يا اهلا و سهلا فيك بائع منور يا غالي

1.لكل انسان من اسمه نصيب فما هو نصيبك من اسمك
نصيبي انو كل مرة واحد بشوفني بيذكر الصحابي عبادة بن الصامت فاتح الأسكندرية انا كنت ما بحكي كتير بالمدرسة مشان هيك كان كل استاذ يقلي عبادة بن الصامت يعني انا ما فهمت كتير السؤال مشان هيك جاوبته هيك

و انا نصيبي الحمد لله منيح من اسمي يعني بحس انو اسم حلو و قليل


2.غير الدنيا بسطر واحد
غيرها بسطر صراحة بخلي سوريا القوة العظمى و بعطيها قنابل نووية و بخلي امريكا و السعودية و اسرائيل افقر واضعف الدول

3. اعطي المنتدى نصيحة العمر
نصيحتي اللمنتدى الأبعاد عن كل شيء غربي يعني بنصحه انو نحنا ما ناخد من الغرب الشغلات الخطأو والحرام بالعكس انا برأي انو نشوف شو صفات الغرب الجيدة مثلا في العلم و نصير نتبعها

4.ماذا يعني لك كل من
ابوك امك اخوتك صديق وصديقة بائع الكبريت سالي جورجينا و ندى وفلسطينية يوسف

وأعضاء تحب ان تذكرهم
ابي : انسان تعب مشان اصل لهي المرحلة يلي انا فيها و الله يطولي بعمره مشان يشوفني ناجح و يشوف احفادة اذا الله راد و انا كتير فرحان انو عندي اب عطوف متله و بحبنا و تعب من شان يجبلنا لقمة العيش و يخلينا على ما نحن عليه

امي: هي بالنسبة الي يلي الرسول ذكرها و قال انو نعتني فيها و هي حملتني تسعة اشهر و تعبت بتربيتي و تربية اخواتي و هي كمان يلي تعبت بشغلها مشان تساعد ابي و مشان اي شي بدنا ياه نلاقيه موجود و

اخوتي : هم يلي بحبهم كتير و بخاف عليهم و اي شي بدهم ياه مني بساويلهم ياه

بائع كبريت: اخي و صديقي و يلي بحبه من كل قلبي و بحترمه على ارائه الفذة و اي شيببيطلبو مني انا على عيوني و راسي و بفديه بدمي و اذا بدو نتقابل انا بقبل

سالي: صديقتي الحنونة و الحبابة  يلي بعتبرها متل اختي و صديقتي يلي بحيبها و بحترمها و بحطها بعيوني  و اي حدا بزعلها يا ويلو    و هي نسانة رائعو شخصيتها كتير حلوة و قلبها ابيض
و كتير مهضومة و خفيفة الدم و سالي اذا طلبت اي شي الدنيا بجبلها ياها
جورجينا : اول صديقة الي هون بالمنتدى و من اول ما دخلت ساندتني و ساعدتني بكتير شغلات و انا كتير بحبها و بحترمها و بعتبرها اختي الصغيرة يلي بحميها بكل ما اتيت من قوة بأيو اي واحد بيأزيها ما بيطلع سالم و هي كتير قريبة مني بكل شيء    خفيفة الدم حبابة مهضومة صريحة

ندى الشام : قلبها طيب و ابيض انسانة رائعة بكل معنى الكلمة طفلة من الداخل و الخارج بتحب كونانو هي اهم شي  قريبة على قلبي و ما بقدر زعلها بشي صحي بغيظها بس بكون عم امزح معها مهضومة و كتير عفوية و بتحب الكب و اي شي بتطلبه مني على عيني و راسي و هي كتير مهضومة بكل شي فيها


فلسطينية: انسانة رائعة بكل معنى الكلمة مواضيعها في غاية الروعة و و هي انسانة حبابة و بعتبرها صديقتي و اختي و كتير هي عطوفة و حبابة  خفيفة الدم و مزوحة

روزراي بتر فلاي : اول ما دخلت و مواضيعها غاية في الروعة و توب و هي انسانة مرحة و كتير شخصيتها حلوة قوية عصبية بس بتحب الخير للكل و انا كتير بحترمها لأنها انسانة واعية و مثقفة
و اي شي بتطلبه من عيوني


