كانت مؤسسة الاتصالات وعلى لسان مديرها العام المهندس ناظم بحصاص قد أعلنت في بداية شهر أيلول .. أنه سيبدأ العمل باحتساب أجزاء من الدقيقة على مكالمات الخلوي للمشتركين في تشرين الأول القادم .. وأضاف البحصاص " أن الدراسة في هذا الموضوع قد أنجزت نهائياً وسيتم عرضها على إدارة مجلس المؤسسة لاتخاذ القرار المناسب.. وأن في نية المؤسسة تطبيق احتساب أجزاء الدقائق بعد الدقيقة الأولى من المكالمة "


وبعد انتظار الجميع لأول هذا الشهر ..
تأتي المفاااجأة  حيث اعتذرت شركتا الخلوي في سورية " Syriatel  & MTN  " ( شو هالصدفة الشركتين سوا !!؟) اعتذرتا عن المباشرة بتطبيق نظام الفوترة الجديد الذي وعدت به المؤسسة العامة للاتصالات بدءاً من الأول من هذا الشهر

وبررت الشركتان اعتذارهما من خلال كتاب رسمي أرسلته لإدارة المؤسسة بأن الشركتان غير جاهزتين فنياً للعمل باحتساب أجزاء الدقيقة (الثواني) بدءا من بداية شهر تشرين الأول القادم 2009  وأن برنامج الـ(billing) غير جاهز الآن

لتقع بعدها  إدارة المؤسسة في الإحراج ولا تعرف مخرجاً مناسباً للخروج من ورطة التصريحات التي لم تستطع إدارة المؤسسة الوفاء بها وتبحث المؤسسة بشكل حثيث عن حل يحفظ ماء وجهها أمام زبائنها مما يدل على أن سلطة المؤسسة على الشركتين سلطة ضعيفة .. رغم أن الشركتين ممثلتين بمديريها اتفقا منذ حوالي الشهر مع المؤسسة من خلال المجالس المشتركة على نظام الفوترة الجديد


* ولكن مؤسسة الاتصالات عادت لتأكد عزمها على تطبيق نظام الفوترة للخليوي بالثواني كما جاء على لسان معاون مدير الاتصالات رؤوف العيد

وأضاف العيد " أن هناك اتفاقاً مع شركتي الخليوي (سيرتيل) و(MTN) على تطبيق هذا النظام .. وان جميع الأطراف ملتزمة بتطبيق نظام الفوترة الجديد ... وذكر كما ورد أعلاه أن سبب التأخير في بدء تطبيق هذا النظام يعود إلى أسباب تقنية .. بالإضافة إلى العطلة التي استمرت 10 أيام بمناسبة عيد الفطر السعيد" !!

وعن عملية التجزئة وفق نظام الثواني بدءاً من الدقيقة الثانية .. قال معاون مدير المؤسسة رؤوف العيد " أن هذا الموضوع مازال يبحث بين المؤسسة وشركتي الخلوي متوقعاً أن يُبتَ هذا الموضوع في الأسبوع المقبل"

مع الذكر بأن شركة الاتصالات صرحت بأنه سيتم تشغيل لجنتي تنسيق بين المؤسسة وشركتي الخلوي ووضع النظام الداخلي للجنتين مع اتفاق الطرفين كي تكون تكون جميع القرارات المتخذة تصب في مصلحة المؤسسة بالدرجة الأولى ..

ولكل مين انتظر و تفاجئ .. بقله بسيطة ولو .. صحتك بالدنيا 
وللي لسى عندن أمل .. بنقول مابعد الصبر الا الفرج .. وفرج صار بنص الطريق .. راجع من موسم الحج 2008 


دمتـــم بخيــر ...

والله يا سيلفستر الوضع بيبكي
أنا بعرف إنو بالسودان التكلفة من أول دقيقة بالثواني
بس نحنا عنا نا شاء الله إذا بيطلع بإيدون ياخذوا الدقيقة بدقيقتين ما بيقصروا
بدون مية سنة ضوئية حتى يخلصوا التدقيق
بقى أحسن شي لا حول ولا قوة إلا بالله العلي العظيم
تقبل مروري

نسيت قول
مبارح وانا عم حاكي خدمة الزبائن لفعل ميزة .. بس خلصت .. حاكيت الموظفة بخصوص هالخبر
وانه اليوم أول يوم .. بقى شو هو النظام الجديد للتعرفة

شو بتقلي .. انت من وين جبت هالخبر .. ههههه .. حسيت حالي بغير عالم
يعني مدير المؤسسة هو المصرح فيه ..وشفته بمية موقع واعلان
وانا طالب جامعي وسمعت فيه .. فكيف هي موظفة بشركة الخليوي

المهم ..
قال هي اشاعات وغيمة اعلامية ..!!؟ ووقت الجد بخبرونا وبيعلنوا .. الله يعطين العافية

عيش يا_______لينبت _______
ليش حتى الدقيقة MTNعلى الوحدات كانت بزمناتا 58ثانية ما بعرف هلأإذا صححو هالخطأ..
سيدي....قال الحكي ببلاش قال...



