[x]

"وقـل اعمـلوا فسـيرى الله عـملكم ورسـوله والمؤمنـون"


..لمحة عن كليات جامعة دمشق و فروعها... شاركنا تجربتك وكلمنا عن اختصاصك



مواضيع ننصح بزيارتها .:Pharmacy:. عش متعة الصيدلة .:Pharmacy:. تقنية الويكي: معاً نحو محتوى عربي رقمي علمي نصنعه معاً .:Pharmacy:. ساحة مشروع ترجمة موسوعة التكنولوجيا الصيدلية .:Pharmacy:. تعو نلازم كلنا سوا .:Pharmacy:. معلومة عالماشي يا صـــــــيــــــــدلــــــي .:Pharmacy:. كل شـــي جـــديــــد .:Pharmacy:. مواقع الشركات الدوائية
مواضيع مميزة:
مـنـتـدى تـرجـمــة وتـدقـيـق أقــســام الـمـوســـوعـة
للتواصل مع الهيئة الإدارية في كلية الصيدلة اضغط هنا
ويكـي فـارما

المركز الإخباري الــصــيدلاني

مشروع ترجمة الموسوعة التكنلوجية الصيدلانية

موسوعة العلوم العربية

مشروع المجلة الطبية Medical Journal

مشروع الأختام الجماعية الدورية

  ملتقى طلاب جامعة دمشق --> كلية الصيدلة --> الصيــدلة علــم و عمــل --> منتدى الحوار العام
    نحو طريقة دراسة أفضل..صيدلة
عنوان البريد :  
كلمة المرور :  
                    تسجيل جـديد


.نحو طريقة دراسة أفضل..صيدلة


~*شمس*~

جامعـي مشــارك





مسجل منذ: 07-08-2009
عدد المشاركات: 64
تقييمات العضو: 5
المتابعون: 3

غير موجود
اشــترك بالتحديثات
رسالة مستعجلة

نحو طريقة دراسة أفضل..صيدلة

05-09-2009 06:44 PM




مرحبااااا   ...

لاشك أن لكل منا طريقته بالدراسة...
لا أقصد وضعية الدراسة : متسطح..عالطاولة..عالماشي..
بل كيفية تنظيم الوقت بالدراسة..والتوفيق بين دوام الجامعة والدراسة..
وبما أننا طلاب بكلية الصيدلة التي تتميز بالدوام العملي الإجباري ..والنظري أحيانا..
(حسب شو بيطلعو قرارات بالكلية..)
فكيف تدرسون للعملي والنظري..
هل تترك دراسة العملي لوقت المذاكرات؟؟ ولا كل درس بدرسو وكل يوم بيومو ؟؟
وكذلك بالنسبة للنظري..هل تحفظ المحاضرات بصم وقت نزولها أم تقرأها أم تتركها لوقت الفحص؟؟
وهل تدرسون خلال الأسبوع ولا بس جمعة وسبت؟؟!!
بالنسبة لإلي إلى الآن لم أثبت على طريقة..
لسبب خطير    وهو:
وقت كنا سنة أولى..كانو يتشاطرو علينا المعيدين بالعملي ويقولو الجملة المشهورة:
الدراسة بالجامعة مو متل البكالوريا..وما في حفظ بصم متل البكالوريا..إلخ
وترسخت هذه الجملة وقتها في ذهني..ولم أدرس كدراسة البكالوريا الفصل الأول من السنة الأولى ..فجبت علامات خيالية
ومن حينها..أخذت أجرب طريقة للدراسة في كل فصل دراسي..تارة تنجح..
وتارة لا..وما زلت بالتجريب

وأنتو شلون بتدرسو؟؟؟

(لا تواخزوني شي بكتب فصحى وشي عامي..بس بكتب يلي بيخطر على بالي  )

