مرحبا للكل
شو ؟ ماحدا حضر تامر حسني حتى ماشفنا ضجة الو بالمنتدى ؟
انا من العالم اللي بيحبوه كتير ورحت وحضرت الحفلة
بس الله يلعنن عهالحفلة
مابعرف اذا في حدا منكن حضر انريكيه اغليسياس بس كانت حفلة روعة والتنظيم فيها عشرة على عشرة وفيا احترام وماحدا طلع لعندو عالستايج الا البنت اللي هوي طلّعا
انا توقعت هيك تكون حفلة تامر بس للاسف بتفاجأ وقت بروح بالطريقة المبهدلة اللي استقبلونا فيها التنظيم كلو بعياط وصريخ وتفتيش تلات مرات وكلو بالتدفيش كان معي اخي كل مرة ارجع اشرحلن انو اخي مابعرف غيرو بالحفلة خلوه يفوت معي والا ماكانو يخلوه ... قال لازم الشباب من غير جهة
طيب اوكي هي القصة فهمنايا بس معلش منستاهل شوية احترام !!!
طبعا قالو الحفلة الساعة 7 ما اجا تامر لل9 وبهالوقت (انا كنت حاجزة بال3000)
رحت ووقفت وكنت قريبة كتير مافي غير مترين بيني وبين الستايج (اللي مو معقول متل يوم انريكيه بمواصفات عالمية) ... مابدي طول عليكن
المهم بلشت العالم بالتدفيش
واقفين كلنا فوق بعض ولازقين لزق والله العظيم مافي فرغ بيناتنا
وفجاة بتبدا قلة الحيا من كم شب بيطحشو وبيقولو انن تنظيم
او قلة حيا من كم بنت بيكونو ورا ورا وبيجو لقدام بينجلؤوا على شي شب حتى يمرقن وبيصيرو قدام
ونحنا ملطوعين متل الكلاب
واخيرا اجا تامر سمعتلو غنية وحدة انا وجمبو وبعدا ماعد اقدر لان هالحمار اللي قدامي صار ينط وحصرا ينزل على اجريي
رحت بوطي احمر رجعت بوطي اسود !!!
المهم رجعت لورا لاني ماعدت اقدر استحمل
بقا يخلو تامر يكفي الحفلة ؟ ضربوا بعينو وبايدو
وكل ماغنى غنية يكون نط حدا لعندو وتنقطع الغنية ويبدا يترجا هالعالم حتى ماعد يطلعو ويرجع يوقف اغاني مشان يترجاين ماعد يدفشو ببعض
بنص الحفلة وقف غني وقال انو ادارة الحفلة عم يقلولو يوقف غني ويروح اذا مابتبطل العالم تطلع لعندو
وبتقولو هالعالم بهايم وكانو هوي عم يحكي مع حيطان ... لا بيجوز لو حكي مع حيط كان بيفهم اكتر
عملو استراحة 10 دقايق ورجع يغني وكمان رجعو ينطلو لعندو العالم
بالاخير ماعد استرجى يكمل غني باول الستايج ... رجع وقف بين الفرقة الموسيقية وفي شي 20 بودي غاردس واقفين حواليه
يعني فيكن تقولو ماعد شفناه
الله يلعن هالتنظيم ... كل شي كان هوي مهذب ولطيف
كل شي كانو هالعالم بهايم
وكان انسان فهمان عمل كذا تحية للدكتور بشار الاسد وكذا تحية لسوريا ومصر
وكان الجو محل ماوقفت اخر شي حلو
وقلنا انو امو سورية :)
شو كمان بدي خبركن ؟
كانو عم يصوروا الحفلة بقا انشالله بيعرضوا وبتشوفو اللي عم احكيلكن عليه
و عفكرة كان اغلب اللي طالعين عم يسبو على هالتنظيم وعلى هالناس القلال الزوء يعني مو رايي لحالي
مابعرف ماكان في حدا موجود بالحفلة يعطيني رايو ؟؟؟؟
طولت عليكن شوي بس حبيت حطكن بقلب الحدث :)
حفلة تامر حسني في سورية
