الله ................................ عالحريات الشخصية اللي عم تقتل البشر ....

والله انو أنا لسا عمري ؟؟ سنة وعم حس بديق نفس وأحيانا بس بدي دور على أوكسيجينة عم توحد ربها لأنو ما عد في مكان إلا وبتحسه محششة ....

يا جماعة بدكن تدخنوا .... دخنوا بس مو علأرض لأنو ماعد عم تتحمل القرف اللي عم تنفخوا بوش العالم ..........
أنا مو قصدي انو كون حدة بالكلام بس والله هالموضوع بدايق كتير لأنو معظم المدخنين (مو كلن) ما عندن احترام للآخرين أبدا .......... وإلا ما بدخنوا بكل مكان وبدون أي منع من حدا ...

يا جماعة المدخينن المحترمين ..... بدكن تدخنوا وتقتلوا حالكن علبطيء ... دخنوا ... بس نحنا (كل المجتمع الإنساني المخنوق من التلوث) محتاج لهوا نظيف ينقي في رئتينو ....

لو كنتو بتحبو العالم اللي عم تقعدوا معن أو بتريدو الخير للبشر.......ما بتقتلوهن بهالطريقة

مع العلم انو كتير عالم بعرفن بدخنوا ........ ولا تقلي ... إذا بدكن بحطلكون صورتن قبل وبعد 20-25 سنة وبتشوفو الشخص نص الميت هلأ و  اللي ما بيشبه حاله من قبل أبدا ................. وليش كل هاد ؟؟؟؟؟؟؟؟؟؟؟؟؟؟؟؟؟؟؟؟؟؟

قال فشة خلق .......قال    

بصراحة أنا مدخن

والتدخين بدمي

ورغم اني عم ادرس صيدلة وبعرف اضرار التدخين

بس العمر واحد ولكل أجل كتاب

ما بحق لحدا يهاجم حريتنا الشخصية أيا كان

تانيا 
يللي عم يقول انو نلاقي مكان تاني ندخن فيه غير الارض
عم يحكي وكانو الارض مكتويه باسم اللي خللفو

التدخين مسألة شخصية
وبس

شو مشان أنو المدخنين أكترهم قليلين ذوق
بيخنقونا بالرائحة
بعدين قليلين عقل
(باستثناء حالة المدمنين لأن ما بفكروا بهالشغلة)
أو جهلة
فالله يثبت علينا العقل والدين

يا أخونا صوص أبو موس العمر واحد و ما حدا بدو يعيش يوم زيادة أو ساعة عن عمرو المكتوب

بس مو ضروري تقضي آخر حياتك بسرطانات و أمراض خير الله

يعني في حدا بحب العبودية (طبعاً غير العبودية لله)

كل المدخنين بصيرو عبيد لشقفة ورق بحطوها بتمهم

و بتصير عندهم أهم من الأكل و الشرب

انا مو عبد الها
هي حرية
والمرض مكتوب من عند ربنا
والسيكارة أكتر رفيق مخلص بها الزمن
ياريت توقفوا هجومكن على المدخنين
وبس

أخي "صوص أبو موس" ....

والله حملتو كلمة حرية ومشيتو ........ وعم تدافعوا (جماعة المدخنين) عن التدخين والمدخنين وكأنو قضية الأمة  ....... وكأنو ماعد في أي هموم أو أشيا تانية ننشغل فيها وخصوصي انو نحنا الشباب  (عأساس) الجيل الصاعد اللي بدو يبني هالوطن ............

فكيف بدو يبني هالوطن ......إذا ما عد يشوف بعيونه وهو خرمان على شقفة سيكارة .....

يا ريت لو انو دافعتو على قضايا أهم وأعمق بكتير ... وتمسكتو بحرياتكن فيها متل ما عم تعملو بهالموضوع اللي ما بينحكا فيه ......

بكفي ........ عيب هالحكي ..... دخن واعمل اللي بدك ياه ...... نحنا بهالموضوع أكيد ما رح نذكر أمراض التدخين لأنو حافظينها عن ظهر قلب من اللي مكتوب علباكيت ......
وطبيعي يكون في رفض لهالوباء ..............................


وبعدين ... صيدلي وبدخن ..............    ....!!!!!!!!!!!!!

مابدنا حدا يبيعنا وطنيات ويزاود علينا ...........................................................
كتير من المخلصين لبلادهن كانو يدخنوا والامر مالو علاقة ببناء البلد.................
عبحكي هالحكي وكتير من الامثلة على هالشي موجودة
بيكفي مزاودات وحكي
وانا قلت اني صيدلي واي بدخن
ورجاء  بيكفي كلام بها الموضوع
وجعتولي راسي وخرمتوني على سيكارة

الى من نعت نفسه بصفته
كلمناك بلغة العقل فاريتنا من جهلك
فلا أملك لك إلا :

(((وإذا خاطبهم الجاهلون قالوا سلاما)))


محمد

مين عبتئصد بكلامك يا ــــــــــــــــــــــــــــــــــــــــــــــــــــــــــــــــــــــــــــ
اذا انا جاهل انت ماحبتكون  أحسن
يا .....
وبشوف لو بتبقا عجنب أحسن

أنا طرحت الموضوع للمناقشة وشكرن لكل مشاركاتكم ما طرحتو مشان الخناق
بليز نكون اكبر من هيك
وشكرن للجميع