أغلبنا قارب على الانتهاء من الامتحانات ولم يتبقى له سوى مادة أو مادتين ويودع الفصل الأول من العام الدراسي 2009/2010    ...

بما فيه من أفراح    , أخطاء وعثرات   , مواقف طريفة 

تبقى في الذاكرة تحفر في الأعماق 

تعود لتجدد أحداثها  بما فيها من مشاعر تجاهها عندما نسترد تلك المشاهد التي مرت معنا 

ربما تكن مفرحة .. محزنة    ...مضحكة .....

مواقف عندما تتذكرها لاتتتوقف عن الضحك أو الحزن

وأفتتح هذا الموضوع

حتى نشارك بعضنا  تلك اللحظات الجميلة ....

  في هذا الفصل الذي سننهيه

ان أردتم في الجامعة

في الشارع

في أي مكان

فمن يود أن يشاركنا ونشاركه لحظاته

فليكتب لنا أبرز المواقف التي ستحفر بذاكرته .....

أرجو أن ينال الموضوع اعجابكم  ...

دمتم بحفظ الله ورعايته 

ph.ruaa

صحي أنا مو بكليه الصيدله


بس حابه قلك انو الموضوع والفكره..كتيير حلوه...

     


بالنسبه الي... قبل فتره .. وهي قبل  تلات اسابيع...
{{ بلشت الفضايح}}
   

كنت بالمحاضره... وشو ..؟؟ محاضره عربي... ؟؟  .. يعني على الدنيا السلام.. .
والدكتوره يعطيها الف عافيه ... ((ونستخدم مصطلح ابره.)).. بما انو بكليه الصيدله...
الدكتوره ابره منوم...  

وسحبتلك ياها نومه بالمحاضره...

قامت سألت.. : شو يعني كلمه مباركه..؟؟
أنا بسابع نومه ... فجأه فتحت عيوني.. .

ولئيتها بتتطلع فيني...

قالت: انتي.. تفضلي قوليلنا المعنى..؟؟

أنا ما لي عرفانه . . شو بتحكي .. وشو السؤال.. . وشو معنى وما معنى. . وشو بتخرط  هالمخلوئه....؟؟    

قمت تطلعت بورقه رفيئتي اللي بجمبي  .. ولئيتها حاطه ايدها على كلمه  {{ شجره}}   ..

قمت حكيت للدكتوره:.. معناها.. شــــــجـــــــره.. . 
قالت الدكتوره: يعطيكي العافيه..كتيير متعبه حالك..

     
ههههههههههههههههههههه

أنا فرطت ضحك على حالي...
بس الحمدلله.. طلاب الشعبه .. كلهن نفس الحال... ابره مخدر.. منوم...

الكل نايم...


     

وبس...

يسلموو... رؤى عالموضوع الظريف...
خليتيني فضفض هون
..هههههههههههه
     

تقبلي مروري..وخالص شكري وتحياتي..

زميلتك:

SYRIAN ANGEL

SYRIAN-ANGEL


لك دخيل الناس الفهمانة أنا اي 

هلأ للصراحة عندي كتير نهفات صايرة معي.........    

يعني أذا بدي أحكيلك على المواقف مع الدكاترة .....فبدي كل يوم حلقة......  

لأني على قولة الدكتورة   غيداء ربداوي "حبيبة قلبي"   ......المشاغب تبع المعهد العالي......

                     

المهم رح بحكيلك آخر نهفة......وهي صارت اليوم معي بحصة الدكتورة  علا أبو عمشة......."تسلملي عينها شو بحبها"        

المهم......هاد ياستي وبلا طول سيرة.......    

الأسبوع الماضي قالت الدكتورة أنها فتحت منتدى لمناقشة المادة على موقعنا.....  

المهم أنا وكالعادة ......ولاإراديا نطيت وبلشت قلها .....أنا مابيفتح عندي....

الموقع مو شغال خارجي "يعني بيفتح داخلي بس"......الخ.........طبعا من الحجج الواهية......    

فأجت الدكتورة قالتلي فوت من السكن........فأنا كالعادة.......دغري جوابي على راس لساني.....

قلتلها والله يادكتورة ماعم نفضى نحك راسنا.....يادكتورة وظايف ومشاريع وغيرو وغيراتو.......

                         

المهم عجزت الدكتورة معي...........وصار أخد وعطى......المهم.......    

والطلاب سايخين ضحك تحت المقعد.......وأنا عم ناقش بكل جدية "بتعرفي بحكم الموقف: قدام دكتورة"        

المهم مرق أسبوع....وأجا اليوم........وفاتت الدكتورة.........    

وأول شغلة قالتها : أنا فتحت حوار عن كذا بالمنتدى .....فوتوا وشاركو......  

فأجيت هون وكل العادة وقبل ماتخلص الدكتورة جملتها.......

قلتلها دكتورة.......الموقع ماعم.......وماخلتني كمل كلمتي........

  قالتلي بعرف ماعم يفتح خارجي........فوت داخلي من السكن..........

طبعا أنا هالمرة ماكنت متذكر النقاش الماضي........فرحت قلتلها دكتورة أنا مابقعد بالسكن.....      

أنا بيخلص الدوام من هون........وبركد على باصات المركز من هون.......    

