[x]

"وقـل اعمـلوا فسـيرى الله عـملكم ورسـوله والمؤمنـون"


..لمحة عن كليات جامعة دمشق و فروعها... شاركنا تجربتك وكلمنا عن اختصاصك



مواضيع ننصح بزيارتها .:Pharmacy:. عش متعة الصيدلة .:Pharmacy:. تقنية الويكي: معاً نحو محتوى عربي رقمي علمي نصنعه معاً .:Pharmacy:. ساحة مشروع ترجمة موسوعة التكنولوجيا الصيدلية .:Pharmacy:. تعو نلازم كلنا سوا .:Pharmacy:. معلومة عالماشي يا صـــــــيــــــــدلــــــي .:Pharmacy:. كل شـــي جـــديــــد .:Pharmacy:. مواقع الشركات الدوائية
مواضيع مميزة:
مـنـتـدى تـرجـمــة وتـدقـيـق أقــســام الـمـوســـوعـة
للتواصل مع الهيئة الإدارية في كلية الصيدلة اضغط هنا
ويكـي فـارما

المركز الإخباري الــصــيدلاني

مشروع ترجمة الموسوعة التكنلوجية الصيدلانية

موسوعة العلوم العربية

مشروع المجلة الطبية Medical Journal

مشروع الأختام الجماعية الدورية

  ملتقى طلاب جامعة دمشق --> كلية الصيدلة --> الصيــدلة علــم و عمــل --> منتدى الحوار العام
    الصيدلة.....بين الواقع والطموحات المستقبلية...؟؟؟
عنوان البريد :  
كلمة المرور :  
                    تسجيل جـديد


صفحة 1 من 2  1 2->

.الصيدلة.....بين الواقع والطموحات المستقبلية...؟؟؟


M.E.H

جامعـي اســتثنائي





مسجل منذ: 01-01-2010
عدد المشاركات: 910
تقييمات العضو: 0
المتابعون: 13

غير موجود
اشــترك بالتحديثات
رسالة مستعجلة

الصيدلة.....بين الواقع والطموحات المستقبلية...؟؟؟

10-04-2010 07:42 AM




السلام عليكم ورحمة الله وبركاته


حبيت أفتح هالموضوع حتى نتناقش فيه بمستقبلنا وشو طموحاتنا ومدى ملائمتها للواقع..


وخصوصا أنو عملية التطوير بتبلش بالفرد ضمن مجاله واختصاصه...


وهالموضوع موجه لطلاب الصيدلة بشكل عام وإلى طلاب السنة الأولى بشكل خاص... باعتبار أنو مو الكل فايت برغبة....ومو الكل حاطط ببالو طموحات أو دراسات عليا...


هلأ بصراحة أنا تفاجئت من شغلة الصناعات الدوائية عندنا بسورية......طلعت هي بس صناعات تحويلية يعني بس تحويل المادة الدوائية إلى الشكل الصيدلاني الجرعي...


أما تصنيع المادة الفعالة الأساسية بالدواء فمو موجودة عندنا....وكل شي مواد فعالة منستوردها استيراد من الخارج.....يعني باختصار..


ماعنا شي اسمه أمن دوائي.......


ومعظم شركات الأدوية هي 90% تجارية وربحية.......وإذا فتحت الحكومة باب استيراد الدواء فهالشركات حتسكر ويتحول أصحابها لتجار استيراد....

وللأسف ماعنا شي اسمه اختراع أو اكتشاف دواء جديد لأنه بكلف مليارات الدولارات وسنين طويلة من الأبحاث والتجارب قبل ما يبدأ استخدامه وينتشر....


ماعم أحكي هالموضوع لنشر اليأس والاحباط......بل من أجل نحط طموحات بتتلائم مع الواقع ويكون هدفنا النهوض بالصناعة الدوائية ببلدنا....


ونحنا طلاب السنة الأولى يمكن ماكتير وعينا على هالشغلة.....وحبيت نحكي بالموضوع حتى ما نحط أهداف وأحلام وردية وبالآخير ننصدم بالواقع...