تحياااااااتي  
شمس







ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 2


golden pill

عضو ذهبي


~* اغتنم خمساً قبل خمس *~




مسجل منذ: 11-02-2009
عدد المشاركات: 2456
تقييمات العضو: 102
المتابعون: 19

غير موجود
اشــترك بالتحديثات
رسالة مستعجلة

رد مشاركة : نحو طريقة دراسة أفضل..صيدلة

05-09-2009 07:10 PM




هلق العملي إذا ما في تسميع إجباري فغالباً بقراها بس دراستها بتكون عند الفحص.....
إلا عند الضرورة
أما النظري فالطريقة بتتوقف عالمادة....و محبتها بقلبي..(لا تضحكوا علي بس في مواد عنجد بعشقها )

مثلاً : الطفيليات و كمان الأدوية و ما أدراك ما هذه المادة الرائعة يعني أنا تفاجأت بحالي على قد ما بحبها و الدكتورة زادتني محبة ........و بالتالي كنت أدرسها بعد المحاضرة فوراً لأنو غالباً كنت أكتب ورا الدكتورة.......

و التكنولوجيا ما فيني ما أدرسها كل يوم بيومو لأنو كتير بدها فهم و هي متل السلسلة إذا ما فهمت نقطة فمن الصعب أنك تفهمي الباقي........

و في مواد ما بحبها ...سبحان الله..... لازم تندرس و مع ذلك لما بدرسها ما بتنهضم و لا بتنفهم متل الحيوية و التحليلية..
أما المواد يلي مثل السموم و التاريخ ......الخ فهي ممكن أطّلع على ربع المادة داخل السنة و الباقي وقت الفحص لأنو إذا صار و درستيهن فهن رح ينتسوا لحالهن (يعني رح يخذلوكي. .)


بس بشكل عام بحاول أطلع قدر الإمكان على كل شي قبل الامتحان........

و تكون القفشة الكبرى لما بكبِّر راس و بدرس المادة كلها و بيجي أسئلة دورات   و أنا دوبني أنجح و يلي كان عم يفصفص بزر وقت الدراسة و آخر شي حفظ الدورات جاب أعلى العلامات. ......
يمكن هي طريقة مو صحيحة بس أنا هيك برتاح و لو أنو غالباً بتفاجأ بالنتائج...





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 3


بلسم الآلام

عضــو فضـي

كن جميلا ً ترى الوجود جميلا....




مسجل منذ: 14-11-2008
عدد المشاركات: 1112
تقييمات العضو: 21
المتابعون: 16

غير موجود
اشــترك بالتحديثات
رسالة مستعجلة

رد مشاركة : نحو طريقة دراسة أفضل..صيدلة

05-09-2009 08:23 PM




يعني والله مالي عرفانة شوبدي قلك

يعني إذا ماحدا من دكاترة العملي قلنا إنو بكرا في تسميع وعلامات ومن هالحكي يمكن مابعرف شوفي بالمنهاج يعني أنا من الجماعة يلي مابيدرسو غير قبل الفحص بيومين  لأنو مالي خلق الدراسة

بس بعتقد إذا ببقى على هالحالة هلأ بالسنة التالتة معناها انبسطوا لح ترتاحوا من وحدة بالسنة عندكون لأني أكيد لح ارسب

لذلك بدي غيّر طريقة دراستي وكنت ناوية حط خطة جديدة على أساس الدليل يلي بدهم طلاب الرابعة ينزلو ولهلأ ماشفنا لا دليل ولاشي
الله يسامحهم طلاب الرابعة


اقتباس
لا تواخزوني شي بكتب فصحى وشي عامي..بس بكتب يلي بيخطر على بالي )