ميمي الأمورة : زكية و طيوبة بتحب الخير للكل و هي صديقتي و اختي يلي بحمبيها بدمي اذا طلبت خفيق=فة الدم و كتير مهضومة ما بتسكت على شي غلط و دائما صريحة

اسيرة: انسانة عطوفة و حبابة يلي مرت فيه مو قليل و هي كتير طريفة و مهضومة بس بتتأثر بسرعة و بتعصب بس اجمالا انسانة كتير حبابة و بتحب الخير للكل

حفتوش الحمش :انسان محترم و رائع بأراءه الحلوة و خفيف الدم و من اول ما دخل فرض احترام و انا كتير بحترمه و بحبه كصديق و اخ و بتمناله الخير و اي شي بيطلبه على عيني و راسي و بحطه على راسي م و بتمنى انو يكون بفكر نفس الشي بتجاهي

بس عموما كل صديق او صديق لألي والله بفديهم بروحي اذا طلبو و كل شي بدهم ياه على عيني و راسي

5.صف نفسك ؟
طيب القلب-و لطيف بحب الخير لكل اصدقائي-قوي العزيمة اذا اصررت على شي ما بتركه لخلصه - عصبي بس بروق بسرعة - خفيف الدم-مرات بكون سلبي و مرات ايجابي يعني مرات اذا اجاني مصايب فوق راسي بتجيني روح سلبية بس بضل بقاوم و بقاوم اكتر لما يكونو حبابي قدامي و عم بساعدوني -حلو-هههههههههههههههههههههههههههههههههههههه ( مداح نفسه)

6.ما الشيء الذي تفكر به الان الان بكل صراحة
عم فكر انو  بكرا اخر يوم    هههههههههههههههههههههههههههههههههههههههههههههههههههههههههههه

7. اكتر هم حابب تفضفضه لنا
همي الوحيد اني بفكر بالمستقبل كتير بخاف كون غير ناجح 


شكرا صديقي و اخي يزن على الأسئلة الحلوة و انا ابدا ما بسب اصدقائي لأني كتير بحبهم و بحترمهم بحبهم و كتير بعزهم

اهلين منورة صديقتي فلسطينية  شكرا على سؤالك الحلو و شكرا لمرورك اشتقنالك

ليش قلبك طيب كتير عبادة ؟
انا بحس انو بسبب اهلي ربوني منيح و ابي كتير عطوف علينا و ما بعصب بعمره ما ضرب واحد منا
و كمان بظن انو بسبب اني لما كنت بسعودية ما كان عندي اصحاب الا لسن ال 15 و بعدين انا اصدقائي يلي بحبهم و بهتم لأمرهم بعاملهم بطيبة لأنهم هم اناس رائعين و حبابين و كتير بحبهم و بحترمهم وكمان طيب لأني ما بحب اخسر اصدقاء  بالعكس بحب اكسب اصدقاء

و صراحة فلسطينية انتو رائعين و كتير بحبكم و انتو كنتو طيبين معي من الأول
مشان هيك انتو كتير قريبين على قلبي و بحبكم كلكم و دائما لح كون جنبكم بالخير و الشر و لح ساعدكم  و ما اتركم ابدا الا اذا اخطبتو 

عبادة ياعبادة  وقعت ولم يسمي عليك احد..
1-انتا حققت طموحك ؟؟جاوب اي ولا لاء بالشرح المفصل لو سمحت
2-انتا البك طيب ليه؟؟
3-سميلي اكتر 5 صفات بتحبهن وبتكرهن بالناس
ليه ما بتحب السعودية مع انك عشت وولدت فيها؟؟
شو اكتر سر بحياتك ولهلاء محدا بيعرفو وبدك تشاركنا ياه ؟
مين بتحب ؟؟
مين مثلك الاعلى؟
شو اكتر اكلة بتحبا؟؟
اممممممممممممم 
اي  شو المثل يلي بتمشي عليه وشو لونك المفضل؟؟
انتا بتحس نفسك حقود؟؟
انتا بتحس حالك مزيف؟؟