أكيد مو الكل بيفكر بالدراسات العليا ويمكن في كتير ناس هدفهم هو فتح صيدلية وبس...وكل واحد عندو أجندته  الخاصة....


بس أكيد رأيكم مهم .......وماخاب من استشار...


بتمنى من الجميع مشاركتنا وإفادتنا بالموضوع........


وعذرا على الإطالة وعلى الصياغة اللغوية!!!!................وشكرا للجميع...



والسلام عليكم ورحمة الله وبركاته



====================================Eyad========

   







ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 2


*ZAID*

عضــو ماسـي


رب اجعل هذا البلد آمناً




مسجل منذ: 17-01-2009
عدد المشاركات: 3845
تقييمات العضو: 245
المتابعون: 59

غير موجود
اشــترك بالتحديثات
رسالة مستعجلة

رد مشاركة : الصيدلة.....بين الواقع والطموحات المستقبلية...؟؟؟

10-04-2010 08:09 AM




السلام عليكم

هلأ مو ضروري أنو ما بنصنع أدوية من الصفر يعني في ضعف بالصناعة

يعني أكبر الشركات العالمية بتستورد المادة الفعالة الأولية من الهند

بس الجودة ما بتعني بس المادة الفعالة

لكن جودة التصنيع وجودة السواعات وأي شي ألو علاقة بالدواء (حتى العامل بالمصنع)

فممكن نجيب مستحضرين ونعاير المادة الفعالة وتكون متساوية لكن التأثير مختلف

---------------------------------------------------

موضوعك مهم و نحن بانتظار آراء الآخرين





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 3


hala*

جامعـي اســتثنائي





مسجل منذ: 08-02-2010
عدد المشاركات: 608
تقييمات العضو: 1
المتابعون: 11

غير موجود
اشــترك بالتحديثات
رسالة مستعجلة

الصيدلة.....بين الواقع والطموحات المستقبلية...؟؟؟

10-04-2010 01:07 PM




السلام عليكم

موضوع حلو
بس لازم يكون عنا بالأول إلمام بالمعطيات الموجودة عنا بالواقع مشان الصدمة ماتكون قوية



اقتباس
ومعظم شركات الأدوية هي 90% تجارية وربحية.......وإذا فتحت الحكومة باب استيراد الدواء فهالشركات حتسكر ويتحول أصحابها لتجار استيراد....



هاد الشي أكيد ومفروغ منو
لأنو وقت يكون صاحب معمل الأدوية تاجر عادي أكيد الغاية الربح دون النظر إلى باقي النتائج
بس وقت يكون صيدلي فهمان بمهنتوا لح يتغير كل شي
وطبعا صعب كتير صيدلي ولحالو يفتح معمل ..............................
الشغلة بدها مليارات!!!!!!!!!!!!!!!!!!
وقوانين جديدة ............................

بالنسبة إلي طموحي كبير شوي ويمكن صعب !!!!!!!!!!!!!!!!!!!!!!!!!!!!
الفكرة غريبة شوي وما عم لاقي حدا يتفاعل معي فيها منيح
الشغلة ما بدها دراسات ولاأي شي من هاد
بفكر بالمستقبل افتح شركة تعقيم
البداية لح تكون بمكتب صغير وبعدين بتكبر الشغلة شوي شوي
ممكن أخد مناقصات وأتعامل مع المشافي وأمنلن مواد بجودة عالية ومواصفات قيلسية باعتباري صيدلانية
ممكن نعطي محاضرات للأطباء عن مواد التعقيم  وأسالبيه وهيك ممكن نرفع شوي من مستوى الأمان بالمشافي عنا ومستوى الوعي عند بعض الأطباء
للأسف هلأ في شوية جهل بهيك موضوع 

أغلب يلي عم يشتغلوا بهل المشروع هلأ تجار  والغاية أكيد الربح دون التفكير بشي تاني
أكيد حلمي كبير شوي وبدو همة كبيرة وصبر  لأنو مو من أول مرة ممكن انجح
ولازم أعرف أكتر عن الموضوع لأنو هيك ما بكفي !!




