[x]

"وقـل اعمـلوا فسـيرى الله عـملكم ورسـوله والمؤمنـون"


..لمحة عن كليات جامعة دمشق و فروعها... شاركنا تجربتك وكلمنا عن اختصاصك




  ملتقى طلاب جامعة دمشق --> كلية الزراعة --> .:. كلية الهندسة الزراعية .:. --> * القسم الإخباري *
    يا بشر فهموني كيف؟؟؟؟؟ شوهادا يلي عمبصير
عنوان البريد :  
كلمة المرور :  
                    تسجيل جـديد


.يا بشر فهموني كيف؟؟؟؟؟ شوهادا يلي عمبصير


hamoda @

جامعـي مبـدعـ





مسجل منذ: 14-02-2010
عدد المشاركات: 240
تقييمات العضو: 5
المتابعون: 22

غير موجود
اشــترك بالتحديثات
رسالة مستعجلة

يا بشر فهموني كيف؟؟؟؟؟ شوهادا يلي عمبصير

09-05-2010 09:05 PM




كوني طالب سنة أولى ولا أعرف سوى الأشياء البسيطة      في هذه الكلية الأكثر من رائعة ( متل مابيحكولي أصدقائي ببائي الكليات)

وأنظر كل فترة وجيزة على الإمتيازات التي يحصل عليها باقي الطلاب في الكليات  الأخرى       

من قاعات معلوماتية وانترنت والياااااااا أخره..........

ونحن في كليتنا الرائعة نتراجع للخلف للأسف:  وذلك بسبب

1 - إلغاء كلمة هندسة من الفاضلة و واجهة الكلية.  

2- إزياد نسبة الرسوب في بعض المواد .  

3- الكفاءة العالية للدكاترة  التي نحظى بها..

4 -تحول أكثر المواد إلى مواد حفظية بحتة( وكأننا طلاب بكالوريا أدبي)

5 - وأخيرا والأهم البرنامج الرائع التي سوف نقدم عليه مايقارب أكثر من 10 مواد.







ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 2


عطر الشام

عضــو ماسـي


...... Proud To Be Syrian ...... *فـارس من ورق*




مسجل منذ: 06-09-2008
عدد المشاركات: 4462
تقييمات العضو: 166
المتابعون: 87

غير موجود
اشــترك بالتحديثات
رسالة مستعجلة

رد مشاركة : يا بشر فهموني كيف؟؟؟؟؟ شوهادا يلي عمبصير

09-05-2010 09:32 PM





كالعادة نحنا شاطرين نبكي .. ونصرخ ..

لا تزعل مني أخي الكريم بس هي الحقيقة ...


أول شي : كلمة الهندسة اللي كل فترة بينط واحد وبيحكي عنها ..

يا عمي .. لا تحسوا بعقدة النقص ... شو بدكن احسن انه عنا نقابة خاصة فينا واسمها واضح

" نقابة المهندسين الزراعيين "

يا اخي الكريم .. بكل دول العالم الزراعة 4 سنوات .. ويطلق عليها اسم العلوم الزراعية

وازالة اسمها من المفاضلة او الواجهة حتى يتماشى نظامنا ولو بالمظهر مع النظام العالمي الجامعي

أما المضمون واحد ... كليتنا مميزة ... انت ما طلعت لبرا وشفت ...

أنا طلعت وشفت ... والعالم بتقدر تميز طالب الجامعات السورية من خلال فهموا ومعلوماتوا الحلوة

وهدا بشكل أو بأخر بيجي من دراستنا المميزة ... وع فكرة انت بتصنع وبتشرف اسم المهندس مو العكس ...

والدليل .. أنه كتير مهندسين مجرد اسم مو أكتر ... أما اللي بيشتغل ما بتهموا الالقاب ابدا " مع العلم أنه موجود "


تاني شي : الرسوب ...

أسبابه كتيرة ... بتبلش من اختلاف طريقة الدراسة والجو الجديد اللي بيعيشه طالب السنة الأولى

انا معك انه في شوية مشاكل .. بس بنفس الوقت ... يا اخي الامور بخير ومحلولة وهي مرسوم التكميلية اللي طلع السنة .. يعني ما في مشكلة بنظري ...

واللي بيدرس بينجح ... المعادلة كتير بسيطة ..

تالت شي : بالنسبة لكفاءة الدكاترة ...

هون بدك تسمح لي ... ما حدا بيقدر يقيم او يعطي رأي بالدكاترة ...

نحنا طلاب ... وأكيد الكادر التدريسي تعب وجهد لحتى وصل للمرحلة اللي هو فيها ...

يعني اذا بدنا نشكك بكفائتهن منكون عم نشكك بدراستهن والجامعة وكل شي ...

لذا .. بدك تروق حالك ... وما ترمي كلامك كيف ماكان .. ما بيصير لانه ..

رابع شي : المواد الحفظية ...

انت سنة أولى ... وبعتقد انه العلمي اللي عندك كتير مميز .. نبات عام , تصنيف , علم حيوان .......

في مواد حفظية اي ... بس ما فيك تعمم ...

ولازم تعرف شي كتير مهم ... أي دراسة أكاديمية .. ما بتعطيك خبرة .. هي بتعطيك التوجيهات .. وبتحطك  على الطريق ... والباقي عليك ..