ولايهمك حبيبتي شمس محسوبتك بلسم من نفس المشكلة  بتعاني  

تقبلي مروري





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 4


*ZAID*

عضــو ماسـي


رب اجعل هذا البلد آمناً




مسجل منذ: 17-01-2009
عدد المشاركات: 3845
تقييمات العضو: 245
المتابعون: 59

غير موجود
اشــترك بالتحديثات
رسالة مستعجلة

رد مشاركة : نحو طريقة دراسة أفضل..صيدلة

05-09-2009 11:40 PM




السلام عليكم

في شغلة بالجامعة لازم الواحد ياخد بالو منها

كل مادة و إلها أسلوبها

يعني الواحد لازم يسأل و يدأدس عالمزبوط من أول السنة

يعني في مواد بس دورات

و مواد بدها فهم و تركيز متل التكنو

و مواد بدها قراءة من المراجع متل الأدوية و الحيوية

و الدورات بالنهاية شي أساسي

يعني الواحد ما بيعرف إيمتى بيجي عبالون يجيبو دورات و محسوبك هون بيقرأ الدورات بس مدري شلون حظي دائما بترك دورة معينة ما بتكون عجبتني آم بتجي منها أغلب الأسئلة

هلأ الواحد إزا كان فاضي أحسلو يحضر المحاضرات بس مو كلها لأن في محاضرات مالها طعمة

يعني ممكن الواحد يعرف شلون يمكن تجي الأسئلة و يعرف المواضيع يلي ركز عليها الدكتور و نمط تفكيرو

يعني بس الواحد يحضر المحاضرة و يشتريها تاني أسبوع فبيقرأها بسرعة بس مو شرط يحفظها

يعني أنا بقرأ أول شي عالسريع و بركز الأفكار العامة و بعدين بصير بعيدها بأيام تانية مشان حاول إحفظها و وقت الفحص بيجي الحفظ البصم

بالنسبة للعملي فعموماً كل جلسة بتجي صفحة وحدة و مو مستاهلة و بتنحفظ بسهولة لكن احياناً بكون في نوط مثل الجراثيم فهون صار بدها بصم و تركيز
لكن عندي قناعة بالنسبة للعملي أنو الواحد يشتغل قدر الإمكان و يعمل يلي عليه و يحاول يناقش المشرفين و يزبط بفحص العملي
يعني إزا ما زبطت التجربة فعمرينا ما تزبط لأن بالنهاية نص العملي واسطات (و قدام عيني صارت) و تشليف علامات

على كل حال كليتنا أحسن من غير كليات و لازم نحمد ربنا أنو صحلنا نفوت صيدلة





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 5


~*شمس*~

جامعـي مشــارك





مسجل منذ: 07-08-2009
عدد المشاركات: 64
تقييمات العضو: 5
المتابعون: 3

غير موجود
اشــترك بالتحديثات
رسالة مستعجلة

رد مشاركة : نحو طريقة دراسة أفضل..صيدلة

06-09-2009 12:50 AM




مرحبااااا   ..

golden pill

شكرا كتير على مشاركتك ..


اقتباس
تكون القفشة الكبرى لما بكبِّر راس و بدرس المادة كلها و بيجي أسئلة دورات و أنا دوبني أنجح و يلي كان عم يفصفص بزر وقت الدراسة و آخر شي حفظ الدورات جاب أعلى العلامات. ......


ئي هي كتير بتصير...هاد يمكن حظ

ــــــــــــــــــــــــــــــــــــــــــــــــــــــــــــــ

                                                       
بلسم الآلام


كمان شكرا عالمشاركة

اقتباس
بس بعتقد إذا ببقى على هالحالة هلأ بالسنة التالتة معناها انبسطوا لح ترتاحوا من وحدة بالسنة عندكون لأني أكيد لح ارسب


والله فرحتينا   هههههه عم إمزح أكيد
لا يوه شو ترسبي ما ترسبي ..بعيد الشر
والله كلنا خايفين نرسب هالسنة نحنا طلاب التالتة..
قد ما خوفونا الطلاب إلي سبق وكانو تالتة..

