نداء إلى طلاب كلية التربية :
شوفوا يا طلاب أنتو يتعرفوا إنو كلية التربية عندا موقع على النت  طيب شي مرة دخلتوا  على الموقع وشفتوا شو في طيب أن لح جاوب دخلنا على الموقع وفي لمحة عن إنشاء الكلية وشوية معلومات عن المواد اللي بتتدرس بالكلية  ودائما نفس المعلومات كل ما تفوتوا بعني ما في تحديث ولا شي يعني برنامج الفحص ما بنزلوا عليه  ولا برنامج الدروس العملية والنظرية ولا حتى النتائج الأمتحانية إلا بعد ما تنزل بالكلية بشي شهر
يعني ليش عاملين هيدا الموقع مو منشان يفيدنا  إي بس نحنا ما عم نستفيد منو شي
ليهك بطلب من طلاب كلية التربية المطالبة بتحديث الموقع وتنزيل عليه كل البرامج سواء الامتحانية أو العادية
وكل المعلومات اللي بتفيد طلاب الكلية  أو حتى اللي بحبوا ياخدوا فكرة عن الكلية لأنو  الفروع تبع الكلية جداد وأغلب الناس ما عندا فكرة عن هي الكلية مع إنو الفروع كتيير مهمين  يعني بس يسألك واحد شو عم تتدرس وتقلوا إرشاد نفسي أو علم نفس بقولوا هي تبع المجانين مع إنو هل الفرعين من أرقى الفروع  وبس تقلن عم أرس تربية حديثة بقلولك ودخلكن شو بتدرسوا هي فيها  وبس تقلن معلم صف بيعرفوا إنك لح تطلع إستاذ أو معلمة بس ما بيعرفوا إنو تابع لكلية التربية
مشان هيك لازم نوضح صورتنا قدام الناس ونعرفن على حالنا هيدا الشي لازم يبلش أول الشي بالموقع الإلكتروني مشان هيك على كل طالب من طلاب كلية التربية أن يضع هذا الهدف نصب عينيه ولازم نوصل هيدا الشي للمسؤلين عن الموقع  بأي طريقة من الطرق

اخت  white angel



معك حق فالموقع لاجديد فيه               


وهوكما يقول المثل مجرد رفعة عتب



وهو مغلق  أي لايمكن التفاعل معه أبدا




لذلك  فلنسعى على إغناء ساحة كلية التربية عن طريق هذا المنتدى



ولنحاول التعريف بأقسام الكلية وفروعها بكل ما أوتينامن عزيمة




وأخص بالذكر الاعلان عن كل ماهو جديد في الكلية 


لعدم توافر هذة اللوحة في موقع الكلية أيضا



أشكر أهتمامك وحرصك على إفادة زملائك



ودمت تربوية نشيطة             

شكرا عبد الله إنشاء الله نحسن نغني الموقع مشان تحقيق الفائدة للجميع
ودمت بود مشرف لساحة كلية التربية

أخي beckham sh


شكرا لاهتمامك  وانشاء الله سوف نقوم بطرح كل مايخدم زملائنا



من محاضرات وأخبار تتعلق بالكلية



إظافة لطرح أي مشكلة عامة تخص الطلاب في الكلية جميعا



وإظافة لتبادل الخبرات التربوية بين أقسام كلية التربية



تحيتي للجميع

إنشاءالله هيدا الشي يصير لأنوشليفتلك ما حدا التكش بالموضوع  معقول ما في حدا من كلية التربية مشارك بهيدا الموقع  والله شايفتلك على هل الحالة كتيير لح نحسن الموقع يعني ( مكانك راوح )

فعلا موقع بدائي بكل معنى الكلمة

كنا نستفيد شوي وناخد بعض نتائج مواد
صحيح كانت المادة تنزل عالموقع بعد اسبوعين تلاتة من تاريخ صدورا
لكن كنا نقول ماشي الحال
تودايز
ماعاد في صفحة نتائج عالخالص
ولا شي من أكتر من اسبوعين
ليش ؟؟؟؟؟؟؟؟؟؟؟؟؟؟
بسيطة
السبب ماحدا لحدا يا حبيبي
ما حدا لحدا
يا أهل النخوة والحمية بدي نتائج مادتين من السنة التانية
تربية اجتماعية
علم نفس اجتماعي
هل من مجيب