عباده بتر فلاي نفسا انا اوكي

..احلى خبر سمعته بحياتك؟
تخرجي من الجامعة  و بعدين اجت الصدمة    لك شو جامعة ما جامعة شو عم تحكي انت شهادتك هي ما بتسوا شي عنا بالعالم العربي   

2..مين اقرب الناس الك ؟
اذا من حيث الأسرار انا بأتمن اصدقائي على اسراري اكتر من اهلي ما بعرف ليش بس طبعا بأتمن بس يالي بكونو عزيزين علي

3..موقف ندمت عليه ؟
تخرجي من الجامعة

4..احلى اسم بنت مر بحياتك ؟
جوري

5..من تكون الانثى التي عندما تقف امامها تكون ضعيفا ؟
انا بكون ضعيف امام الملاأة عندما تبكي و تتألم و ضعيف امام جمال المرأة

6..قدوتك بالحياة ؟
بظن كلنا لازم تكون قدوتنا اول هو الرسول صلى الله عليه و سلم بعدين بيأتي البقية

7..قدوتك بالمنتدى ؟
بائع كبريتشخصيته حلوة بتمنى كون عندي يعني متل ثقافته

8..عضو تحسب له الف حساب ؟
ندى الشام لأنه اذا كنت تحت المجهر يا ويلك منها هههههههههههههههههههههههههههههههههههههههههههههههههه
وسالي معها كمان

9.معك خمس وردات لمين تهديهم ؟
يعني قصدك اهديهم لشخص واحد ولا قسم الوردات وردة وردة ههههههههههههههههههههههههههههههههههههههههه
طيب بهديهم  ل..........  موني انجلو جورجينا و ندى الشام و سالي و ميمي الأمورة

10..ممثل بتابع مسلسلاته ؟
صراحة عربي ما بتابع كتير يعني اذا افلام بقلك احمد حلمي الوحيد يلي بتابعة و عوار الطوشة
اجنبي طبعا مو محدد  يعني كل ما يعجبني شي بتابعه بس صراحة بالعربي اذا مسلسل في قصي او ايمن رضا او عباس النوري او وائل شرف بتابعو بس مو ضروري كل حلقة يعني مثلا اول 5 حلقات بعدين بتركه عشر ايام بعدين بشوفف حلقتين بعدين بشوف حلقة اخيرة متل ما صار بباب الحارة هيك ساويت اي صحي نسيت الممثل بسام كوسا هذا بعشقة كتير اذا في مسلسل لأله بضحك بشوفو لأنه جد قمة الكوميديا الساخرة متل الفصول الأربعة و بقعة ضوء

11..اسئلتي دمها تقيل عليك ؟
لا والله مافي احلى من اسئلتك الا صاحبتها 

شاطر عبادة جاوبت عليهون

ييييي بكرا اخر يوم

خلص انتظر اسئلتي بكرا

1-انتا حققت طموحك ؟؟جاوب اي ولا لاء بالشرح المفصل لو سمحت
للأسف لهلق لا انا طموحي هو اني لاقي شغل و يعطيني شي ممتاز اقدر عيش منه
2-انتا البك طيب ليه؟؟
بالمختصر اب انا قلبه طيب و ما مد ايده علينا و علمنا انو لازم نعامل الناس بالخلق الحسن و انا بحب قول الرسول صلى الله عليه وسلم (تبسمك في وجه اخيك صدقة) اوكي لأنه كتبت كل شي بسؤال فلسطينية بس حبيت ضيف هل كلام

3-سميلي اكتر 5 صفات بتحبهن وبتكرهن بالناس
صراحة انا يلي لح احكيه هو عن شعبنا الشعب السوري

بحبهم : انو شعب طيب و كريم و صاحب مبدئ و أوفياء نحنا و حبابين بسوقت الشدة اسود  و بناتنا كتير حلوين يعني خليني قول بنات بحر المتوسط حلوين يعني سوريا-فلسطين-لبنان هدول من العرب  لأجانب بعدين منحكي