       

يا شباب انا بس بدي اعرف مين بدي سب  يعني حاجه نضحك ع  بعضنا يعني لا  وزير الاتصالات  طالع بايدو شي ولا  حتى  رئيس الوزراء ذات نفسو   

يعني الله وكيلكن  يا جماعة من وقت ما نزل شي اسمو هاتف جوال عالبلد والناس عم تنسرق علنا وما فيها تعمل شي لأنو الناس مضطرة تستخدم موبايل    يعني من الالفين وسبعة ع  اساس تنزل شركة تالته بس لسه شغلة هالشركه عم تتأجل يوم بعد يوم لأنو بتضر بمصالح الشباب الطيبة وبتفيد الشعب
انا بس حابب قلكن ارقام عن دول تانيه وضعها متل عنا تقريبا   

بمصر مثلا  بما يعادل دولار واحد فيك تحكي 55 دقيقه من جوال لجوال    وبرمضان كان العرض  انو بحوالي دولار واحد بتحكي 180  دقيقه      واحد الشركات اللي  هنيك  عملت عرض مرة  انو المكالمات من الساعة  1 بالليل للساعه  7  الصبح  مجانيه و  مفتوحه  فشوفو الفرق  يا جماعة شعبنا مو طالع بايدو يعمل شي يعني عم ننسرق عم ننسرق غصبا عنا    بس هي هيك  شو بدنا نعمل بس اللي بريحلي ضميري انو في يوم قيامه  وكل انسان حيتحاسب عن عملو      والله ينتقم من السارق بالدنيا قبل الآخرة     


سلاااااااااااااااااااااااام 

السلام عليكم و رحمة الله و بركاته

و الله ياجماعة انا برأيي أنو الحق علينا و انا متأكد أنو أكتر من 90% من الشعب مالو بحاجة الموبايل بس للأسف نحنا شعب بنحب شوفة الحال و إذا واحدنا شاف شخص ما معو موبايل منحكي عليه و لو كان هاد الشخص مالو بحاجة الموبايل بس لاااااازم يحمل موبايل يا اما بيصير شخص متخلف و من هالحكي يا أخي قبل الموبايل كانت أمورنا ماشية و عين الله علينا شو عدا ما بدا لذلك إنا ابقول انو الحق علينا يا أخي بلا هالموبايل لشهر او شهرين و إن شاء الله عمرو ما نحمل موبايل المهم ما حدا يستغلنا بس للأسف لاحياة لمن تنادي

بدها وقفة مع النفس و شوية تفكير
أخوكم المخدراتي

ميدان-شيخ محي الدين

طيب ما شركة MTN  كمان شغالة بالسوادن .. شو السبب بهالتمييز العنصري هاد 

iyass

اقتباس

ليش حتى الدقيقة MTNعلى الوحدات كانت بزمناتا 58ثانية ما بعرف هلأإذا صححو هالخطأ..

اي بسيطة مشان ثانيتين ...   لسى  في شي أهم مطنشين عنه

هلا فيكن .. والله يفرج

موضووووووووووووع جميل جدا 
ويستحق    الرد  عليه  واتمنى
الزيادة من هذه المواضيع الهامة
وشكراااا جدااااااااا جزيلاااااااااا

         
بعد ما تفاءلنا وقلنا لحالنا رح تخف نكبة الموبايل شوي طلع كلو حكي بحكي..
ولك آآآآآآآآآآآآآخ........ صارلي مدري قديش ما حكيت ولا ثانية عالموبايل لأني على وشك التفليس من الوحدات ..
سيدي.. بالناقص.. بكرة أنا بفتحلكن شركة خاصة بأعضاء المنتدى.. واحكوا ببلاش 24/24 .. وولا منية حدا.. روحوا عيشوا بهالنعم..

يعطيك العافية أيهم عهالموضوع.. هو صحي إنو شي بيهز البدن.. بس تعودنا..
بانتظار أخبار أحلى بشوي..
تحياتي

هلأ بدي أفهم ليش هيك عميصير فينا بس!!

يعني ليش الحكومة والوزارة عمتوقف مع شركات الاتصالات ومو سائلين فينا ولا كأنو في شعب ولا يحزنون؟!

مع أنو معروف أن وزارة الاتصالات هي المسؤولة عن كلشي وهي بتفرض كل الشروط هللي لازم شركات الخليوي يلتزموا فيا،،، بس شو بدنا نحكي،،أكيد القصة فيها ملعوب كبير،، وكبير كتير كمان!!  ومو معقول كم واحد هيك ....... كبار يتحكموا فينا ويسرقونا علنا ونحنا مو ئادرين نسوي ولا نحكي شي..

خلينا ساكتين أحسن.

الله كبييييييير