اقتباس
ماعم أحكي هالموضوع لنشر اليأس والاحباط......بل من أجل نحط طموحات بتتلائم مع الواقع ويكون هدفنا النهوض بالصناعة الدوائية ببلدنا....



ما في أي احباط بالعكس ومتل ما قلت لازم نعرف قبل ما نتخرج ونتفاجئ لأنو من هون لخمس سنين لح تتعبى البلد مخابر وصيدليات ودكاترة تغذية
هاد غير طلاب الجامعات الخاصة .........................................................

تقبل مروري
والسلام عليكم ورحمة الله وبركاته





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 4


HaSSaN))

عضــو فضـي

ليتنا مثل الاسامي لايغيرنا الزمن




مسجل منذ: 20-09-2009
عدد المشاركات: 1275
تقييمات العضو: 0
المتابعون: 11

غير موجود
اشــترك بالتحديثات
رسالة مستعجلة

رد مشاركة : الصيدلة.....بين الواقع والطموحات المستقبلية...؟؟؟

10-04-2010 02:29 PM




مرحبا....


اقتباس
باعتبار أنو مو الكل فايت برغبة


والله هلحكي مظبوط للأسف..........بس أنا شخصيا كانت الصيدلة حلم عمري ولهلأ مو مصدق حالي أنو فايت صيدلة

يعني كل الولاد بتسألوهن شو بدكن تطلعو بيقلولك يا دكتور يا طيار.....بس  أنا كنت قول صيدلي وما بعرف ليش....والحمد لله ما ندمت على اختياري


اقتباس
ما نحط أهداف وأحلام وردية وبالآخير ننصدم بالواقع...


أنا هاد يللي خايف منو.....لأنو متل ما بتعرف أنا مالي معارك الحياة وما بعرف شو صار بالدنيا ومن فترة قصيرة لفقت ووعيت ...... بس حاليا حاليا.....طموحي أنو أدرس ماجستير بأي قسم صيدلانيات أو بالأخص تركيب أدوية.........بحب هلشي كتير ما بعرف ليش ..... ومنشان المشاريع الإبداعية بصراحة لسا ما خطت بس فكرة هلا حلوة وخرج يندرس الموضوع تبعها


اقتباس
أكيد مو الكل بيفكر بالدراسات العليا ويمكن في كتير ناس هدفهم هو فتح صيدلية وبس

هلأ المهم بالعمل أنو نبدع فيه و نأتقنه.......يعني تصور واحد درس دكتورا وعلق الشهادة علحيط وواحد بس درس خمس سنين بس أبدع بمجالو وطلع صيدلاني فهمان ومحترم والناس مثلا بيسافرو لعندو منشان يركبلهن شي دوا أو...................ما بعرف ما بعرف....كمان بيكون الواحد كتيييييير متحمس وبدو يدرس بس ما بتتيسر أمورو .....وبتكون الشغلة يللي متوقعها أنو مستحيل أنو يساويها بتكون هية الصح والشغلات يللي كل حياتو عبيسعا لألها بتطلع خطأ.....يعني الشغلة أكيد بدها توفيق ورضا رباني لحتا تصير
وبعدين من هون لخمس سنين ما بنعرف شو بيصير وشو بيطلع قرارات جديدة

اقتباس
وعذرا على الإطالة وعلى الصياغة اللغوية!!!!


وأنا كمان........

