السؤال الثامن بظن حلو صح متل ما قلت
   
بس المسألة شو هاد معقول

على هالحالة الحل كلو غلط    

بس أحلى يجبلنا الرقم متل ماهو متل بعض جماعة

الله يمرق هالفحص على خير
   
شكراً فارما

ما شاء الله حولكم بفوت بلاقي ردود كتيرة     

كم مرة بتفوتو على الموفع باليوم؟؟؟؟؟؟؟؟؟؟؟؟؟؟    


بالنسبة للسؤال رقم 8 أنا راي أنو 4 بس صح لانو مو مذكور بشكل صريح  أنو مقياس الانكسار أنو مكشاف الـGC
و بالصفحة 412 مذكولر بس مع HPLC والسؤال محدد GC حصرا .

اقتباس

Conduvctivity خطأ والصح Thermal Conductivity يعني الحرارة مو الكهربائية أو غيرها .

ايه  شو هـ الدقة بالدراسة والله أنا ما انتبهت لهـ الفكرة برافو عليك    

اقتباس

كمان شو مشان انو في تفاصيل كتير بالمادة وما عم اقدر اتذكرها وقت عم عيد يعني عم يصير معكم متلي ؟ مشان أعرف حالي إذا طبيعي أو لأ!!!!!!
يعني امشي بالمادة كيفما اتفق .

والله الحال من بعضو أنا كمان ما عم اتذكر الا الشي المميز كتير كتير من شان هيك والله مو متفائلة كتير بالمادة       

اقتباس

ومشان سؤال الدكتور تبع الأسبرين والبروبرانولول : الأسبرين هو الجواب مو البروبرانولول لأنو شو أصله للبروبرانولول ومن أي مركب طورناه بينما الأسبرين واضح انو صح من الصفصاف (ساليسيليك أسيد) .
بينما البروبرانولول تصنيفه تصنيع كيميائي تبعاً للمستقبل هيك جايي بأوراق النت .
شو رأيكم ؟؟؟؟؟

لسا ما حليتو بس حلو بردلكون خبر

اقتباس

كمان تذكرت شغلة أكد عليها الدكتور كنت كاتبها وراه :
مسألة A1% والامتصاص في مسألة عليها بالكتاب هي أكد عليها الدكتور وقال بده يجيب مسألة على نمطها

اقتباس

يا عيني من غير شي المسألة مو واضحة

بصراحة أنا مو متأملة أعرف حل المسألة لأنو ما في مثال أبدا بالكتاب على المسائل

أنا بظن تجي المسألة متل المسألة يلي بالدورة 2002/2003 بقا ياريت نتناقش بحلها اذا قدرتو تحلوها لانو أنا بصراحة ما عرفت حلها بس بدي حاول فيها مرة تانية بوكرا ان شاء الله بعدين ضمن هي الدورة في كذا مسألة

بس من شان المسالة الخطأ:

الدكتور صححها شي و  الحل يلي كتبتو حل الدكتور ؟؟  

لحتى احفظ الرقم الغلط و الصح اذا كان الدكتور ما صححها بتعرف بوكرا بجيب الرقم الغلط اذا هو ما صححها

صباح الخير:
حل المسألة من عندي.
قلنا للدكتور انو المسألة غلط بالكتاب وع أساس بده يصلحها بس سافر.

بالنسبة لمسألة 2003
الؤال الرابع والعاشر كيف حليتوهون؟؟؟؟؟؟؟
ما انحلو معي

أما سؤال الدكتور فبظن أنو الجواب هو البروبرانولول
لانو الاتسبرين مصنفه الدكتور (تاريخي)

مرحبا
كيفكن وكيف نفسيتكن حاليا
اما شو اسئلة مراقبة
انا شخصياً بدي 3 ايام لخلصها حل مع العلم اني دارسة معظم معلوماتها
لهيك اضطريت اني امشي عالاسئلة بسرعة مشان لحق وصرت حط اول شي بيخطرلي وفوراً انتقل عالسؤال اللي بعدو مشان ما يضل حسرة بقلبي ولا سؤال
بس مع ذلك مدري ليش مبسوطة
يمكن فرحت بعلامة الملازمة  

خبروني شو صار معكن

باي

   

                        ;i(15
قال كيف نفسياتنا  الله وكيلك أنا مو بالأرض تحت الأرض يمكن
انا ما انتبهت غير انو الوقت صار 11،20 ما صدقت عيوني  وكنت لسا بالسؤال 43  و بلش  الماراتون أركض أركض ما الحق    مالحق فكر حتى و كل شوي بقول هلأ بتطلع المسألة و بعد شوي بتطلع المسألة  بس المفاجآة انو ماكان في مسألة       أخ  يا راسي رح ينفجر
اللي قاهرني أكتر اللخبطة اللي صارت اليوم بالمكتبة  يعني فتنا بمية حيط لحتى عرفنا أماكنا وين  طب ليش ما بيحطو تنبيه 
يلا باااااي أنا اليوم ما رح ادرس شي بدي يوم نقاهة بعد هالصدمة

الله يسامحوا على هالأسئلة  

لا حدا يسألني كيف طلعتي لأنو والله أنا ما بعرف كيف طلعت

بعدين شو مشان جايب تفاصيل كتير بايخة

يعني كتاب 1000 صفحة الواحد ما رح يركز إلا عالشي المهم

أما هو مشان الله مو تارك لا شغلة صغيرة ولا كبيرة إلا وعم يسأل عنها  

وهاد غير الأسئلة يلي كل خياراتها صح

أو الأسئلة يلي بدو الصح وبتلاقي كلهم صح ما عدا خيار واحد خطأ

الله يصطفل فيه    

بس الحمد لله أنا عملت كل شي عليي ودرست المادة كلها وراجعتها
وشو ما إجت العلامة الحمــــــــــــد لله

أنا برايي لا تزعلو ولا على بالكن لانو اغلب الطلاب هيك طلعو
وانا اصلا انبسطت انو ما في مسالة لانو مالحقت ادرس مسائل
معناها اليوم اعملتو نقاهة اصلا الانكليزي سهلة هالسنة مو هيك؟
ياسيدي وانا كمان لح اخدو نقاهة لانو بس نايمة ساعتين بالليل

انشالله بالتوفيق

مرحبا شو الأخبار
لاء  مبينين بهمة عالية ونشاط وحيوية من بعد مانطبخنا طبخ واستوينا بهالأسئلة

وأنا صار فيني متلكن عم حل بسرعة صاروخية وبدون تفكير وكلو عالسريع وماركزت عشي  ليش؟؟؟


لأنو بكل بساطة عم استنى شوف المسألة والمسألة بدا وقت ومنضمن علامتها  بس كمان فجأة وبعد ماوصلت للسؤال 80 قررت اتصفح باقي الأسئلة وكانت الصدمة الكبرى    وين المسألة؟؟؟؟


على كلن بذل جهدو الدكتور بحط الأسئلة كل سؤال بأربع أسئلة وقال حلن هو بعشر دقايق وبالعلامو مرتو راقبتو ؟؟؟

خلص الحمد لله
  نحنا عملنا يلي علينا وزيادة وأولا" وأخيرا" متوكلين على الله و مابيضيع عندو شي