ما قدرت اني اطلع من الموضوع بدون ما اكتب رد .. مابعرف ليش ..
اقتباس
المشاعر كبستان من الزهور الملونة المختلفة .. لا تحيى إلا إذا أعطيت حقها
من الرعاية والاهتمام وإعطائها ما تستحق وتوجيهها بلطف ورفق ..
واستيعابها برحمة وصدق .. ومداواة جروحها بمحبة واضحة وجلية
الذي حصل في بستاني المغدور أنه كان مجهولا ً لزمن طويل جدا ً ..
لا أحد يعلم به سواي وما أكثر الأدلة على ذلك ...
يا أخ صمت البحار كلنا قلوبنا ومشاعرنا عبارة عن بستان متل ما اتفضلت حضرتك .. وكلنا شفنا
من هالدنيا الكتير والقليل .. يعني كل واحد بياخد نصيبو .. وزمنا صعب وما حدا بينكر هالشي ..
اقتباس
انطوائي .. وإعلانُ انعزالي .. ثم وحدتي .. ثم الغربة بكل معانيها ..
غريب ٌ في وطني .. غريب ٌ بين صحبي وأحبابي .. غريب ٌ بين طيات نفسي
وكل هذا تشهد به حروفي ... وعجزت عن تفسيره أقلامي
أحيانا الانسان بيحتاج لأنو يكون وحيد لفترة .. وكلنا منحب نبقى لحالنا احيانا ونفكر .. بينا وبين نفسنا
وبس .. بس ما لازم توصل الامور لكلمة انطوائي او انعزالي .. لأنو رب العالمين خلق الانسان
اجتماعي بالفطرة ولما حدا فينا يكون انعزالي بيكون عم يخالف فطرة رب العالمين .. مهما شفت
من الدنيا شغلات ومصايب واحزان لازم يكون عندي امل بسيط بإني لاقي مين يكون قادر انو
يعوضني ويساعدني .. والله كريم ..
اقتباس
لماذا لم يدعوه وشأنه .. لماذا ابتسموا له وأعطوه كامل الحقوق ..
ثم ومن غير مبررات ولا مقدمات .. يقلع هذا البستان من جذوره !!
ألم يعلموا أنهم يقتلونني .. بحماقتهم .. ؟؟ .....؟؟
ما بعرف بس انا بشوف انو الانسان لازم يتحلى بالقوة لانو في كتير ناس بتجرح مشاعرنا بس
نحنا لازم نكون اقوى من كل شي لانو الحياة بدها تكمل وبدها تمشي .. ليش لحتى نسمح
لناس حمقاء متل ما ذكرت انو تعكر علينا حياتنا بتصرفاتها .. ليش لحتى اسمح لقلبي انو يتأثر بحدا
بس كان بدو يظلمو .. أنا هيك بكون عم اظلم حالي قبل ما حدا يظلمني ..
اقتباس
آآآآخ يا صمت البحار ... عد إلى صمتك فليس لك حياة ً بينهم ..
فأنت الصمت ... والصمت منك وفيك .. والبوح والكلام لا يحق لك
طبعا ليس لك حياة بين الناس الحمقاء .. الظالمة .. وانت بيحقلك تحكي وتبوح اكيد ..
اقتباس
وهم بذلك قاتلوك لا محالة .. .. ..
اذا كنت انا حابة عيش وعندي ارادة ماحدا بيقدر يقتلني او يكسرلي أملي ..
الشغلة بدها شوية تجارب بالحياة وشوية أمل .. وكتير من الارادة .. والثقة ..
رب العالمين ما بيضيع عندو شي ..
بس الحياة بدها تكمل .....