سلام





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 5


true

جامعـي نشـيط





مسجل منذ: 29-12-2009
عدد المشاركات: 121
تقييمات العضو: 0
المتابعون: 1

غير موجود
اشــترك بالتحديثات
رسالة مستعجلة

رد مشاركة : الصيدلة.....بين الواقع والطموحات المستقبلية...؟؟؟

10-04-2010 03:44 PM




السلام عليكم

إياد موضوعك حلو ومهم للكل 

بصراحة أنا كمان من جديد اكتشفت أنو ما في عنا صناعة دوائية بالمعنى يلي كنت متخيلتو

أنا كنت مفكرة أنو بس لحتى اتخرج وأعمل دراسات بيصير فيني ركب أدوية وحتى كان عندي أحلام ركب أدوية للأمراض المستعصية وفيد المجتمع العربي والإسلامي

بس عنجد انصدمت لما عرفت الحقيقة 

ولحد الآن ما عندي هدف واضح للمستقبل أو شو بدي كون أو اشتغل بس إن شاء الله ما رح اقتصر على إني كون صيدلانية عادية

وقررت حالياً إني ابذل جهدي بيلي أنا فيه هلأ (يعني بدراسة هالخمس سنين) وحاول يكون معدلي عالي مشان إذا قررت كمل دراسات

وشكراً عالموضوع المفيد

وخبرنا إنت شو حاطط ببالك





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 6


nanon

عضــو فضـي

لا تحزن إنَّ الله معنا




مسجل منذ: 19-10-2008
عدد المشاركات: 1059
تقييمات العضو: 34
المتابعون: 18

غير موجود
اشــترك بالتحديثات
رسالة مستعجلة

رد مشاركة : الصيدلة.....بين الواقع والطموحات المستقبلية...؟؟؟

10-04-2010 05:18 PM




فعلاً واقعنا كصيادلة محبط... صحي في عنا شركات ومعامل أدوية كتير.. بس كتصنيع مو كل هالئد..
يعني فوق ما عم يستوردوا المواد ما عم يحققوا هالجودة الدوائية المرغوبة.. إلا ما ندر..
وأكيد كالعادة بهالمجتمع.. السبب.. ما حدا عم يشتغل بضمير..
تخيل إنو مرة حكى لنا الدكتور عن دوا .. بالعادة بعد مايتصنع بيتم معايرة المادة الفعالة بهالدوا ليتأكدوا من صلاحية الوجبة.. وهالمعايرة عن طريق إضافة مادة تانية (بتذكر إنها مشعة) بترتبط مع المادة الدوائية وبيتم قياس تركيز هالمادة المشعة وعلى أساسها بيحددوا تركيز المادة الدوائية.... اللي صار إنو مرت فترة ما عاد هالدوا يعطي مفعول أبداً مع إنو بالمعايرة عم يطلع التركيز نظامي 100%.. فانتبهو إنو يعايروه بطريقة تانية معقدة أكتر فما لقو أي أثر للمادة الفعالة وإنما موجود مادة عديمة التأثير بترتبط مع المادة المشعة بنفس شدة ارتباط المادة الفعالة .. وهيك لما بيعايرو بيبين إنو في مادة وتركيزها مزبوط.. بس للأسف هالمادة مو دوائية إنما خاملة وما إلها علاقة بالمررة.. ووقتها انسحبت كل الوجبة من السوق .....  فتخيلو هالضمير قديشو شغال عنا.. وبعتذر إني مو متذكرة شو كانت أسماء المواد اللي انذكرت بهالقصة.. (إلها زمان)

بعرف إنو مو هاد فحوى الموضوع.. بس ذكرتني من كلامك بهالنقطة.. إنو بالأول لازم يشتغلو بضمير بعدين يدوروا عباقي القصص


اقتباس
وللأسف ماعنا شي اسمه اختراع أو اكتشاف دواء جديد لأنه بكلف مليارات الدولارات وسنين طويلة من الأبحاث والتجارب قبل ما يبدأ استخدامه وينتشر....

ببلدنا ما عنا مقومات البحث أو الاختراع.. لأنو هالشي بيتطلب بالدرجة الأولى متل ما قلت المليارات.. وشروط متاحة لراحة الباحث  وتفرغه للاختراع والتحديث.. والحمد لله نحنا أبعد ما نكون عن هالقصص.. يعني أبشر

اقتباس
وحبيت نحكي بالموضوع حتى ما نحط أهداف وأحلام وردية وبالآخير ننصدم بالواقع...