انت لازم تتعب على حالك ... وتقوي نفسك ومعلوماتك .... وهي النت مفتوح والكتب موجودة ..

اشتغل على حالك .. ولا تنتظر ... يمكن تعود الطالب من خلال المراحل السابقة انه المعلومة جاهزة ياخدها ... أما اكاديميا ... فمهتمك انك تبحث وتزيد معرفتك ومهاراتك لوحدك ...


خامس شي : البرنامج ...

المدة المحددة للبرنامج ... من الجامعة اساسا ... وبتصور صار في مناقشة للبرنامج ليتناسب مع الكل ..

اما اللي عنده مواد كتير ... فالله بعينه ...


صحيح ... بالنسبة للانترنت ....

قاعات الانترنت مفتوحة للطلاب بكليتنا مثل بقية الكليات ... هدا حق لكل واحد منا ..

وهي موجود بالطابق الأرضي ... فيك تسأل وتعرف




اخيراً اعذرني على كلامي الطويل ... بس انا مقدر لانفعالك ...

بتمنى ترجع تفكر منيح ... وقلوبنا مفتوحة دوماً


تحية ود





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 3


بابا نويل

جامعـي مبـدعـ





مسجل منذ: 05-12-2009
عدد المشاركات: 234
تقييمات العضو: 0
المتابعون: 29

غير موجود
اشــترك بالتحديثات
رسالة مستعجلة

رد مشاركة : يا بشر فهموني كيف؟؟؟؟؟ شوهادا يلي عمبصير

09-05-2010 10:27 PM




السلام بالبداية
                            أنا مقدر حالتك مو بس انت عم تعاني . أغلب طلاب السنة الأولى عم يكون عندون نفس المشكلة

كون انت سنة أولى يعني نظام الجامعة هوي نظام جديد عليك وطبعاً بيختلف عن نظام المدارس بكتير أشياء

بتمنى انك انك تحاول بقدر الامكان التأقلم مع هاد الجو الجديد

بالنسبي لالغاء كلمة الهندسة من واجهة الكلية
يعني بدنا نضل نعيد ونحكي بهاد الموضوع يلي ما رح يأثر علينا نحن الطلاب ولا رح يأثر على الجامعة
يعني رح يضل اسمك مهندس (طبعاً هاد بعد التخرج)    

وآخر شي ما بتمنى غير النجاح الك ولكل الطلاب وخصوصاً طلاب السنة االأولى
       



أنت غير مسجل لدينا.. يمكنك التسجيل الآن.

مشاركة : 4


ريحان

جامعـي اســتثنائي





مسجل منذ: 26-04-2009
عدد المشاركات: 507
تقييمات العضو: 0
المتابعون: 7

غير موجود
اشــترك بالتحديثات
رسالة مستعجلة

رد مشاركة : يا بشر فهموني كيف؟؟؟؟؟ شوهادا يلي عمبصير

10-05-2010 02:58 AM




والله صديقي
يلي بيشوف مصيبة غيرو بتهون علي مصيبتو

تعا شوووف فرعي وشوف مصايبو وشوف قرفو

لذلك حميد الله وشكرووووووووووا





يقولو مايقولوه عني

وطبعا غيرانين مني

         



ماحدي بيحسن يستغنى عني

             


أنت غير مسجل لدينا.. يمكنك التسجيل الآن.

مشاركة : 5


caesar tiger

جامعـي مشــارك





مسجل منذ: 17-02-2010
عدد المشاركات: 45
تقييمات العضو: 2
المتابعون: 3

غير موجود
اشــترك بالتحديثات
رسالة مستعجلة

رد مشاركة : يا بشر فهموني كيف؟؟؟؟؟ شوهادا يلي عمبصير

10-05-2010 08:50 AM




صديقي العزيز:
بدك طول بالك      أنا أريت الي كاتبو
بس الصراحة رد عطر الشام عليك أقنعني كتير
و أنا بأيد  كلشي ألتوا
                                      الزميل :





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 6


hamoda @

جامعـي مبـدعـ





مسجل منذ: 14-02-2010
عدد المشاركات: 240
تقييمات العضو: 5
المتابعون: 22

غير موجود
اشــترك بالتحديثات
رسالة مستعجلة

شكراَ كتير ولكن """"""""

10-05-2010 08:26 PM




  شكرا كتير على هذه التحليلات المنطقية     


ولكن لم يكن كلامي بقصد الصراخ ولا البكاء كما قيل سابقا فكلامي هو أنعكاس لما يواجه أكثر من 90% من طلاب السنة الأولى في الفئات ال14 في الكلية  

وكان العنوان واضح بقصد أيجاد الحلول التي تتناسب وكليتنا لأكمال الطريق دون مصاعب أو يأس   

وأخيرا من الجميل أن يكون هناك تبادل للاراء والأفكار والمساعدة من قبل  السنوات التالية كونه يوجد لديهم أجوبة لكثير من الأسئلة التي لا يستطيع الإجابة عليها الطالب المستجد وحتى في تعامله مع بعض المواد.  





ملتقى طلاب جامعة دمشق




أنت غير مسجل لدينا.. يمكنك التسجيل الآن.
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة