السلام عليكم............


يلي بيشوف مصيبة غيرو بتهون علي مصيبتو......... و أكتر شي رح يحس بهالحكي طلاب الأولى.......


http://syria-news.com/edu/readnews.php?sy_seq=29922

طيب ليش الأساتذة بالبكالوريا بضيعو الطلاب وبيعطوهم توقعات
شو بعرفهم شو رح يجي بالفحص
عسنتي بالبكالوريا صرعو راسنا بقصيدة أنو أكيد رح تجي آم قفشونا وجابو نفس قصيدة السنة الماضية (لكن قسم تاني من القصيدة وأسئلة مختلفة)


زكمان مفروض الطالب يدرس كل شي

مثلاً وحدة قايلة بالتقرير أنو لازم الطالب ليعرف الإجابات ياخد عند استاذ خصوصي لأن في أسئلة بالكتاب ما بيعطوها الأساتذة
طيب مو مفروض الطالب من حالو يحلها
وإذا ما عرف يروح لعند الإستاذ وأكيد بحللو ياها

يييي. على أيام البكالوريا....كانت كلها أكشن....

صراحة حلو الأستاذ يتوقع شي مهم ....مو حتى الطالب يترك الباقي بس حتى يركز على شي معين ليلة الامتحان.....لكن اللعنة بتكون لما بيتوقع الأستاذ أنو هالتمرين ما بيجي لا تدرسوه!!!!!

هالشغلة صارت فينا بالرياضيات (نحنا السنة يللي صار فيها خطأ بالمسألة) كان في مسألة تانية كان قايلنا عليها أستاذ كتير مشهور (ما رح اذكر اسمه) أنو مستحيل تجي ...هلأ بيني وبينكم هي ما كان منطقي انو تجي لأنو المعطيات غير كافية للرسم......لكن فعلاً أجت ومع المسألة يللي فيها خطأ ......اشتغلت الإغماءات والبكاء والانسحاب والانهيارات العصبية!!!! والله ما بعرف كيف تماسكت أعصابي وما سألت عن كل هالانفعالات ....بس من عجقتي نسيت طلب فراغية (نصف قطر الكرة) على المسودة وانحرق قلبي عليه لأنو صح.......بس يمكن حتى يطلعلي صيدلة



وعينكم تشوف الشارع بعد الفحص.....كأنو في شي مظاهرة ولا شي حالات طارئة مو هيك......كلو عجقة وبكاء والأهالي عم يسبو والناس عم تتخانق مع بعضها والكل صار يخالف الإشارات (ما عد حدا عندو وعي).......


حتى بالفيزيا وقتها قالو نحنا ما بيجيلنا مسألة الكترونيات (أجت السنة يللي قبل) لكن باءت التوقعات بالفشل....


وبالعربي موضوع التعبير كان صرلو 4 سنين بيجي من نفس المحور ونحنا كنا المرة الخامسة يللي بيجي فيها نفس محور المواضيع......



كأنو صار اتجاه وضع الأسئلة بالوزارة ...لمخالفة توقعات الجميع!!!



هو الطالب معو سنة كاملة من الصيف للصيف ...أي لازم يحل كل شي....يعني طالما المسائل من الكتاب فما في حجة!!!

السلام عليكم

والله أنا إختي بكالوريا

وقدمت كل المواد لحد  الآن منيحة ومابينقصها شي ماعدا    بالرياضيات

قالتلي إنو الاحتمالات ماكانت صعبة بس الطلاب مو متوقعينها لإنو على أساس كل سنة بيجي سؤالها اختياري بس الحمد لله هي حلتها

والفراغية جايبين المسألة من الكتاب عدا الطلب الأول خارجي هي نقصت في شغلة بسيطة

بس وين المقلب إنو قالتلي من  كترماصار كركبة بالمركز (بس بقاعتها انسحبو تلاتة وكل شوي بيسعفو طالبة من المركز اللي فوق ومركزهن كمان وصوت صراخ الطالبات اللي عم ينسحبو وبكاهن عبا الدنيا) كتير توترت

وبشو خطئت ياحزركن 

بالمثلثات قال ماعادت تحسن تركز من الجو يلي صار بالقاعة وكل شوي مندوب فايت ومندوب طالع

بس ياالله الحمدلله على كل حال
هدا اللي الله كاتبو

وكمان بنت عمتي نفس الشي صار معها قال يمكن مابتجيب المعدل  مانها عرفانة حالها شو كاتبةمع إنها كتير شاطرة

السلام عليكم ورحمة الله وبركاته

هي اول مرة بشارك بهالساحة........


بالنسبة للباكالوريا هي صحي صعبة وفيها تحديد مصير بس عنجد انا استمتعت فيها وكانت احلى سنة عندي

وباعتقادي انو الطلاب حرام يدرسو اكتر من الكتاب
وكل هالاشياء الخارجية اللي بيعطوها بعض الاساتذة (مع احترامي الكبير للجميع) المفروض انو ينحلو قبلها مسائل الكتاب لانو نهاية الاسئلة ماعم تجي الا من المقرر

والتوقعات متل ماقلتو نفس الشي يعني عم تجي الاسئلة غالبا مخالفة لكلشي

والطالب عندو السنة كاملة بس غالبا مارح يقدر يلحق كلشي وخاصة العامات بالرياضيات والفيزيا بس هون بجي دور الاستاذ انو يعطيه المسألةاللي فيها فكرة جديدة والباقي اذا لحق الطالب بيطلع عليهن من شي نوطة لاستاذ معروف بتوقع بيكفي


وكمان جو المدرسة وارتياح الطالب فيها اكيد بيلعب دور كبير
بالنسبة الي كنت بالبيطار والانسات عنجد روعة وبيخلوك تعشق الوقت اللي بدك تاخد الحصة فيه

هاد رايي الشخصي طبعا....

عكلن الله يوفق اللي عندن بكالوريا هالسنة وان شاء الله بيخلصو منها باقل الخسائر الممكنة


اسفة طولت عليكن

موفقين بالامتحانات جميعا 

السلام عليكم

السلام عليكم

بالنسبة للرياضيات حسب ماسمعت عنجد حرام اللي صار

بعدين صحي الطالب بيكون دارس طول السنة بس هاد مو معناتو انو صار عبقري بالمادة او مستعد يحل اي شي بسرعة !!!!!!!!!!!!!!!

بعدين الاسئلة حتى لو كانو سهلينن بدن وقت لينحلو

وطلاب هالسنة لا كان عندن وقت ولا اسئلتن سهلة
===========================
حسام الدورة اللي قبل الماضية فعلا كانت فظيعة واختي قدمتها

بس ما بقدر قارن بيناتن لاني مابعرف الاسئلة تمام


وكمان اللي بيكون عم يقدم الامتحان احيانا ممكن يتلبك ويروح من بالو الجواب حتى اذا كان بيعرفو

الله يكون مع كل واحد عم يقدم امتحانات هلأ