موضوع جريء من شخص جريء
شكرا على طرحك للموضوع أبو الجود  

طبعا أنا مريت على الموضوع قبل هلأ
بس  الموضوع طويل وأنا قلت لازم أقرأووا منيح لأنو موضوع معاصر وجريء ونحنا بحاجة للنقتش فيه

فكرة حلوة أخي مجد أنو عندكم بالكويت الانتقال بالتدريج من الدين الى العلم

اعداد الطالب دينيا ثم علميا من الناحية الجنسية


الدنيا عم تتغير
وبالفعل أي شخص أيا كان عمره
يمكن أن يصل الى الخطأ بشتى وسائله مع انتشار وسائل الفتنة(فهذا ما يسعى الغرب الى نشره بيننا)

لذلك نحن بحاجة الى توعية الشباب المراهق
بالنسبة لدروس جهاز التكاثر  عنا كان مو متل ماقلت الدرس مقرر ويالله
بس كمان كان الاستاذ خجلان وهو عم يحكي بالموضوع وكأنو عم يحكي بالحرام


أنا برأيي ممكن يكون في مجموعة دروس موجهة للطلاب توعي الشاب بقدراته
و هنا يأتي دور المساجد في التربية ودور الآباء

والآباء بيلعبوا دور في التربية الجنسية
يعني الأم مع بنتها والأب مع أبنو
طبعا مو كل الآباء بيكونوا على تواصل مع أبنائهم للأسف

أما أن يتعرف الشاب على قدرات الطرف الآخر فهذه النقطة أتوقع أننا بحاجة للوقوف عندها
والأفضل لهذا الشاب بدلا من التعرف على قدرات الطرف الآخر أن يلجأ الى أمور أخرى أفضل
ولكن اذا كان بحاجة ماسة لمعرفة هذا الموضوع
فهذا يعني أنه من الأفضل له الزواج

تقبل مروري

السلام عليكم

بدي قلك أخي انك انت فهمتني اني شخص متحجر وخجول وغبي يمكن بس بدي قلك انو انا وكل رفاقي المثقفين وغير المثقفين بنعرف عن الثقافة الجنسية بس مو والدينا هن الي ثقفونا لا أبدا ومالنا جهال بهيك مواضيع وانا مستعد فاتح البنت قبل الشب بهيك مواضيع انا ما بخجل من هيك مواضيع بس ما في داعي للقول الي قلته انو صار عندك فكرة انو نحن قليلين دين وعلم بسوريا بالعكس نحن على قدر كاف من المعرف على كافة الصعد والحمد لله

بدي قلك انو  نترك هي الثقافة للمدرسة والمدرس هن أعلم بهل الموضوع ويمكن ما ينحرجوا متل ما رح ينحرج الوالد أو الوالدة بالحديث بهيك موضوع مع أولادهن
حتى انو المدرس لديانة لما كان يعطينا هيك دروس ومشان ما ينحرج هو أو الطالب كان يقلنا كل طالب يكتب السؤال الي ببالو على ورقة ونجمع الأوراق ونعطيه اياها وهو بدوره يجاوب على كل سؤال  وبدون ذكر اسم الطالب كي لا ينحرج
وفعلا كان لله الفضل ثم لهذا المدرس الذي علمنا الكثير ودون خجل
هكذا تعلمت انا وباقي أصدقائي ولكن أريد أن أسأل كل واحد منكم وخصوصا أنت
هل علمك والداك هذه الثقافة حتى أنك تريد تعليم أطفالك اياها؟؟؟؟؟؟
وهل انت قادر على مفاتحة طفلك بهيك موضوع
وانا ثابت عند موقفي انو لا تقوموا بالحديث مع أطفالكم بهيك موضوع لأنو
أولا الولد بتم ولد ولو عمر بلد
ثانيا كما ذكرت هناك أشخاص أكفىء من الوالدين برأيي وهم المعلمون
ثالثا ما بتوقع  انو يصير الحكي بهيك موضوع بشكل واسع بين الوالدين والأولاد وإن اصبح عاديا فإنه خطأ فجب أن يبقى الوالدين والدين يعني ما يصبحوا أصدقاء مع أولادهم لأنو يمكن أن يقل الإحترام عندما يكتر الحكي بهيك مواضيع