قالتلي طب عود بالسكن....فقلتلها أصلا أنا ماعندي غرفة وأنا مابقعد ولادقيقة بعد الدوام....          

أنا هيك......أنتو افتحو خارجي.......قلتلها معقول أنا بيتي بالشام وأقعد بالسكن......        

فجمدت الدكتورة شوي......وبقعت فيني هداك الصوت.........    

ولا .........كأنك الأسبوع الماضي قلتلي أنك عم تم للصبح بالسكن عالوظايف.....              

يخرب بيتك شو كذاب.......طبعا هون أنا انصدمت......وصار وشي متل البندوراية.....    

ونزلو الطلاب وحتى الدكتورة معهن تحت المقاعد من الضحك.........    

طبعا وانشمسنا........لأنو الدكتورة ماخلت حدا ماحكتلو........    

بس عن جد لو ماكانت حبابة ..كنتوا اتخيلوا موقفي........    

على كل وبلا طول سيرة.....    

هاد واحد من المواقف اللي بتصير معي.....    

اعذروني على الإطالة .......بس موضوع حلو وبشد......    

مشكورة على الطرح الحلو.....    

وتقبلي مروري....        

xxlamingo

بالعكس مية اهلاوسهلا

ناطرين نهفات جديدة 

مابتتخيل قديش ضحكت

رؤى

أريجاتو  على الموضوع الحلو

خلينا نفرفش شوي

 

بس يا ربي

بحبشتلك على نهفة بتنكتب

مالقيت

كلهن فضايح رسمي

يلا إلا ما يطلع معي شي وحدة

سلام

ريــــــــــمـــــــــــي 

بما أنو أنا اليوم مطلقة الدراسة والفيزيائية   

وماقدرت افتح  وادرس كلمة 

لأني حاولت مرتين وكل ماقوم بسم الله ياهادي يادليل

بيرن هالتلفون وبتطلع علامة 



طلع ببالي نهفة ماصرلها زمان بس  من مبارح 


بعد ما خلصنا فحص وصلتنا أخبار (عــــــــلى أساس موثوقة  )

انو لح تطلع علامات مادتين   ........

وتقريباً نص الدفعة كانت بانتظار العلامات 

نطرنا ســـــــاعة  .....



ســــــــــاعتـــــــــيـــــــن ........



تلات ساعااااااااااااات  .......


ضلينا ناطرين لحتى صارت الساعة 2 وشوي   ....


بعدين فقدنا الأمل 


وحملنا أذيال الهزيمة 


ورجعنا عالبيت 


وتاني يوم (يعني اليوم الصبح طلعت العلامات   )


يعني بالمختصر أكلنا خاروف مرتـــــــــــب


يعني لو مانطرنا ولاشي كنا رجعنا عالبيت وارتحنا ونمنا 


بس بيضل الأمل عند الطالب بقشة  والساعة بتلحق الساعة 




يلا شو ماحدا عندوا شي نهفة ؟؟؟

وهي نهفة جديدة هية قديمة شوي يعني ماصارت معنا هاد الفصل بس معلش لح قولها

وقبل مابلش بتمنى ماتعصب رنا وماأكول قتلة     


هادا ياأعزائي ياكرام .....


مرة في حديث صار بجمعة من الجمعات ومن ضمن الحديث قالت الست رنا : أنو هي جاية على بالها تنكسر رجلها مشان تتدلل شوي ....


هون الشطر الأول من النهفة 

وبعد كم يوم استعرت منها  مدري أيا دفتر أو كتاب


واذذذذذ



بآخر ورقة موجود





اللايميل والباسوورد تبع المنتدى






والاحساس بالأذى والفصول الناقصة ماقدرت قاوموا



أخدت البيانات   ....


فتت باسم الخانوم وكتبت رد مفاده ماسبق ذكره من أمنية كانت بدها تتحقق


مو بس هيك ....


كمان حطيتلها صورة رمزية فيها لعبة مكسورة رجلها 



وبعد كم ساعة فاتت



ولقيت بدها تسجل دخول (علماً انو هي ماسجلت خروج) 


ومتل مابتعرفوا انو إذا الواحد ماسجل خروج من جهازو وبس فات مرة تانية ولقا لازموا تسجيل دخول معناها في حدا فات من جهاز تاني


ماعطيت للأمر اهمية

وفاتت على ساحة السنة الأولى












وشافت اللي صار


وكان فيها عقل وطــــــــــــــــار



وضليت ساكتة عل الموضوع شي خمس ساعات 


وهي ياحرام عم تفور وتغلي 


وبعدين خبرناها هالخبر السعيد 


وطبعاً زعلت شوي 


بس قلبها الطيب ماخلاها تضل زعلانة   


بالنهاية وطبعا مع عذراًُ عل الاطالة :


انتبهوا على بيناتكون وماتحطوها وين ماكان   


الله يستر 


يلا احكولنا عن نهفاتكون ولا كلكون عايشين ريلاكس 

السلام عليكم....................

و الله إنك خطيرة رؤى    ................ شو هالمزح التقيل هاد....... 

منيح يلي المخلوقة سامحتك بوقتها و ما ردتلك ياها بشغلة أدهى و أمر...........

   

بس الصراحة المقلب حلو.................