بعد السلام والتحية
سؤال في ما يخض انتقال الطلاب من الجامعات الخاصة غير السورية الى جامعة دمشق ..

أنا طالب اعلام في جامعة بيروت العربية و انجزت سنتين  و بسبب غلاء الاقساط و لاني حابب ادرس ببلدي ..
استفسرت بموضوع سابق عن الموضوع
وخبروني الاخوان اننو المهلي ما زالت مفتوحة لـ 22-10 ..

وانا بكل الاحوال حسجّل هون السني التالتي و حارسل اوراقي ..
فسؤالي .. ؟
انتو كطلاب اعلام فيه منكون صار مقطّع نص الطريق . ..
صادفتو حالة متل حالتي ؟
وكيف كان التعامل معها ؟
برجع سني لورا ؟ او بيحملوني مواد او كيف ؟؟

والله عنّا بجامعة بيروت العربية فيه قسم خاص بالتدريب العملي .. من اذاعة و تلفزيون و تصوير ...  ( MEDIA center ) بس كمواد نظرية وحتى المواد التحريرية ما فيه شي عم يحسسني بالمستوى المتقن يلي بيختلف عن مستوى جامعة دمشق !!

فعنّا التدريب العملي !! و عندكون النظري !!
وانا حابب اتأكد منكون اذا المهلي ما زالت مفتوحة ؟!
لان السني الماضيي سألت بالوزارة والولي الشرط هوي اننو كون انجزت سنتين .. ؟!

وشكرا كتير ( و معليش فتحت باب التدريب العملي و الخ .. بس صدقوني الموهبة هيي يللي بتخلّي الشب او الصبيي ينطلق بسوق العمل بس يلي عم يدرس اعلام وما عندون الموهبي .. بيتعب وبيعاني من الفجوة بعدين  !! )

وبس شكر ا جزيلا ومعليه اعدت السؤال .. + انّو فتحت موضوع التدريب .. فاعذروني للاطالة !!

عفوا العنوان المفروض يكون العملي من عنّا و النظري من عندكون !!
بس مش اشكال انشالله العملي و النظري من جامعة دمشق .. ولو انا كفّيت بالعربية المهم كمان نشوف اعلامي سوري !! و انا حكون جدا سعيد بكل الاحوال

كمان مرة عفوا علاطالة.. و خبصت شوي المواضيع المفروض التساؤل بقسم التساؤلات و الموضوع التاني هون .. بس انا حببيت ادمج التنين مع بعض
!!

صديقي بالنسبة للعملي و النظري رح قلك أنو في فكرة خاطئة عن جامعة دمشق
أولا السنة الأولى نظري كلو مشان يبنو قاعدة ثقافية للطالب يلي ثقافتو صفر و بنسبة 70 بالمية من الطلاب أما من ناحية العملي فنحنا أكتر جامعة بالوطن العربي بتهتم بعلوم التحرير مع شوية ضعف بتدريس الإذاعة و التلفزيون و صدقنب الجامعة روعة أنا كنت بكرها بس بعدين عشقتا
في طلاب مانن إعلام و بيحكو من عندن بس لمجرد الحكي
بالنسبة لجامعة بيروت رفيقي هنيك و قت حاول يرجع ما سمحولو ما سألتو ليش كان أسمو محمد الزعبي
المهم لازم تعرف أنو قسم الإعلام يلي رح يصير كلية
هو قسم مكتمل مع ضعق بالتدريب التلفزيوني بس لازم نعرف أنو المتفوقين بيطلعلن إختصاص بعدين
و في عنا دكتور أسمو عربي المصري بدرس عدة مواد تخيل أنو بدرس بقناة الجزيرة و الكورس عندو 600 ألف مدة 21 يوم
المهم أكيد فينك تنقل بس بعرف أنو هادا الشي بعود لمحصلتك
بتمنى تزور الجامعو و تعرفا أكتر
شكرا ألك

هاي مشاركتي التانيي الك ..
لان المشاركة السابقة تم حذفها ( بتتضمن عنواني البريدي) مش اشكال و انا بتفهّم هلشي كانت هفوي منّي ..
بس مضمون الكلام السابق انّو بغض النظر عن العملي و النظري و عن تسجيلي ببيروت او بلشام .. انا دوامي بلّش  هون و الحمدلله مبسوط ..
بس اكيد جامعة دمشق لا يعلى عليها و نحنا كلنا كسوريين وين ما درسنا و وين ما كنّا منتشرّف ببلدنا و منحاول دايما نكون خير صورة الها و نشرفها  .. لهيك بيهمنا نكون منتشرين وين ما كان ندرس و نعطي صورة حلوي عن اجمل بلد بالعالم .. ( طبعا هلصورة موجودي دورنا انأكدها اكتر و اكتر و نحبط محاولات التشويه) فعشان هيك انا بتمنى تتقبلوني معكون بالمنتدى هون مع انّي مش طالب بجامعات سورية وانما طالب سوري و قسم اعلام ..
بتمنى تتقبلوني اخ بينكون لنفيد بعض بكتير اشيا
وشكرا للدعوي عقسم الاعلام بلشام .. اكيد بيشرفني هلشي
وعراسي يا ابو شريك ;-)