بدي قول شغلة انا من أول قراءة للموضوع حسيتو مستمد من فكر الغرب لأنو في الفترة الأخيرة صرت شوف كل الناس الشباب والصبايا عم بتشبهوا بالغرب بكل شي
انا مثلا بأخذ بكلام والدي وجدي قبل كل الناس وهلق بيجي حدا وبيرد علي وبيقول انو صاروا دقة قديمة وانو هن متحجرين ومتخلفين لا بالعكس لو كانو على خطأ لما كانو حافظوا على شرفهن وكرامتهن وهيبتهن طوال هل المدة , لك يلي مالو قديم مالو جديد

والغرب يدفع الملايين من الدولارات لنشر ما يسمونه الديمقراطية وهو بفكرهم أن يلبس الرجل زوجته بنطال أو تنورة قصيرة و
أن يترك الشاب زوجته أو اخته أو ابنته حرية التصرف بكل شيىء كل الخروج والرجوع متى يشاؤن وفعل ما يشاؤن وهم يريدون ان يقضوا على الإسلام بأي ثمن ولكن لم ولن بستطيعوا انشاء الله ويريدون أن يقنعوا النساء بأنهم لا يختلفون شيئا عن الرجال وينشرون قنوات الدعارة
وأذكر مقولة لأحد اليهود الكلاب : كأس خمر وامراة عارية تفعل بالأمة الأسلامية ما لا يستطيع فعله ألف مدفع

وانا لم أكن اتصور هذا الرد على مشاركتي فنحن لسنا من العصر الحجري ولا نتصور ان هناك شخص مثقف وجاهل بنفس الوقت فأنا عمري 21 سنة ويمكن انك تكبرني ولكن اراهنك واراهن كل شخص أنني أعرف أكثر من شخص يبلغ الثلاثين من عمره فقد قست علي الحياة وعلمتني الكثير

وشكرا
ضياء الدين

السلام عليكم

بالداية ترردت بالمشاركة بالموضوع بسبب قله عدد البنات المشاركين يعني بما اني ما بحب كون مبادرة ابدا بس بعدين قلت لحالي يسطفلو مو زنبي ازا البنات هون جبنا


رايي رح حطو بناء عن تجربة

وبالتحديد بترجع لليوم يلي اخدنا في درس التكاثر الجنسي عند الانسان

لانو وقتها استازنا كان عكس ما بتحكي تماما يعني حضرتو  توسع بالشرح لدرجة مو طبيعية وبلش يقلنا انو نحنا بالبلد متخلفين من ناحية الامور الجنسية وانو هوا بدو البنت تطلع من الدرس تقدر تروح تتجوز دغري
صراحة صار يحكي حكي بخدش حياء البنت كتير وكل حكيو كان بامور اجتماعية( يعني بتسمعو من فلان وبجوز مرة سمعتو بهالشي وهيك ) ابتعد عن شرح الموضوع من ناحية علمية ابتعاد تام
مو بس هيك صار يقلنا معلومات الكتاب بتحفظوها للفحص وبس وانسوها بعدين لانو كلها ما بتفيد
وازا شاف اي بنت منزلة راسها او وجها محمر كان يبهدلها وطبعا ما خلا ولا وحدة تطلع من الدرس

حتى انو كان في بنهاية الدرس فقرة عن موانع الحمل راح هالاستاز شو عمل قلنا كل الكلام يلي هون مالو طعمة و خلى كل بنت فينا تطلع ورقة وقلم اجباري ونقلنا طريقة (تضمن عدم حدوث حمل اثناء الجماع بين الزوجين)
وطبعا هالكلام كان اول مرة بحاتنا نسمع فيه حتى  من كتر ما استغربت المعلومات ارجيت الورقة لرفقاتي المتجوزين وكل وحدة منهن فتحت تمها هيك وال اول مرة يسمعو هيك كلام

يعني هالدرس العظيم يلي اخدناه انا واثقة انو خلا اكتر من بنت تتجه لفتح المواقع الاباحية وهي بحياتها ما كانت تفكر بهالشي

لانو الانسان بطبيعتو ما بيقدر يسمع او يعرف شي ما يفهمو بدو يحاول يفهم من وين ما كان


يعني ببساطة انا ضد هالموضوع لانو المساوئ فيه اكتر من المنافع بكتير

انا معك بانو تربية الولاد بهيك امور لازم تكون على اساس علمي وديني مو تربية شوارع بس نحنا ما فينا نضمن انو هالشي يتم بالمدرسة بطريقة صحيحة

