أول شي بحب الك انو موضوعك كتير حلو و مميز
أنا بصراحة مريت بنفس هي التجربة يعني فقدت شخص كان من اغلى الاشخاص على قلبي كان صديق عمري و حياتي و حبيبي و اخي و كل شي بس للاسف القدر اخدو مني و عشت ايام و شهور ما بتمنى انو ترجع ابدا لانو كنت ضايعة و ما بعرف مين انا بس لأنو متل ما بقولو انو الحياة لازم تكمل و الدنيا بدها ضل ماشية حاولت كتير اني اتقبل هلفكرة و اني اتناسى مو انسى و اشغل حالي بحدا تاني يكون مكانو بس للاسف لقيت انو هادا الشي مستحيل لانو ما في شي بعوضك عن الخسارة و ما حدا بحل مكان حدا تاني هلاانا كملت حياتي و الحمد الله انا هلا مبسوطة بس انا هلا عم عيش عذاب اكتر لانو الشخص يلي حاولت انو يكون البديل مو حاسس في مشان هيك انا من راي انو الواحد اذا واجهتو هيك مشكلة ما يحاول ابدا انو يعوض شي بشي تاني لانو بتكون الخسارة اكبر بنفسية الشخص و يحاول يتأقلم مع المشكلة بشكل تاني
اسفة على الاطالة بس عن جد الموضوع كتير كتير حلو و انت عبرت/ي عن كل شي كان بقلبي و ما عم اقدر احكي
تقبل/ي مروري