حلو الواحد يكبر طموحه وحتى لو كان بفترة معينة مستحيل.. وصدقني لولا الطموح ما كان تتطور شي .. بشرط يتصاحب بالهمة والعمل.. بس يخلي ببالو إمكانية عدم تحقيقه مشان ما ينصدم..
وأنا كمان من أكبر طموحاتي العمل بمجال البحث العلمي.. ولو إني بعرف واقعي سواء بمستوى الصيدلة أو المجتمع.. يعني في كتير شغلات ما رح سميها عوائق إنما بكتفي بتسميتها واقع مفروض.. رح تصعب عليي هالشي بس بالنهاية بيتم حلمي وإن شاء الله اقدر حقق شي منو..

يعني فيك تقول إنو التصنيع الدوائي ببلدنا مو سيء كتير وإنما بحاجة لتطوير وهالشي ممكن جداً بس بيحتاج للمادة (يعني التمويل).. وإن شاء الله معو معو بيتحسن بجهود هالأجيال الضخمة من الصيادلة..

يعطيك العافية إياد عالموضوع .. وإن شاء الله بالتوفيق لتحقق كل طموحاتك.. بدون صدمات





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 7


Mr. Tux

عضو ذهبي


سوريا في القلب




مسجل منذ: 09-10-2008
عدد المشاركات: 2973
تقييمات العضو: 70
المتابعون: 43

غير موجود
اشــترك بالتحديثات
رسالة مستعجلة

رد مشاركة : الصيدلة.....بين الواقع والطموحات المستقبلية...؟؟؟

11-04-2010 11:15 PM




       

أي شو هادا ا أياد

       

رح ارجع قلك يلي حكيتلك ياه من قبل:

تصميم الدواء اعتباراً من المرحلة الأولى، يعني من التخليق الكيميائي

أمر جداً صعب، والشركات مالها مضطرة أبداً أنو تحط تكاليف كبيرة كتير

مشان هيك شغلة

         

حتى بالنسبة للشركات عنا، هي عم تكتفي بصناعة وصياغة الاشكال

الصيدلانية بس، وهالشي كتير رائع وكتير منيح

وبالمناسبة هي الشغلة لوحدها بدها كتير جهد وتعب ودراسة

لحتى تتوصل لصغية صيدلانية تعطي التأثير والتوافر الحيوي وزمن الجرعة

المطلوب .........يعني هي كمان شغلة هامة كتير ,اهميتها بتوازي

أهمية التصنيع الجيد للمادة الفعالة

         

وبالمناسبة هي الناحية بالذات (تصميم الشكل الجرعي) هي الشغلة الوحيد

يلي بتميز فرعنا عن باقي الفروع، ومن دونها كان الصيدلاني مجرد

كيميائي عادي لا أكتر،

         

يعني بالنهاية معاملنا ضمن الظروف والإمكانات المادية هي كتير منيح

((يعني متل مابيقولو ......جود بالموجود  ))

========================

بالنسبة لمجال الإبداع، وأنو كيف الواحد بدو يتفوق ويتميز

بهذا المجال، فهون بدي قلك شغلة صغيرة بس



الإنسان المبدع هو من يرى الإبداع، ولس من يبحث عنه


يعني إذا كان الإنسان مبدع ومفكر فينو يحول أي شي لفكرة رائعة

ومميزة، حتى لو اخترع قشارة بطاطا، حتحس فيها إبداع وفيها شي غريب

بدل على خيال واسع



يعني بالمختصر الإبداع باي مجال مرتبط بالشخص نفسه

     






أشهد ألا إله إلا الله  . . .  وأشهد أن محمداً رسول الله



ســـــــــــــوريــــــــــا  و  ســـــــــــــوريــــــــــا  فقط . . .