المدرسة بتحوي اشكال الوان ولو نتفتح هيك موضوع قدام الطلاب رح يخليهن يحكو ويحكو ويعلقو وما عاد يسكتو طيب فيك تقلي شو زنب الطفل المؤدب انو يسمع حكي وتعليقات الطفل قليل الادب وتتفسد اخلاقو يعني بالنهاية ما بصير يروح بين الرجلين لانو نحنا حبينا نصحح معلومات واحد اخد معلوماتو بطريقة غلط
وهداك التاني ما بكفيه المعلومات يلي سمعها من هون وهون لحتى نيجي نعطيه كمان

وبدك كمان تضمن وجود مدرس محترم واعي يوصل الصورة بطريقة صح

وبعدين ليش اكتر الاراء بتقول انو الاهل رح يخجلو يحكو هيك مع ولادهم وانو المدرسين رح يكون عندهم وعي اكبر وطريقه افضل

مين قال هيك هالشي لو نوجد هلا ما لازم ينوجد بعدين

يعني نحنا رح نكون الاهل بالمستقبل وبعتقد انو نحنا على درجة ثقافة ووعي تسمحلنا نحكي بهيك امور وبجوز احسن من المدرس كمان

ايام المدرس مربي الاجيال راحت للاسف
بجوز كانت وقت ما كان المدرس هوا الوحيد يلي معو شهادة والاهل مو متعلمين بس هلا اغلب المدرسين ما بيعرفو يحكو كلمتين على بعض

باختصار ( وبعد كل هاللعي ) بالنسبة الي زيادة الثقافة الجنسية عند الطفل لازم تتم عن طريق البيت اولا واخيرا
يعني انا لازم شوف ولادي مع مين عم بروحو ومع مين عم يجو وابعدهم قد ما بقدر عن الشارع ولازم اقدر جاوب على اسئلتهم بطريقة بسيطة تشبع حبهم للمعرفة والاستفسار وتكون متناسبة مع عمرهم

هيك اضمن لانو متل ما قلت ما بضمن شو عم يصير بالمدرسة

اما من ناحية المناهج عنا فانا بعتقد انو الشي الوحيد يلي ناقصها انو المدرسين يعطوها بضمير
ويشرحو كل الكلام الموجود بدون زيادة او نقص ويكونو على استعداد للاجابة عن الاسئلة لانو هي متناسبة الى حد ما مع ثقافتنا ودينا يعني بجوز بدها شوية اضافات وتطوير وزيادة بالمعلمومات بس مو بصورة كبيرة  لانو نحنا بالنهاية مو متل الغرب هما كل شي عندهم مباح وما في سقف ابدا لهي الامور ونحنا ما فينا نعمل متلهم بهيك امور


بتمنى تكون وصتك فكرتي انا بعرف انو قصدك من طرح الموضوع الارتقاء بمستوى الثقافة عنا بس يلي بدي قلك اياه انو نحنا غرقانين بالجهل بكل الامور مو بس بهاد الموضوع يعني هالشي طبيعي علينا

بالنهاية انا مع طرح هيك مناهج ومواضيع بالمدارس بحالة وحدة بس
ازا تطبق شعارك المدني تبع ( تدمير العالم ثم اعادة بناؤه )
يعني لازم اول شي نهدم ونهد كل الجهل والتخلف وتربية الشوارع ( عند الاطفال والاهل والمدرسين ) قبل ما نفكر نطرح الموضوع يعني فيك تقول بعد شي 100 سنة ( هي مع تفاؤل مو تقلي متشائمة )



تحياتي مجد

السلام عليكم

والله الموضوع كتير مهم ومن الضروري جدا أنو نحكي فيه

وقبل ما أعطي رأيي لازم اتشكرك بحرارة  عالطرح الراقي والمحترم وحيي كل يلي شارك بوعي واضح ونضج بيخليني  اطّمن انو نحنا فعلا جيل مثقف مو متل ما عم يشوه صورتنا بعض الجهال وعديمي المسؤولية بالجامعات خلف الكواليس

هل أنت مع اضافة مادة الثقافة الجنسية للمدارس

بداية انا مع طرح موضوع الثقافة الجنسية بالمدارس بس مو قبل ما نصلح بعض الأمور

وكي أكون عملية وواقعية سأتحدث بالآليات والتطبيق الحاصل بمدارسنا

بحكم عملي كمدرّسة فأنا على احتكاك مع الأطفال من سن السادسة حتى الخامسة عشر وعلى علم بما يجري بمدارسنا بالتفصيل وهذا ما شجعني على المشاركة أكثر