اقتباس
لذلك بدي غيّر طريقة دراستي وكنت ناوية حط خطة جديدة على أساس الدليل يلي بدهم طلاب الرابعة ينزلو ولهلأ ماشفنا لا دليل ولاشي

وأنا كمان بدي غير طريقة دراستي ..مو لأنها مو زابطة ..بس بدي الطريقة الأكثر فعالية لهي السنة
ولهيك نزلت هالموضوع..
وأنا معك في عداد منتظري دليل السنة التالتة


                                                                                                      تحياتي  
                                                                                                        شمس





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 6


~*شمس*~

جامعـي مشــارك





مسجل منذ: 07-08-2009
عدد المشاركات: 64
تقييمات العضو: 5
المتابعون: 3

غير موجود
اشــترك بالتحديثات
رسالة مستعجلة

رد مشاركة : نحو طريقة دراسة أفضل..صيدلة

06-09-2009 02:22 AM




*ZAID*

وعليكم السلام..


اقتباس
كل مادة و إلها أسلوبها

يعني الواحد لازم يسأل و يدأدس عالمزبوط من أول السنة


فعلا صحيح هالكلام 100% ... بس ما كنت طبقو تماما.. بقول لحالي ما بدي إسمع لرأي حدا وأعمل يلي بشوفو أنا صح ...فبشوف النتائج مخيبة
قلت لحالي أنو آخد فكرة بس عن المواد..وبحاول لاقيلها  طريقة للدراسة..


اقتباس

لكن عندي قناعة بالنسبة للعملي أنو الواحد يشتغل قدر الإمكان و يعمل يلي عليه و يحاول يناقش المشرفين و يزبط بفحص العملي
يعني إزا ما زبطت التجربة فعمرينا ما تزبط لأن بالنهاية نص العملي واسطات (و قدام عيني صارت) و تشليف علامات


بالنسبة إلي  صار عندي قناعة أنو علامات العملي هي تشليف بتشليف
يعني ما خفى على طالب سنة تانية تشليف العلامات بعملي الفيزيائية الفصل الأول...
ناس علاماتها فوق فوق وناس علاماتها تحت تحت..
كأنو مو فاضيين يشوفو كل طالب شو  بيستحق

بس بضل كليتنا أحسن من غيرها... والحمد لله على كل حال


تحياتي  
شمس
                                                                                                                                                         
                   
                                 





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 7


Pharma87

عضــو فضـي

وما تشاؤون إلا أن يشاء الله




مسجل منذ: 08-07-2008
عدد المشاركات: 1555
تقييمات العضو: 248
المتابعون: 15

غير موجود
اشــترك بالتحديثات
رسالة مستعجلة

رد مشاركة : نحو طريقة دراسة أفضل..صيدلة

06-09-2009 03:48 AM




السلام عليكم :
بالنسبة إلي أنا بحب ادرس كل شي بالسنة وما خلي شي لوقت الامتحان بس الظروف دايما بتجبرني قصر لأنو وقت امتحانان العملي ما بقدر ادرس نظري لأنو ما بضل في وقت .....
يعني دراستي الأساسية أثناء السنة وكوني بكتب محاضرات بضل على تواصل بأغلب المواد..........
أما مشان العملي بالعملي اللي ممكن يجيب الواحد فيه علامة بدرسه بقلب السنة وبعتمد اني ابرز بالفئة ما خلي حدا يجاوب قبلي والحمد لله بأغلب الأحيان علاماتي عالية.........

هي طريقة دراستي بشكل مختصر........

     




إلهي سأظل منتظراً فرجك وأدعوك حتى أستحق الفرج فتكرمني. وظني فيكي يا ربي لا يخيب. هذه هي ثقتي بربي.  

تذكر: لا تحزن ولا تتشائم، فقط ابتسم وتذكر أنا كل يوم يمضي انما هو بالقرب وليس بالبعد  ولذلك فلنقل للأيام امضي فنحن من سيسحتق الجائزة بالنهاية.

أنت غير مسجل لدينا.. يمكنك التسجيل الآن.

