
بس ارتفاع الحرارة ما عجبني.....ليكون عنده التهاب.......هو فعلياً الصيادلة فوراً بيعطوا أموكسلين أو أوغمانتين ...بس طالما حديثنا عن otc فبيكفيه (سيتامول) 4 مرات باليوم تقريباً بس ما يزيد عن 4 غ على ما أعتقد أو (بروفن 400)
وكمان قبل ما يطلع بنصحه بعمل تبخيرة.....استنشاق بخار الماء (سادة أو مع زعتر أو نعنع)
وإذا ما تحسن يروح عند الطبيب!!!
ما شاء الله عليكِ ما خليتي شي
بالنسبة لمضادات الاحتقان وضحّت الوضع . على فكرة مضادات الاحتقان الموضعية تأثيرها الرافع للضغط معتدل لأنه وصولها لجهاز الدوران كتير قليل . حلك كمان ظريف باستعمال أقراص مطهرة و الها تأثير مضاد احتقان أو باستخدام السيروم الملحي كمان بيصير .
بالسنبة للحرارة بعتقد السيتامول بيكفي و أنا مو مع اللي بيعطي اوغمنتين مباشرة ( خصوصاً إنه بقيان خبز الصيادلة بدل البروفين ) . في حالات الكريب غالباً بيكون السبب فيروسي و ساعتها الصادات الحيوية ما رح تعطي نتيجة . أما إذا كان السبب جرثومي فممكن أعطي احتياطاً ماكسيسللين أو سيفالكس على الكثير و لنتأكد ممكن نشوف إذا الشخص عم يعاني او عاني قبل كم يوم من ألم في الحلق و صعوبة في البلع . كمان نصيحتك بالتبخيرة حلوة عجبتني .
هلء يا جماعة الحالة كانت لنشوف إذا رح ننتبه إنه المريض معه سكري فهون ما بعطيه شراب فيه سكر و هاد الشي انتبهتوا له منيح . كمان النقطة التانية المريض عنده سعال بس جاف و هون ما بعطيه مقشع بس بعطيه مسكن للسعال . و بالنسبة للضغط أكيد لنتنبه مشان مضادات الاحتقان .
بدي اشكر اللي جاوب على الحالة و بتمنى تكون المشاركة بالمرات القادمة أكثر . و اللي عنده حالة حابب يشاركنا فيها يبعت لي ياها رسالة مستعجلة .
إعلان هام لطلاب كلية الصيدلة ( تم تعديل البرنامج النهائي لامتحان ف2 )
مـنـتـدى تـرجـمــة وتـدقـيـق أقــســام الـمـوســـوعـة 
للتواصل مع الهيئة الإدارية في كلية الصيدلة اضغط هنا 
تعوا نلازم كلنا سوا....