ولا شيء غير ســـــــــــــوريــــــــــا . . .

هي الغالية . . . . وهي مافي قلوبنا


عن أنس رضي الله عنه قال: قال رسول الله صلى الله عليه وسلم:
انصر أخاك ظالماً أو مظلوماً
فقال رجل: يا رسول الله أنصره إن كان مظلوماً أرأيت إن كان ظالماً كيف أنصره؟
قال: تحجزه من الظلم فإن ذلك نصره.
رواه البخاري.



{{ اللهم أرني الحق حقاً وارزقني أتباعه، وأرني الباطل باطلاً وارزقني اجتنابه }}


قال الله تعالى:
{ الم (1) أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لا يُفْتَنُونَ (2) وَلَقَدْ فَتَنَّا الَّذِينَ مِن قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ } [العنكبوت: 1-3]


قال الله تعالى:
{فّإنَّهّا لا تّعًمّى الأّبًصّارٍ ولّكٌن تّعًمّى القلوب التٌي فٌي الصدور} [الحج: 46]


قال الله تعالى:
{فَمَن يَعْمَلْ مِثْقَالَ ذَرَّةٍ خَيْرًا يَرَهُ وَمَن يَعْمَلْ مِثْقَالَ ذَرَّةٍ شَرًّا يَرَهُ} [الزلزلة: 7،8]



قال الله تعالى:
{ إِن تَكْفُرُوا فَإِنَّ اللَّهَ غَنِيٌّ عَنكُمْ وَلَا يَرْضَى لِعِبَادِهِ الْكُفْرَ وَإِن تَشْكُرُوا يَرْضَهُ لَكُمْ وَلَا تَزِرُ وَازِرَةٌ وِزْرَ أُخْرَى ثُمَّ إِلَى رَبِّكُم مَّرْجِعُكُمْ فَيُنَبِّئُكُم بِمَا كُنتُمْ تَعْمَلُونَ إِنَّهُ عَلِيمٌ بِذَاتِ الصُّدُورِ }  [الزمر 7] 


قال الله تعالى:
{ وَمَنْ أَظْلَمُ مِمَّن مَّنَعَ مَسَاجِدَ اللّهِ أَن يُذْكَرَ فِيهَا اسْمُهُ وَسَعَى فِي خَرَابِهَا أُوْلَـئِكَ مَا كَانَ لَهُمْ أَن يَدْخُلُوهَا إِلاَّ خَآئِفِينَ لهُمْ فِي الدُّنْيَا خِزْيٌ وَلَهُمْ فِي الآخِرَةِ عَذَابٌ عَظِيمٌ } [البقرة 114] 


قال الله تعالى:
‏{‏وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ‏}‏ ‏[‏سورة الأنفال‏:‏ آية 30‏]‏


قال الله تعالى:
{ وَمَكَرُوا وَمَكَرَ اللَّهُ وَاللَّهُ خَيْرُ الْمَاكِرِينَ } [سورة آل عمران:54]


قال الله تعالى:
{ وَقَدْ مَكَرُوا مَكْرَهُمْ وَعِنْدَ اللَّهِ مَكْرُهُمْ وَإِنْ كَانَ مَكْرُهُمْ لِتَزُولَ مِنْهُ الْجِبَالُ } [سورة ابراهيم:46]


قال الله تعالى:
{ وَمَكَرُوا مَكْرًا وَمَكَرْنَا مَكْرًا وَهُمْ لَا يَشْعُرُونَ (50) فَانْظُرْ كَيْفَ كَانَ عَاقِبَةُ مَكْرِهِمْ أَنَّا دَمَّرْنَاهُمْ وَقَوْمَهُمْ أَجْمَعِينَ} [سورة النمل:51]


قال الله تعالى:
{ وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ } [سورة إبراهيم:42]