مشاركة : 8


*Pharmacy*

جامعـي اســتثنائي





مسجل منذ: 27-10-2008
عدد المشاركات: 703
تقييمات العضو: 2
المتابعون: 5

غير موجود
اشــترك بالتحديثات
رسالة مستعجلة

رد مشاركة : نحو طريقة دراسة أفضل..صيدلة

06-09-2009 02:36 PM




يعني الصراحة يمكن ما حدا لهلأ بصدقني


أنا من الناس يلي بترك دراستي لوقت الفحص

يعني بدرس شوي أثناء السنة الدراسية

أما قبل الفحص بشهر تقريباً بحط عقلي براسي وبشد الهمة

غير هيك ما بحسن

يعني أثناء التسميع بالعملي أو حضور محاضرة بحاول اعتمد على هالذاكرة تبعي يلي بتكون ذاكرة جدي أقوى منها (الله يرحمه ).



كمان أنا معذور يعني مجبر أن لا أدرس أثناء السنة بشكل جدي لأنني متفرغ لأشياء أخرى من شان هيك بيتراكموا عليي المحاضرات متل العادة





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 9


ٌRula

جامعـي مبـدعـ





مسجل منذ: 25-11-2008
عدد المشاركات: 343
تقييمات العضو: 0
المتابعون: 10

غير موجود
اشــترك بالتحديثات
رسالة مستعجلة

رد مشاركة : نحو طريقة دراسة أفضل..صيدلة

06-09-2009 08:04 PM




مرحبا
هلا سؤالك صعب شوي
لأنو أنا بالنسبة إلي كتير بقرر وبحط برنامج انو نظم وقتي وادرس بس للاسف ما بيمشي الحال
بس رح قلك شو رأيي
هلأ العملي ومن تجربتي بهلسنتين اللي مرقو انو الدرس والبصم فيه تضييع وقت لانو بالاخير العلامة ما رح تتغير مشان هيك انا بعتمد انو افهمو منيح وبس
مشان هيك لازم الواحد يركز عالنظري لانو في كتير مواد لازمون درس خلال السنة وتركيز منيح لانو قد ما درسون الواحد وقت الفحص ما بيمشي الحال
وشكرا إلك



أنت غير مسجل لدينا.. يمكنك التسجيل الآن.

مشاركة : 10


~*شمس*~

جامعـي مشــارك





مسجل منذ: 07-08-2009
عدد المشاركات: 64
تقييمات العضو: 5
المتابعون: 3

غير موجود
اشــترك بالتحديثات
رسالة مستعجلة

رد مشاركة : نحو طريقة دراسة أفضل..صيدلة

06-09-2009 11:50 PM




مرحباااا  

Pharma87

طريقتك بالدراسة عجبتني كتير خاصة أنو بتحاول تدرس كل شي خلال السنة ..
هي القصة ما كانت تزبطت معي بهالسنتين  قد ما حاولت ..
لأنو بتجي وقت الفحوصات وأنا بكون دارسة من كل مادة نصها  بس وإن كترت تلت رباعها 

بالتوفيق Pharma87

   


pharmacy

اقتباس
كمان أنا معذور يعني مجبر أن لا أدرس أثناء السنة بشكل جدي لأنني متفرغ لأشياء أخرى من شان هيك بيتراكموا عليي المحاضرات متل العادة


الحق معك لأنك متفرغ لأشياء تانية..والله ييسرلك..
بعتقد أنو  العتب علٍي متفرغ للدراسة فقط متل حضرتي ومع هيك بضل مو ملحقة

   


ٌRula

شكرا على مشاركتك يا حلوة...ويلي بيصيرمعك بيصير معي تماما ورأيي من رأيك..
يعني كمان أنا دايما بقرر أنو نظم وقتي وحط برنامج بس ما كااانت تزبط معي
صرت فكر  أنو دراسة الجامعة ما بيمشي معها تنظيم الوقت..
وإيمتا ما صحلو الواحد بيدرس..ما بعرف هاد يلي استنتجتو من حالتي


                                                                                                      تحياتي  
                                                                                                        شمس





ملتقى طلاب جامعة دمشق




أنت غير مسجل لدينا.. يمكنك التسجيل الآن.
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة