السلام عليكم ورحمة الله وبركاته....أما بعد,شومنشان قدمنا مادتين عملي بيوم واحد(مقاومة2+ جيوديزيا)وبيقولولك كليتنا عم تتحسن .... وين التحسن ...أنا شايف كليتنا عم تتراجع
والأحلى من هدا كلو أنو صرعونا بالمقال تبع  جريدة الثورة  اللي حكى عن أوضاع الطلاب  بكليتنا المحترمة
والنهفة أنو دائما بيطلع الحق على الطلاب  ... والله ملينا من النفاق والتملق
بكفي نفاق ومجاملات وتمسيح جوخ 
واللي بيزعج أكتر أنو بعض طلاب كليتنا الموقرة  نازلين مدح بالكلية وبالأنجازات العظيمة تبع الكلية
أنا مو ضد أنو يمدحوا هالكلية العظيمة بس مو يوصل الأمر أنو يتحول المدح لنفاق ورياءخلصونا من هالحكي  اللي ما في فائدة
حسبنا الله ونعم الوكيل
                     
                           
                                                         

اي طول بالك شوي ...

مو محرزة القصة ..يعني شي طبيعي بالكلية انو يصير امتحانين عملي بيوم واحد ..بتصير باكبر

الكليات . بعتقد هي المشكلة بكل الكليات مو بس عنا ومشكلة الوقت كمان لانو امنحان

الجيوديزيا يمكن الواحد ما لحق يحك راسو ...

بس جد بتضلا احسن من غير كليات بكتير ..بكفي الدكاترة محترمين ..شوف بغير كليات والله ليشيب

شعر راسك من القصص والسمعات يللي عم نسمعا عن الدكاترة وتسرب الئسلة والرشاوي ,,,,,

مرحبا .. انو طول بالك شوي .. جد مو محرزة ..

صحيح انا مالي بالكلية عندكون .. بس الحال من بعضه ..

بدك ماتدقق .. و منشان تمسيح الجوخ والكولكة .. فهاد الشي صار من ضروريات الوضع ..

يعني مابيمشي الحال بدونن ..

لهيك روق وصحتك بالدنيا .. سلااااااااااااام

السلام عليكم
شكرا زملائي على المرور الكريم

كلامك صحيح ومو بس هيك بكليتنا في ظلم كتير وخاصة هالخطة الجديدة لما لغو الاختصاصات يعني بكرا بتشوفو شي مسخرة عن جد
المواد المهمة ضغضوها والمواد اللي موهامة زادوها
بس شو بدو يحكي الواحد 

طول بالك حبيب
أخي أنا معك وهه:
يحرئ.. يلعن.. العمى.. يا حرام.. وهادا مو بس عندكم وحتى عنا بس مادة الفصل الأول بالآخير ومادة الفصل التاني بالأول وبين المادتين شي يوم أو يومين
أو شهر ونص واتخيل العذاب إنو بدنا نلحق ندرس التانية واللي هيي بالأول وفتنا بالحيط ومن الصدمة نسينا ندرس الأولى واللي هيي بالآخير ورسبنا بالمادتين
وحبيت طول شوي       
اتقبل مروري

بالنسبة إلي ما انزعجت لأنو كان عنا مقاومة وجيوديزيا بنفس اليوم ... مو لأني دارسة وما في مني ... بس فحص المقاومة خصوصا عند هالمهندسة ... متل بعضها إذا درست ولا لاء ...

بس تاني مرة لا يصرعوا راسنا ببرنامج الفحص العملي .. وأنو ممنوع يكون في مادتين بنفس اليوم وما بعرف شو ....


بعدين ... هاد فحص !!!!!!!!! والله كان مسخرة بكل ما تعنيه الكلمة من معنى !!!!!!!!!!!!!

حبيبي لسا ما شفت شي بكرة مادة من مواد السنة التالتة بتنسى كل شي هههههههههه

يعني رح تشوف مادة بتسو ا كل الي درستو بالسنتين

بتمنى ما تتعقد     

والله الحق معك

يعني الدكتور امجد لما نزل برنامج العملي ليش ما حدد لكل مادة يوم احسن ما يقول نسقوا مع الدكاترة مشان ما يجي امتحانين بنفس اليوم ؟؟؟

اما مشان النفاق والمجاملات وتمسيح الجوخ  فهاد شي منو كتير بس اد ما كان من لم يشكر الناس لم يشكر الله

مع ان الدكاترة و العميد مقصرين كتير بس ما بتعرف شو عم يشتغلوا مشان مصلحة الكلية

و مع اني من اكبر المنتقدين للكلية و اعضاء الهيئة التدريسية  بس بقدر جهودون وهنن مو سيءين لهالحد

و الله يوفقهن لنشوف كليتنا احسن من هيك

أخي الكريم ما رح قلك هدي حالك وبسيطة وياما حتشوف


لأنو بهيك ما بتنحل القصة




بدي قلك انو مشان مسيحة الجوخ.....لا تتعود عليهن...لأنو اذا تعودت بتسكت عنن واذا سكتت عنن مشكلة



ومشان قرارات الادارة والاتزام فيها.....فهاد موال لحالو



يعني المهندسين مو فارقة معهن الادارة...بصراحة مو قايمينها من ارضها.....مو معتبرينها (كتبتها بكذا مصطلح يمكن حدا يقراها ويحس على دمو)


والمشكلة.....المشكلة.....بصراحة مو مشكلة وحدة........هي مشاكل كتير




على كل كمل امتحاناتك العملي.....وبعدين النا حديث



مجد