بنت الغروب شكرا على نصيحتك


رح ادرس المحاضرات والدورات و الكتاب رح خليه محطوط بالمكتبة و مانزلو منها 

بتمنى من كل ئلبي أنو ترفعو المادة باقرب دورة  لأنو الجيولوحيا مادة كثيفة  وأهداء الى طلاب الكلية بالسنة التالتة                 

cuteyy     

من كتر ما لك  متوترة    صرت ما عم تقري منيح    طولي بالك وضعك كتير منيح

أنا متل ما قلتلك حاملة الميكانيك من الفصل الأول

إذا الجيولوجيا مادة كثيفة لكن الكيميا شو ، مو بس كثيفة لاء معتة كمان ومالها طعم


يارب تصبرني عليها لأني ما عم أقدر شوف الكتاب ، طيب كيف بدي أحفظ فيه 



cuteyy بما أنك درستيها إذا كان في شي أبحاث أسهل من غيرها قليلي عليها وإذا شي أبحاث بتتكرر بالدورات كمان قليلي وبكون ممنونة لأنو المادة مهددة بالحمل 

أسف على تطفلي


بس لأني شفت كلمة جولوجيا


أنا متلكم كنت كتير خايف من الجيولوجيا



بس الحقيقة إذا بتقرؤا أسئلة دورات بصير فيكم متل ماصار فيني

شو صار فيني؟؟؟


سؤال  حلو


والله كنت أقرأ وماصدق يعني تصوروا في سؤال مكرر 13 مرة

وسؤال مكرر 12 مرة وهيك شي عجيب غريب


بس والله كانت دورتنا بتعقد وحملت السنة على خمس مواد ومنها الجيولوجيا




عاد ديروا بالكم  والله يكون بعونكم

انا كان قصدي انو شو كمان حاملة غير الميكانيك .. اذا بس حاملة ميكانيك بسيطة .. يعني بدك معك بس 9 مواد .. و اذا رفعتي 5 بتترفعي عالتانية .. مو متلي .. لازم رفع 8 لاطلع عالتانية


الكيميا بشكل عام كلا صعبة بس لاتخافي بتلحق

بس اول 5-6 ابحاث سهلين كتير


و حتى المسائل فيون قليلين و بيشبهوا نمط البكالوريا


بس من الفصل التاسع لل 12 صعبين و مهمين كتير كتير .. يعني ركزي عليون كتير


بس صحيح ... الفصل ال 13 محذوف ما؟؟

محمد انا كمان شفت اسئلة الدورات .. و حسيت انو الجيولوجيا مادة مضمونة .. و معدل عالي كمان


----------


يا جماعة  اللي عم ينزل على الجامعة يشوفلنا اذا طلع شي من علامات العملي ..

شكرا cuteyy       


أنا اليوم بلشت بالمواد البنائية وناوية قبل يوم الاتنين أني أخلص قسم د. طالب أما بالنسبة للقسم الأول فمصيره لقبل الفحص وشو بلحق بلحق وشو ما بيلحق بلاه بس لازم أضمن علامات مسائل هاد القسم


بس المشكلة أنو الأبحاث طوييييييييييييييييلة كتير وعم ياخدوا وقت كتييييييير 



أما بالنسبة للفصل 13 فأنت أدرى ، بس لح أتأكد من رفيقتي

أنا مبارح كنت بالجامعة ( كان عندي ميكانيك عملي إضافي ) وما كان نازل شي
بس بتوقع أنو لسى بكير ، أصلا الفصل الماضي ما بعرف إيمتى نزلو كل يلي عملتو أنو كل يوم يكون في عنا مادة شو علامتها وفوت


لا تشغلي بالك فيهم وبس لتجي على الجيولوجيا بتشوفي علاماتك 

انا خلصت 6 مواد لهلا ..

معلوماتية و فيزيا و كيميا و رياضيات 2 و جيولوجيا وتمثيل و رح خلص اليوم ان شاء الله المساحة


بس الاوتوكاد ماني عرفانة شو بدي اعمل فيه ؟؟؟ درست بس التمارين اللي عطانا ياهن باخر محاضرة ...


بعدين بالنسبة لعلامات العملي ...

مابدي انصدم متل ما صار فيني وقت الميكانيك

فتت و انا دارسة المادة و بدي رفعها لقيت علامتي 9 .. كيف مابعرف؟


ومن وقتها كرهت المادة ومارفعتا مع اني درستا مليون مرة و فهمانتا كتير منيح ..

  cuteyy       

بالنسبة لآخر بحث بالكيميا مو داخل ، كمان بتذكر أنو البحث يلي عطاه الدكتور غسان بالمحاضرة الإضافية( المحاليل وتوازن الأطوار )  حذف منو كم فقرة 



واالله حاسة أنو ما باقي بالكيميا إلا نحفظ هالجداول يلي بآخر الكتاب تبع الكتل الذرية و المصطلحات .......

كمان أنا لسا ما درستو

بس بعتقد إذا كنت فهمانة التمارين تبع آخر محاضرة منيح بكفي ، أصلا هنن كانوا شاملين لكل الأوامر




أما بالنسبة لعلامات العملي فإذا كان عندك وقت زايد تروحي فيه على الكلية لحتى تشوفي العلامات فياريت تشوفي علامتي بطريقك
أوشوفي شي حدا من رفقاتك عم ينزل على الكلية لأني وقت نزلت يوم الخميس فكرت حالي أني ما لح لاقي حدا من طلاب السنة الأولى وإذ بشوف في عدد منيح منهم وكلون جاين يتسلوا   


سلام

الكلية قريبة كتير على بيتي ..


بلكي الاتنينن ( يعني بكرا ) بنزل و بشوف اذا نزل شي


و بجيبلك علامتك بطريقي .. بس اديش رقمك الامتحاني؟؟