كنت دائما احلم بأن ادرس اللغة الانكليزية في الجامعة وقد تحقق الحلم  شكرا للتعليم المفتوح

بعتذر على هالرد المتأخر بس أنا عضو جديد ولفت أنتباهي عنوان الموضوع

الفرق من الناحية العلمية معدوم

ووضع الشخص بيلعب دور كبير بهالمجال

يعني في طالب نجح شحط وسجل ترجمة على سبيل المثال ونجح وكمل حياتو

وكمان في شخص جاب علامات عالية بالباكالوريا وسجل تعليم مفتوح لأنو وضعوا المادي ما بيسمح

وبعدين بعد المعدلات يلي رح توصل للسما رح تنقلب الأية يعني رح يصير التعليم النظامي يفوتو يلي ناجح شحط
والتعليم المفتوح رح يتدرجوا برفع شروط التسجيل فيه يعني المعدلات

(عم أمزح بس المهم تكونوا فهمتوا افكرة)

وهلا الشرط الحالي أنو لازم الواحد يكون جايب خمسين بالمية بالباكالوريا


أسف على كل هالحكي

بس أنا من الناس يلي سجلو بالتعليم الموازي( معهد)

ويلي شهادتوا دبلوم تقني

وتركت التعليم المفتوح يلي شهادتوا إجازة جامعية

الزميلm900-h900

ما بعرف اذا بتقبل ناديلك زميل لاني طالبة تعليم مفتوح
لو اطلعت على الكتب لعرفت انك مكون فكرة غلط عن التعليم المفتوح
بعدين يا صديقي مو طالبين 50بلمية من المجموع العام ولو بتتطلع على المفاضلة بتعرف هلشي
انت حر باختيار دراستك بس ما تحكم غلط علتعليم المفتوح

انا من جهتي التعليم المفتوح هوة خطوة كتير حلوة وصحيحة
لانها بتسمح للطلاب وخصوصا ذوي العلامات المتدنية بالبقاء ضمن مجال الدراسة
مع انو ما في جميع الفروع بس لحد الان الموجود بضن انمو بكفي

وهيك بتكتر نسبة خريجي الجامعات

وانا بشوف انو التعليم المفتوح متلو متل التعليم العادي لا والعادي بحسو فيو حكي زياده يعني نحنا عمندرس اختصاص الترجمه مثلا ما مناخد الا كل شي مفيد وشي منعتازو بينما ييلي بيدرس بلعادي بدو يخلص 4 سنين بعدين يختص
وبصراحه انا من اشد المؤيدين للتعليم المفتوح وانبسطت اكتر وقت حطولو مفاضله...
good luck ll kl  

كان حلمي ان ادرس اللغة الانكليزية في الجامعة وقد حقق التعليم المفتوح هذالحلم فشكرا جزيلا لمن اتاح لي هذه الفرصة

أول شي شكراً كتير على هيك موضوع ... أنا وراح احكي عن حالي .. أنا تخرجت من المعهد التقاني الهندسي السنة هي و بمعدل جيد نسبياً بس هاد الشي ما لبى طموحي الكبير لهيك قررت سجل بالتعليم المفتوح .. صحيح ما راح يكون فيه متابعة لدراستي بمجال الهندسة بس راح يكون فيه تحقيق ولو جزء من حلمي بمتابعة الدراسة بمختلف المجالات ، يمكن يكون تفكيري غلط ويمكن يكون صح .. ما بعرف .. المهم إني عم اقدر انجح واستمر واثبت وجودي كطالبة منتجة وناجحة بمجال دراستي وعملي مستقبلاً .. لهيك اعتبار إنو التعليم المفتوح سيء أو إنو طلابه حرف ناقص متل ما قال البعض هاد كلام مرفوض مية بالمية ...
بتمنى ما كون طولت عليكن كتير بس الموضوع جيد يستحق النقاش و الحديث ..
شكراً لكم

شكرا اعزائي الطلبة ع الردود بس بقول كل واحد او وحدة  بتبين اصالتو وحبو لابناء بلدو من ردو  .. على كل الاحوال انا طالبة تعليم مفتوح وبدرس ترجمة وبدي اشكر  halafin  كتيييييييير لانو كلامها بدل على حكمتها وانها بجد بتستاهل لقب محامية قديرة ... وبما اني تعليم مفتوح بقلكن وبصراحة انا حضرت  بعض محاضرات التعليم النظامي ولاقيت قديش الفرق باتعب والجهد لانو طالب التعليم المفتوح بضلو بيشتغل طول الاسبوع تحتى يلاقي المعلومات الصحيحة القوية الي بتدعمو بدراستو هاد الحكي مو من حالي بس انا بعيش في وكتييييييرين غيري ... المهم انا سنة رابعة والله بيعلم كيف وصلت لانو من لما ببلش الدوام منبلش شغل ودراسة من محاضرة لمحاضرة ومن مدرج لمدرج وهاد غير المحاضرات الاضافية الي منحضرها تنقوي حالنا ونستفيد ولازم انو نكون بلمقاعد الاولى طبعا تحتى تكون الاستفادة اكبر ... ومع ها شي ما منحصل العلامات الي لازم نستحقها ... على كل الحمدلله بس بدي ضيف انو ما في داعي من طلاب التعليم النظامي انهن يجرحونا لها درجة لانو بجد عانينا كتير كتير وسمعنا كتير كتير بس ما ردينا على حدى ودافعنا عن حالنا وحتي اثبتنا جدارتنا لانو التعليم المفتوح سنة عن سنة عم يرتقي للافضل والاحسن وبتمنى من طلاب التعليم النظامي يقدروا ظروفنا ومعاناتنا لانو بنظرنا نحنا منحترم كل الطلاب والي ما بصدق يجرب يحضر مع طلاب التعليم المفتوح ولو محاضرة وحدة تحتى يشوف ظرافتهن  ولطافتهن وشكرا.............ز ارجو تقبل مروري

زميل العزيز النظرة للتعليم المفتوح :
هي دونية من قبل المجتمع و الشاطر بقلك باستهزاء بمصاري ؟؟؟؟!!!!!!!!

إي بمصاري سيدي و الكتب نفس الحكومي تماما و الدكاترة الموقرين نفسهن
و النجاح مو سهل أبداً و ما عم تنجح المادة إلا بدراسة دقيقة جداً و اللي مو مسدق يتفضل يدوق
كأني هالعالم مفكرة الطريق عنا مفروش بالورد و بهال 3000 عم نشتري الدكتور
لا القصة مو هيك أبداً
كل شي جديد عنا مستنكر و مستغرب بس بكرة الأيام رح تثبت العكس
و الدولة معترفة ضمناً بنجاح التجربة و الدليل الأكبر هو التوسع بالبرامج و استحداث الفروع الجديدة في كل الجامعات

لك يسلم تمك يا رب يا استاذ ِ Ali_ law لازم كلنا نطلع تحتى ندافع عن حقنا اي والله