مرحبا

انت وشخصيتك
اذا تريد ان تعرف من انت اقرأ الموضوع الفلاني ....
وكتير من هالمواضيع اللي عم نسمعها كتير

ان اللون المفضل يكشف شخصيتك ..
والفاكهة المفضلة
وطريقة الحوار

ان معقول هيك شغلات تكشف اسرار شخصيتك ؟؟


ياترى هل انت تهتم باختبارات الشخصية ؟؟؟؟؟؟؟؟؟؟
اذا كنت مهتم فهل تعلم مدى مصداقية هذه الاختبارات
اذا كنت غير مهتم ممكن نعرف السبب


بتمنى نسمع ارائكم اصدقائي

مع التحية
أحلى عالم

لا ما اظن انو هالاختبارات ممكن تكشف عن الشخصية ومستحيل من لون او الفاكهة او الخيال تعرفي شخصية الشخص
هالشي بدو تعامل ودراسة
اظن هلاختبارات قائمة ع مبدا الاحتمالات
انو مثلا ازا ئلنا الي بحب الاحمر هيك
وئرا الموضوع شي مية واحد
الا ما تزبط مع عشرة منن وهاد سبب عدم اهتمامي بهيك امور
الشخصية غامضة جدا ومو بسهولة ممكن نكتشفها

شكرا
تقبلي مروري
شكرا لموضوعك الجميل
معتصم

أحلى عالم
سؤال كتير  جميل ... أنا بصراحة كتير بهتم  بالاختبارات التي تكشف خفايا الشخصية
ما بعرف شو هو السبب بالظبط ... بس بعتقد ان كل انسان بيحب يكون على تواصل مع ذاته ويفهم نفسه و يعرف الصفات الجميلة اللي فيه حتى يحافظ عليها ... والصفات السيئة حتى يتجنبها ...
تقبلي مروري.... خيرات

بالنسبة الي هيك نوع من المواضيع بيستهويني

وبعتقد انو غالبا بكون في ارتباط  بالنفسية وتحليل نفسي لأي شي بسلوكنا
سواء نحنا كنا واعين لهالشي او لأ
يعني انا ليش بحب الالوان الغامقة مثلا دونا عن الفاتحة
والامثلة كتيرة
ولازم ما نتجاهل انو هيك نوع من الاختبارات غالبا بكون موضوع على ايد اخصائيين وباحثين مختصين


وبالنسبة الي الموضوع اولا واخيرا تسلية وتغير جو


مشكورة صديقتي احلى عالم عالموضوع

انا بعتبر هالمواضيع للتسلية فقط وبنسبة كبيرة
ولكن لاتخلو من المصداقية البسيطة
او انها مجرد صدفة....انو تظبط مع حدا مننا.......

وبضل فكرة حلوة

تحيتي

صديقي الانسان عبارة عن كتير شغلات
بس مواقفه هي اللي بتخلي هي الشغلات تكون مصدر سعادة او مصدر حزن للآخرين
بتمنى انو كل انسان يكون انسان جميل بمواقفه مع الناس لحتى يكون شي حلو بهالحياة
بتشكرك على هالفكرة الرائعة

أنا بحب أقرأ بهيك موضيع كتير لأنو بساويها كتير مع يلي
بعرفون
وغالباً بكون كلامي صح

هي مو فرضيات والكلام ما خلق بين يوم وليلة هذا جهود علماء نحنا ما بنطلع

شي بمستواهن العلمي

شكراً على طرح الموضوع

تقبل مروري

بالنسبة الي

بحس الاختبارات متل الابراج

يعني كيف بدي الك :

مثلا اذا عم نحكي عن الالوان
وبحطو بكل لون شي اربع خمس صفات انا بيطلعلي من كل لون صفتين صح

يعني متل وقت يقولو بالابراج برج العذراء بحب الحياة او رح يواجه مشاكل و  رح ينام
ورح يسافر في شي بيركز صدفة وفي شي اكيد رح يركز  وفي شي لا .

بس ما بننكر انو الاختبارات المدروسة علميا  و عمليا ولفترات طويلة بتعطي نتائج ولو
ما كانت دقيقة 100 % بس هي اقرب للواقع من غيرها من الاختبارات
المرتجلة او غير الدقيقة .


Thanks

mokay

اي طبعا فيها جزء كبير تسلية
ان مستحيل الانسان يمشي حياته على هيك اختبارات
شكرا لمرورك وابداء رأيك

lolo_h86

اكيد مواقف الانسان بتلعب دور كبير بتكوين شخصيته
بس انا صديقتك    انا صبية

شكرا لمرورك وابداء رأيك

m900_h900

كمان رأي مهم وهي الشغلات مو من وحي الخيال اكيد هيي انعملت وتجربت كتير قبل ما تصير بين ايدينا

بس كمان بحب نوه انو انا صبية 

شكرا لمرورك

EK law

انا بخالفك الرأي
لان بحس هالاختبارات الها علاقة بعقل اللاوعي او علم الفراسة اكتر من كونها ابراج وفلك
شكرا لمرورك وابداء الرأي