عن عائشة رضي الله عنها قالت: سمعت رسول الله صلى الله عليه وسلم يقول في بيتي هذا:
اللهم من ولي من أمر أمتي شيئاً، فشق عليهم، فاشقق عليه، ومن ولي من أمر أمتي شيئاً، فرفق بهم، فارفق به
رواه مسلم


عن أبي موسى رضي الله عنه قال: قال رسول الله صلى الله عليه وسلم:
إن الله ليملي للظالم فإذا أخذه لم يفلته
ثم قرأ: } وَكَذّلِكَ أَخْذُ رَبِّكَ إذَا أخَذَ الْقُرَى وَهِي ظَالِمَةٌ إنَّ أَخْذَهُ أَلِيمٌ شَديدٌ { ]سورة هود:102[
متفق عليه


قال الله تعالى:
{ بَلْ نَقْذِفُ بِالْحَقِّ عَلَى الْبَاطِلِ فَيَدْمَغُهُ فَإِذَا هُوَ زَاهِقٌ وَلَكُمُ الْوَيْلُ مِمَّا تَصِفُونَ } [سورة الأنبياء:18]


عن أبي سعيد الخدري قال :سمعت رسول الله صلى الله عليه وسلم يقول:
من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه، وذلك أضعف الإيمان.
رواه مسلم.


عَنْ أبي سعيد وأبي هُرَيْرَةَ رَضِيَ اللَّهُ عَنْهُما عَنْ النبي صَلَّى اللَّهُ عَلَيْهِ وَسَلَّم قال:
ما يصيب المسلم مِنْ نصب ولا وصب، ولا هم ولا حزن، ولا أذى ولا غم حتى الشوكة يشاكها إلا كفر اللَّه بها مِنْ خطاياه.
مُتَّفّقٌ عَلَيْهِ


قال سيدنا عمر بن الخطاب رضي الله عنه:
لستُ بالخِبِّ ، و لا الخِبُّ يخدعُني.







أنت غير مسجل لدينا.. يمكنك التسجيل الآن.

مشاركة : 8


M.E.H

جامعـي اســتثنائي





مسجل منذ: 01-01-2010
عدد المشاركات: 910
تقييمات العضو: 0
المتابعون: 13

غير موجود
اشــترك بالتحديثات
رسالة مستعجلة

رد مشاركة : الصيدلة.....بين الواقع والطموحات المستقبلية...؟؟؟

16-04-2010 03:03 PM




السلام عليكم



على حكيكم طموحي مستحيل حاليا.......بس الله كريم ....وإن شاء الله الوضع بيتحسن

==========

زيد

هلا

حسان

صفاء

nanon

نجم


شكرا لكم على ردودكم في الموضوع.........وأرجو إفادتنا بالمزيد

ملاحظة:

يمكن أنا قلت أنو الموضوع موجه خصيصا لطلاب السنة الأولى....بس مو يعني أنو الباقيين ما دخلهم...!!

أكيد كل واحد عندو حكي بالموضوع وأكيد رأيكم مهم ونابع عن خبرة....

أرجو مشاركتكم وإبداء آرائكم ونصحكم لنا.......وشكرا للجميع


======================================Eyad======






ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 9


Amira*

جامعـي مبـدعـ





مسجل منذ: 28-11-2009
عدد المشاركات: 329
تقييمات العضو: 2
المتابعون: 2

غير موجود
اشــترك بالتحديثات
رسالة مستعجلة

رد مشاركة : الصيدلة.....بين الواقع والطموحات المستقبلية...؟؟؟

16-04-2010 05:40 PM




السلام عليكم..

شكراً إياد على الموضوع ...عنجد مهم نعرف شو عم ينتظرنا يعني مشان ما ننجلط بعد خمس سنين...لا سمح الله..

