مرحبا كيفكن
حابة اسال طلاب السنة الاولى متلي يعني شو رايكم بالعمارة عجبتكم او ندمانين لانو انا كتييييييير حاستو فرع متعب الله وكيلكم كل يوم للساعة 6 او 7 الصبح بسهر  غير الشغل بالمراسم و ياريت بيعجب الدكاترة و لهلا مادرست شي نظري يعني التصميم مو تارك دور لحدن ونحنا بجامعة البعث عنا مادة الهندسة الوصفية بعتقد انو مو موجودة بالشام  يعني عم اتامل بالفصل الجاي عم يقولو اسهل انشالله
.حابة اعرف رايكم لا تطولو.
.
ازا في حدن بجامعة البعث منكم يخبرني
.
.
. شكرا احلى تحية من Sunlight

ستي الكريمة  Sunligh
الك مني ارقى تحية
ولكل المعمارية
بس ممكن في غلط بملف التعريف تبعك لانو مكتوب في انك بكلية الهندسة المعلوماتية
http://arc.jamaa.net/smilies.php#smile
المهم:
1 مادة الوصفية متل ما قلتي التغت من تلت سنين
2-لمعلوماتك يلي بيعدو بالمراسم مو دكاترة بل معيدين يعني شوفت حال على الفاضي
انا بصراحة المعيد يلي عنا روح البو ينظر على الفاضي
يعني بيفهم وكتير بس ما بيشرح النا شي!!!!!!!!!!!!!!!!!!!!!!!!
بس هادا كلو بيهون فدا العمارة
يعني انا كبيت فروعة كتير طلعتلي متل الهندسة البترولية و الميكانيكية والطاقة الكهربائية وبالموازي بيطلعلي فروع كتير متل المعلوماتية
بس انا ما بدي غير العمارة
منشان نكون واقعين وئت الباكالوريا كنت بتأمل طب بس هلئ بحمد الله انو ما دخلت طب
العمارة حلاوتها بالتعب تبعها
بالفعل نحنا اكتر فرع بيتعب بين كل الفروعة حتى اكتر من الطب -طبعا انا عم احكي عن السنة الاولى لانا انا شفت كل المناهج تبعات السنة الاولى-
يا ستي الكريمة انا المعيد تبعي شرشحني وبهدلني و مسح فيني الارض
بس ما لع خلي شخص متلو يوقف بطريقي
وما ممكن اي شي يوقف بطريقي
ممكن تلاقي تعب هلئ بس بكرا انشاء الله بيطلع الفرق
انا بصراحة بحب فرعي كتير وانا بظن انتي كمان وكل يلي بالمنتدى وحتى يلي بالجامعة
فرعنا مو اي شخص بيحسن يدخلو هي لحالها بالمكفى
ممكن كون لعيت قلبك
بس عن جد شكرا لطرحك هيك موضوع
من الآخير انا بحب فرعي يعني بحب فرعي
وانشاء الله منشوفك السنة الجاي عنا بالشام

mamet t

اهلين mamet باينتك عم تعاني من المعيدين متلي ما بعرف لي شايفين حالن هيك و مو بس هيك كل واحد بيحكي شكل و مو شرط صح
بس اهم شي الدكتور اصدي مزاج الدكتور يعني ازا كان مبسوط بيحطلك علامة منيحة وازا لاء الله يستر يلا شو بدنا نساوي
على فكرة انا متلك كنت احلم سجل طب بس للاسف  ما مشي الحال
و مشان الرجعة على الشام انا كتيير حابة جامعة دمشق خاصة انو انا من الشام والطريق و السفر ساعتين بيتعب
هالمرة انا لعيتلك البك
بس عنجد حلو نتقاسم مشاكلنا نحنا طلاب العمارة


سلااام


احلى تحية من sunlight

ست الكريمة تحية طيبة
بتمنى تقرئي مشاركة نزلتها انا وزميل المرسم العزيز inee بعنوان (متى تكون طالب عمارة؟؟؟)
وعطيني ردك
انا بظن هالمشاركة ممكن تفش خلقك شوي
واجلى وارقى واطيب واجمل وامثل وانور واسطع تحية لsunlight
mamet