عندما نقول تعليم الطفل وتوضيح أمور بقيت مخبأة لزمن طويل فنحن أمام منهج تعليمي  متكامل  سيطبّق على مناهجنا السورية فهل نحن كمجتمع سوري من الشمال للجنوب مستعدّون لتقبل الفكرة؟

لا أعتقد ذلك مناسبا الآن , الأمر أولا بحاجة لحضارة اجتماعية وفكرية وترميم لأفكار الناس إن لم نقل إعادة صياغة لأنني أتفق مع المشاركين أن الأب والأم هما مصدر الثقة فلنبدأ بتوعيتهم أولاً وإعطائهم الأفكار والطرق الصحيحة لمناقشة هكذا أمور كما فعل والد أحد المشاركين ـ أطال الله عمره ـ من خلال برامج توعية مختصة وهذه بحاجة لموضوع آخر يخص إعلامنا المحلي والعربي
وبعد ذلك نبدأ تدريجيا بالتمهيد للموضوع بالمراكز الدينية والثقافية وربما بمجالس الحي ...... بأي تجمع كان يضم الأهل فقط وبالوقت ذاته

يتم التنسيق مع المرشد النفسي والمدرس المختص في المدارس كي لانترك مجالا للأفكار السوداء أو السلبية أو الفهم الخاطئ لتتسرب لعقول أطفالنا
شعبنا بصراحة لم يتخلص بعد من عقدة الجنس والموضوع بازدياد وليس السبب برأيي الكبت أو فصل الجنسين في المدارس  الأمر يكمن في التربية السليمة , فليس بخاف على أحد ما نسمع من كلمات بذيئة ومخجلة من أطفالنا قبل شبابنا عدا ( التلطيش ) ولا تستغربوا ان سمعتم مصطلحات جديدة فاطفالنا مبتكرون ومحدثون لهذا الفن ( كما سماه احد اصدقائنا في المنتدى )
والمفاجئ الذي أراه أنهم يسخرون من التلميذ المهذب ويصفونه ( بالأجدب ) اذا لم يتحدث مثلهم   

النقطة الثانية : اقتراحات للتدريس

منذ أن تم تعديل مناهج التعليم الأساسي الحلقة الأولى والثانية ودخلت على مادة العلوم للصف السادس  معلومات حول جهاز التكاثر عند الإنسان لقي هذا الموضوع  صخباً كبيراً في فئة غالبة من الهيئة التعليمية فالأكثرية عارضت وطالبت وزير التربية بتغيير المناهج وعجزت كوادرنا التدريسية عن إيصال المعلومة بشكلها الصحيح  اما خجلا او عن قلة خبرة اوعن جهل
والمطلوب هنا تهيئة مدرسين ومدرسات
  من حملة دبلوم التاهيل التربوي لهذا الاختصاص بالذات لتدريس مادة العلوم والتربية الدينية فالحل عندهما بالتكامل
وقبل هذا كله على مناهجنا كافة أن تؤخذ وترمى بأعمق جرف ويؤتى بغيرها مع نخبة من المعلمين المهتمين بعملهم
( يعني أحسن ما يقضو منهاج التامن تبع العلوم عن الصرصور وأعضاؤه ويفتحوا باب الحديث عن الإنسان بالسادس يطلعو السلم درجة درجة ويعدلو بين الاتنين )
( بعدين الناس وصلت للقمر والمريخ وغزت التكنولوجيا العالم ونحنا لسه بنكتب بالطبشور وبنحكي عن الذرة وتركيبا
الذرة هاه مو النواة ) فأين نريد وضع أمر حساس كهذا بين مناهج بالية كتلك ؟؟؟؟؟؟؟؟؟؟؟؟



السن المناسبة لتقديم هكذا مواضيع للطلاب؟؟

بعد تهيئة الجو السليم في المنزل والحوار الحضاري وبالتدريج في الصفوف الدراسية ( يعني في مختصين بيعرفو شغلون وقت نوصل لهالمرحلة )


هل مجتمعنا بشكل عام...كأطفال وأولياء أمور مستعد لتقبل هكذا موضوع؟؟

تحدثت عن المجتمع أما أولياء الأمور فقد
بات هذا الحديث شغلنا الشاغل في معظم الاجتماعات معهم  ولن تتخيلوا حجم الرفض الذي بدر من الأهل ووصل لدرجة منعوا فيها بناتهم من الذهاب للمدرسة  ونحن في مرحلة تعليم إلزامي يعاقب به الوالد بالحبس إن امتنع عن تعليم أولاده ومع هذا فضّل هذا الوالد السجن على العلم خوفا على حد قوله من قلة الأدب :
)  نحنا بدنا ولادنا يعرفو يقروا ويكتبوا مو نعلمون العلاك الفاضي والمسخرة هادا اللي كان ناقص والله ,, لا بلا المدرسة من اصلا)