بالنسبة إلي ....فأنا حابة أتخصص  صيدلة سريرية(إن شاء الله)...بس كل ما بقول لحدا هاد الشي ...بكون الرد:أي هاد الاختصاص مالو مستقبل بسوريا ...وما في دكتور  هون بيرضى أنو الصيدلاني يشاركوا بتشخيص المرض ووصف الدواء..!!!
مع أنو كتير عم يصير تخبيص من قبل الدكاترة في جرعات الأدوية وعم تصير حوادث مأساوية من وراء هالشغلة...يعني ما عم يقتنعوا أنو الصيدلاني بيفهم أكتر بهيك شغلات...


أما بالنسبة لتصنيع المادة الفعالة فبرأي أنو إذا بدنا نرجع نصنع مادة بالأصل موجودة فهالشي مو ضروري..بس أنو نحنا نبتكر ونخترع شي جديد...فهاد طموحي الأول والأخير....



سلام





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 10


لنصنع الحياة

جامعـي نشـيط





مسجل منذ: 14-11-2008
عدد المشاركات: 124
تقييمات العضو: 137
المتابعون: 14

غير موجود
اشــترك بالتحديثات
رسالة مستعجلة

رد مشاركة : الصيدلة.....بين الواقع والطموحات المستقبلية...؟؟؟

20-04-2010 08:27 AM




السلام عليكم ورحمة الله وبركاته..
اول شي بشكر الزميل اياد على طرح هالموضوع الهام ..
وفعلاً نحن من السنة الاولى لحد الآن (أنا طالب خامسة) وفكرة مستقبل الدواء بوطننا عم نفكر فيها ..
هلأ بتوقع انو الكل بيتذكر برنامج (صناع الحياة) للاستاذ عمرو خالد (من شي 6 سنين) ، وقتها عرض حلقات عن الصحة ومن جملة الموضوعات اللي ناقشها الصيدلة والدواء في العالم العربي والاسلامي ..
الفكرة اللي انطرحت هي كالتالي :


العالم المتقدم (ومتل ما حكيتو سابقاً) بيصرف المليارات على تطوير وانتاج الدواء (وهاد الشي عنا مستحيل) مشان هيك ، بلشت أمة مثل الامة الصينية ترجع لتاريخها وتبحث عن شي اسموا الطب الصيني وبالفعل قدرو يحققوا انجازات ضخمة حتى انهم تفوقوا على الطب التقليدي في العديد من المجالات وبالتالي حققوا نهضة صحية وعلمية من دون ما يقلدوا او يكرروا الاخرين ..
هلأ بالنسبة لنا كعرب ومسلمين ... كيف بدنا نحقق نهضة بلادنا من ناحية العلوم الصيدلانية والدوائية .. الحل هو الرجوع الى :

كنوز الطب النبوي
فالطب النبوي كنز من الادوية العلاجات التي لن يستطيع غيرنا اكتشافه والبحث في اعماقه كوننا نحن ابناء هذه الامة والمتمرسين باللغة ..
فكان الاقتراح على شكل سؤال :

ألا يوجد في العالم العربي والاسلامي 300 صيدلي يهب نفسهم لأمتهم لكي ينهضوا بحالها ؟؟

هلأ هناك الكثير ممن درس الطب النبوي لكن هذه الدراسات كان يقوم بها في الغالب غير الاخصائيين .. وبالتالي كانت النتائج جيدة لكن غير دقيقة او غير مختصة بشكل دقيق ..

وهاد باب عظيم من ابواب النهضة والتقدم (فتحه لنا رسول الله صلى الله عليه وسلم ) من 14 قرن .. فهل من مشمر الى نصرة الامة من ثغر الصيدلة؟؟

هلأ هي الفكرة العامة ... طبعاً خطوات السير بتختلف من شخص الى آخر ، فممكن شخص يختص بالعقاقير الطبية ، وآخر يختص بالادوية ، وغيره بالصيدلانيات بس كل هالاختصاصات لازم بالنهاية تخدم هدف واحد نهضة الصيدلة في بلادنا عن طريق دراسة علوم الطب النبوي





ملتقى طلاب جامعة دمشق




أنت غير مسجل لدينا.. يمكنك التسجيل الآن.
صفحة 1 من 2  1 2->
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة