السلام عليكم ورحمة الله
عندي سؤال عن (امتحان العملي+الاسكيز) لمادة التصميم اذا مرتبطين بمشروع الطالب ولا مستقلين عنه وخاصة المنظووووووور

تحياتي

مشان الاسكيز وامتحان العملي هما اساسا شي واحد يعني امتحان العملي هو الاسكيز
المشروع بيكون عليه علامة قدرها بين 28و 30 والاسكيز بين 10 و8 علامات
على حسب استاذ العملي
الاسكيز مستقل عن مشروع الطالب بشكل خاص
بس هو عن المشروع بيشكل عام
يعني نفس الطلبات
مسقط معماري
واجهة محجرة
مقطع غير مار بالدرج
هدول اغلب شي بيجو بالاسكيز
ومشان المنظور مابتوقع يجيبو منظور بالتصميم لانو هيك شغلات شغل هندسة عمارة أكتر وخاصة انو نحنا ما منعرف نرسم منظور معماري


والمنظوري الايزوثيرمي مابيتدرس بالتصميم ,,,, لا تخاف من المناظير
الانسة ندى عمرها ما جابت منظور لا بالاسكيز ولا بالامتحان النهائي


تحياتي

ابو النور

أول الشي أهلا و سهلا فيك معنا يا TheDarkKnight

الاسكيز ( امتحان العملي ) بيكون عالشكل

الدكتورة ندى بتعطيك مسقط معين مع تقسيمات أولية بس بدون أبعاد

و بتطلب منك توزيع المسقط حسب مو طالبة كم غرفة و حمام و هيك شغلات

بعدين بتطلب مقطع غير مار بالدرج

و واجهة

و موقع عام

يعني اللوحات الي رسمتوها بالمشروع بس ما بظن تطلب منظور

بس عفكرة

شغلك بالاسكيز بيأثر كتير ععلامة المشروع
لأنو من خلال شغلك بالأسكيز بيعرفو اذا كنت تعبان عحالك بالمشروع ولا شغل أوتوكاد أو حدا رسم عنك مثلاً

مشان هيك الأسكيز مهم

و حاول اشتغل بايدك


و الله يوفقكم جميعاً

     

يعطيكن العافية شباب

انا عم ارسم ع الاتوكاد وماني مستعد ارسم بايدي شو ماكان الوضع وهي حرة ومستحل تكتشف اي شي
لانو الفكرة يمكن تيجي براسك بلحظة وحدة ويمكن تظل يومين تفكر وما يخطر ع بالك اي تقسيم
يعني انت وحظك

اذا كنت رايق يوم الفحص وجاي ع بالك تفكر ومبسوط
او  او يمكن يكون غير وضع

اقتباس

انا عم ارسم ع الاتوكاد وماني مستعد ارسم بايدي شو ماكان الوضع وهي حرة ومستحل تكتشف اي شي
لانو الفكرة يمكن تيجي براسك بلحظة وحدة ويمكن تظل يومين تفكر وما يخطر ع بالك اي تقسيم
يعني انت وحظك

اذا كنت رايق يوم الفحص وجاي ع بالك تفكر ومبسوط
او  او يمكن يكون غير وضع

تحياتي

لا تحاول تتفصحن على حالك " عذرا على الكلمة بس انت هيك عبتعمل"
يعني انا ماراح قلك لا ترسم على الاتوكاد
بس لازم تعرف وتتعود على مقياس الرسم قبل الامتحان والاسكيز
يعني في كتير شغلات ممكن تصير بديهية عندك وتصير في بينك وبين مثلثك شغلات بتفهمو فيها على بعض
منها مثلا
بالمتلت المنقلة بعد خطوط التقسيم "المسطرة" في خط شفاف
وهاد الخط بيبعد عن حفة المثلث نص سم ويلي هي كانت على حسب مقياس الرسم لمشروعنا أبعاد الجدران الخارجية للمبنى
أما الجدران الداخلية فهي سماكة تقسيمات الميلي بالمسطرة فاذا اتعودت تحط الخط بحيث تكون مماسة لهدول التقسيمات عند الحافة بترسم سماكة ميليين ونص
ويلي هو سماكة الجدار الداخلي كمان حسب مقاس الرسم عنا القديم
برجع وبقلك فكرة الرسم على الاتوكاد انا معها بس كمان لازم تمسك المثلث وتعود ايدك عليه ولا هيك سدقني ما بتفلح بالمادة وبتحملاها لا سمح الله
ومشان موضوع الفكرة والتقسيمات فبحب طمنك المشروع بيجي مقسم خالص
انت بس عليك انك ترسمو وتحطلو ابعاد وسماكات جدران
وسدقني مادة التصميم مو سهلة ومعظم علامات الطلاب بين 60 و65

اخوك ابو النور

ملحوظة مهمة كتير كتير

يعني مبارح كنت عمشوف المشاريع للطلاب يلي كانو بالمطالعة

بصراحة حسيت كل المشاريع (((( أقواس ودوائر ومثلثات ))))

يا جماعة الخير
لا حدا يتفلسف كتير
الفصل الجاية عندكم تصميم انشائي
يعني اعمدة ومحاور واساسات
وهيك شغلات بتهلكم الفصل الجاية
وفي كتير طلاب تفلسفو الفصل الاول وعادو كل المشروع الفصل التاني 

أخوكم ابو النور

أنا مشروعي كلو مستطيلات ومربعات ومع انو لسه المسقط الأفقي ما خلصتوا      

يا شباب اسمعوا كلامنا أنا و أبو النور نحن أدرى

و النصيحة كانت بجمل

     

اقتباس

أنا مشروعي كلو مستطيلات ومربعات ومع انو لسه المسقط الأفقي ما خلصتوا

خير ما عملت
ومشان المسقط ولا يهمك بتخلصوا

واذا بدك اي شي نحنا حاضرين هون وبالكلية