هاي شباب وصبايا
أكيد كلكن سمعتوا بالخبر اللي متل المصيبة على روسنا وهو:
(سيتم تخصيص لوحات اعلانية تنشر توزيع الطلاب على القاعات الإمتحانية علماً أن التوزيع يختلف بإختلاف المقرر ,
سينشر توزيع القاعات قبل المادة بساعة وأي تغير للقاعة يستوجب درجة الصفر)يعني ما راح نرتاح بهالامتحان...ومضطرين ننزل قبل كل مادة بساعة لحتى نعرف بأي قاعة نحنا..
وإذا ما كنا منعرفها راح ندور وندور و.........
خطرتلي فكرة وهي:
شو رأيكن لحتى نساعد الطلاب اللي ما بيعرفوا أماكن المدرجات والقاعات ومشان ما
يتعذبوا بالتدوير عليها أيام الفحص...
خلونا نكتب بالتفصيل شو منلاقي بكل قسم"إنجليزي-فرنسي-تاريخ-آثار..."
مدرجات وقاعات...
يعني مثلاً ببناء اللغة الإنجليزية"المبنى الأول" منلاقي المدرجات 1-2-3-4 و..
فهمتوا علي..
يالله بقى ورجونا همتكم

انا حقوق بس خطيبي ادب انكليزي وكان يتمسخر عليي لانو بقدم كل مادة بقاعة


س هلق انا رح قدم بالمبنى الجديد حسب ماقريت

وهو هيك رح يصير فيه

الله يعينكون

مرحباااااا
حلو اقتراحك............بس الموضوع محلول
والحل انو في لوحة كبيرة كتير فوق باب كل مبنى مضري كم متر بمضري كم متر ولونها زرقة
وكاتبين فيها كل المدارج والقاعات الموجودة ضمن المبنى
وهاد الحكي بمبنى الاداب والتاريخ والصحافة  كمان على ما اعتقد

                         

بدي علق بس على فكرة تغير القاعات بتغير المقرر الحقيقة المسؤلين عن الامتحانات كتير عم يتعذبو ويفكرو بحلول مبتكرة عشان يريحو هالطلاب المساكين
يعني عنجد ومن قلبي بدي قلن يعطيكن الف عافية
يعني هالطالب ما بكفيه انو بكون متوتر وخايف وخلقة المعلومات عم بتطير من دماغه اسرع من صاروخ طالع للقمر وفوقها كمان بدو يهكل هم يدور على القاعات هاد اذا الموظفين كاتبين الارقام بشكل صحيح يعني خود على دوارة ولف لحتى يلف راسك وتوصل للقاعة على اخر نفس
بس عادي شو عليه خلي هالطلاب ينحفو ولا تنسو الرياضة حياة