فما رأيك بهذه الأسرة ومنها الكثير (( هون الجهل على اصولو )) وطبعا انا ما عم درّس بمناطق نائية انا اتحدث عن قلب دمشق
مع ان المدير أقنع الوالد بان الأمر بسيط ولا حياء في الدين طالما نحن في معرض عموميات نمهد فيها لعلاقات سوية بين الجنسين
لكنه ظل متشبثا برايه رافضا التعاون بشكل مطلق
وان لم نرد ان نسميه جهلا فهو من وجهة نظره خوف مبرر ردا على ما يشاهده ويسمعه من الناس والتلفاز

ووالد طالب آخر قرر الغاء القمر الصناعي ( يعني فك الديجيتال من البيت) بعد حادثة حصلت بين ولده وزميله


الموضوع باختصار موضوع حضارة فبعد أن نتخلص من جهلنا وعاداتنا القديمة المعقدة سنتمكن حينها من فتح هكذا موضوع بثقة أكبر

وماحدا يفهم من كلامي اني مع الانفتاح الغربي بس هادا واقع عم شوفو كل يوم ولازم نلاقي حل سليم واخلاقي بين ايدينا قبل ما يروحو اطفالنا لمصادر الله اعلم شو هية

يمكن طولت الرد ومللت يلي عم يقرا بس هي ضريبة النقاش عالنت  الواحد بيحكي اللي عندو دفعة وحدة . فاعذروني للإطالة وأتمنى أن تصل وجهة نظري وتحقق الفائدة

بشكرك كمان مرة وبشجعك على جرأتك المطلوبة  واحترامك لكل الردود ومناقشتا بدقة وانا متابعة معك

لك تحيتي واحترامي

اعذروني

أبو الحكم
ميمي
لوليتا

انا في عجلة من امري قرأت ردودكم بسرعة بعض الشيء

ميمي بشكرك على جرأتك.....وانتظري ردي

لوليتا....بدنا اساتذة متلك...وانتظري ردي

ابو الحكم...يا زلمة لك ليش هيك معصب مني الله يسامحك والله انا ما قصدت ولا شي من اللي انت فهمتو على كل...بتمنى تنتظر ردي وان شاء الله ما في بيناتنا غير التفاهم....يا رجل على شوي حتتهمني باني عميل للغرب



اعذروني مرة اخرى ولكن الانترنت حاليا غير  متوفر لدي(يعني يومين او 3 ان شاء الله وبرجعلكن)

اعذروني لم اوفكم حقكم ولكني بينت عذري


مجد

وأخيرا يأتي شخص لا يخاف من الأقاويل ليطرح الموضوع...
شكرا Dragonلأنك من القلة وهذا الموضوع موجود شئنا أم أبينا وبرأيي أعتقد أن واجب الأهل والمدرسة أن يعلموا اليافعين ويوعونهم على الثقافة الجنسية الصحيحة وعندما لا يحدث ذلك غالبا تتسلل المعلومات الخاطئة  الى أذهان الناشئة من الرفاق والصحبة  والمجلات والNET...
أكرر تقديري لجرأتك وتقبل مروري

يا عيب الشوم شو هاالاباحه ما بيصير نحكي عن هيك شغلات
هههههههههههههههههههه عم بمزح والله

اهلا بيكم شباب
وبالنسبه لموضوعك دراجون كتير جرىء بس والله ما لقيت فيه ولا غلط
وانا بقترح تدريس هذا الموضوع عن طريق عمل سلسله من الندوات في المرحلة الجامعية بالجامعات
فهذا السن هو السن المناسب لتقبل مثل هذه المعلومات
لك مني كل الورود          واتمني منك تقبل مروري

من اختك المصرية
ميويا

اكيد انا مع شرح للثقافه الجنسيه ووضعها بكتاب مدرسي بس في سن يكون فيه الطلاب بمرحلة الوعي وقبل هذا وذاك يجب اختار مدرسين ذو ثقافه عاليه ورفيعه المستوى لتدريس الثقافه الجنسيه