تحياتي لكم تترى... وأشواقي لكم حرّا.
لكم يامن صنعتم مجدكم بالجهد...
وجدتم بالأقوال والأفعال...


أنا علا..مشاركة شبه جديدة..
في الحقيقة... صرلي فترة بالمنتدى...
وصار إلي عدد من المشاركات...وبناءً على هذه الفترة..بشهد أنو هالمنتدى فعلاً خُلق للفائدة قبل كل شي...
بهالمنتدى شفت الإبداع والآراء المنطلقة والجريئة والعبر العطرة والمشاعر الصادقة..والحرص الدائم على مساعدة الآخرين ودعمهم...

لذلك بشرفني كون بيناتكون  
...وتثبيتاً لوجودي بينكون حبيت عرفكون على حالي ولو بوقت متأخر...
بتمنى تتقبلوني كما أنا...



صديقة وأخت وداعمة لكم...



تحياتي...


علوش

يامية أهلا وسهلا فيكي يا علوش

هلأ جديدة شبه جديدة المهم صرتي بالمنتدى
وكلنا أكيد بنقبلك صديقة واخت معنا بالمنتدى عموماً وبقسم العمارة خصوصاً

بما انك سنة أولى فانشالله نقدر نفيدك

وانتي  كمان  ما رح تقصري موو

ناطرين مواضيعك علا ..

صحي صحي

معك ولاء سنة تانية عمارة ..

بتمنى تقبليني صديقة 


وبتمنى تستفيدي من مواضيع القسم 

سلام ..

اهلا وسهلا علوش
نورتي المنتدى
ان شاء الله بتستفيدي منو
وبتفيدينا 

ناطرين جديد مواضيعك
طبعا اليوم كنت بموضوع رسمات قلم الرصاص  كتير حلو

هلا هلا بولاء والله...

شكراً لاهتمامك وبتشرفني صداقتك أكيييييييد

وأكيد مارح قصر بالفائدة شرررررررريك...



بالنهاية كلنا طلاب جامعة..عموماً ...وطلاب عمارة خصوصاً...وبالتالي رجلينا بالفلقة سوا...لهيك إذا احتجتي شي وكان فيني ساعد مارح قصر...(فأوجاعنا واحدة )


شكراً لمرورك وبالتوفيق ...مع ماااادة الثقااااااااافة..  


علوش

شكراً لمرورك صديقي(سيدة عمري)..

والفائدة إن شاء الله متبادلة....

بالنسبة ل (عجائب قلم الرصاص)..فهو تعبير صادق عن مدى اهتمامي بالفن والرسم خصوصاً...
أتمنى أن تشاركوني شغفي بما لديكم من إبداع...


تحياتي....



علوش

علا

ما لعرف عن حالي

بدي قلك اهلين و سهلين فيكي بمنتدى جاما عموما


و منتدى العمارة خصوصا

هلئ الشباب و الصبايا -هو بيني بينك انا الشب الوحيد الناشط حاليا- كفو كتير و بيساعدوكي

متل ما قالت ولاء

هلئ في موضوع مثبت اكيد بتعرفي
تبع الكتب

هالموضوع هو اول مشروع هو تاني مشروع جماعي بالمنتدى

فكرته انو كل شخص عنده اي شي عن العمارة ينزله بالموضوع

و عندك كمان موضوع الاخ اسمراني "عرض عضلات"
بامكانك تنشري اعمالك في

وفي موضوع مدارس العمارة

كمان موضوع جماعي

و حلو كتير

انا متأكد من انك بتعرفي هالشغلات

بس عم ذكر

بالعطلة الانتصافية في تغيرات جذرية بالمنتدى و هلئ عم ابحث هالشي مع الادارة

بتمنى تدعي كل الاشخاص يلي بتعرفيهم للمنتدى

لسبب واحد و هو الافادة و الاستفادة

بتمنى تكوني عم تقدمي منيح

و ازا ممكن خبرينا شلون علاماتك بالتصميم

اهلا و سهلا فيكِ

اخوك محمد

شلونك محمد...والله إنك كفو ...

شكراً عالمعلومات المهمة..
بالنسبة لموضوع..(هام هام كتب عمارة)
فأنا آسفة لأنو الكتاب اللي كنت ناوية نزلو متنح وما عم ينزل  

لهيك إذا سببتلك الإزعاج ..فأنا أعتذر....

هلأ بالنسبة لعلامات التصميم  ...

مارح أكذب...بس أنا رضيانة عن علامتي ...بأقل تقدير...

يعني من شو بتشكي ال 37-38 بالمشروعين 

المهم أنو لهلأ ما في بوادر رسوب وانشالله مابتظهر هالبوادر لا عندي ولا عندك ولا عند أي طالب عمارة معتر...  


وأنت كيف علاماتك.. انشالله منيحة...


على كلن ...
شكراً لمرورك mameeeeeeeeeeeeeeeeet

موفق...

أهلا فيكي اخت علوش

بتمنالك اقامة دائمة وممتعة

وان شالله بتستفيدي وبتفيدي

بإنتظار جديدك

تقبلي تحيتي

اختك sufia
 

                يا اهلا وسهلا فيك ياعلوش الاموره                         

يا اهلا وسهلا فيكي باي وقت

وبتعريف وبدون تعريف المنتدى بنور بوجودك

اهلاااااااااااااااا و سهلااااااااااااااااااااااااااااااا