بكرهم: انو كل مشوة و مشو بتسمع ناس عم بسبو كلام كبير يا عم بسبو واحد او عم يمزحو مع بعض بالسب و الشتم و كمان بكره انو صار مثلا انا بكون  بدي اركب بمكرو بلاقي شباب كلو ركد متل الهمج و بشوف بنات يعني مالهم قادرين يعملو شي و انا بدايق اكتر شي من هل شغلة لما يكون المساء يعني يا عديمي الضمير وقت متأخر ليش بتركدو ركد و ما بتخلو بنت تقعد يعني انا على فكرة ما بركد لأنه بلاقي مية شب راكد و بدايق من شغلة المكاري انو مثلا بعضهم بتكون واقف بمكان بصيرو بوقفو بمكان تاني و خاصة هي بتصير اكتر شي قدام الجامعة او انو بتقلو نزلني ما بنزلك الا بعد شو ما يكون بعد عن المحل يلي بدو ينزل منو الواحد انا ما عندي مانع اني امشي بس يعني حاول تفهم ياخي



ليه ما بتحب السعودية مع انك عشت وولدت فيها؟؟
طيب ما بحب سعودية لأنه اهلها مغرورين بسبب وجود النفط عندهم و بسبب انو الله اعطاهم كل شيء و بسبب انو شبابهم ما بهمهم الا الشهوة و سبب تاني انو عقولهم متحجرة لا تقبل الرأي الأخر و عندي سبب شخصي هدول كانو كلهم اسباب عامة سببي الشخصي انو كنت مريض و انا و صغير بس هلق الحمد لله مافيني شي لأنه ساويت عمليه و رتحت بس كانو الشباب السوديين كتير يدايقوني بسبب شكلي و يقعدو يضحكو و يتمهزئو يعني انا بظن انو كانو غيرانين مني يعني هلق بفكر هيك لأنو كبرت بسلما كنت صغير كنت صدقهم لدرجة صدقت كلام واحد قلي ( انت مين لح يحبك ) هو كان على فكرة بشع بشخصيته و بشكلو بس لما كبرت حسيت انو كان غيران مني اني شخصيتي احلى و كمان شكلي المهم من هون تعلمت انو ما احكم على الشخص من شكلة لاكن من اخلاقه و اني ما اجرح حدا و كون طيب بسمع الطيبين و يلي بيحترموني

شو اكتر سر بحياتك ولهلاء محدا بيعرفو وبدك تشاركنا ياه ؟
طيب انا قلت اني كنت مريض و مرضي كان شغلة صغيرة هي الربو لما جيت الشام بنهاية السنة الأولى بالجامعة عملت عملية ازالة زوائد و ناميات من انفي و صرت احسن و الحمد لله ما عاد صار معي تحسس او ربو

مين بتحب ؟؟
اهليو صادقائي و كمان يلي بالمنتدى اذا قصدك انو عندي حبيبة فجورابي لا لسه

مين مثلك الاعلى؟
طيب بما انو نسئل قبل لح حط هون مثل تاني يلي هو العالم اديسون مخترع الكهرباء يلي ضل يحاول 100 مرة لحتى ظبط و خترع الكهرباء يعني تعلمت منه انو لا يئس مع الحياة ولا حياة مع اليئس

شو اكتر اكلة بتحبا؟؟
امممممم بحب شاكرية و رز و كل شي في بندورة كمان و بحب اكتر اكلة فيها لحمة هي الصفيحة
اي  شو المثل يلي بتمشي عليه وشو لونك المفضل؟؟
المثل يلي بمشي عليه يعني خليني قول احسن نفس الحديث يلي قلته قبل ( تبسمك في وجه اخيك صدقة) يعني بحس هل شغلة كتير بتبعد عنا الحقد و الحسد و البغضاء انتو مو معي بهل شغلة؟

لوني المفضل الأزرق بحسه بيبعث على الراحة و بذكر انو في دراسة بتحكي عن كل لون شو بيرمز بذكر الأسود كان لا عدم الأستقرار

انتا بتحس نفسك حقود؟؟
لا ابدا ما بحقد بس اذا حدا غدرني بكره بس ما بحقد

انتا بتحس حالك مزيف؟؟
ليش هل سؤال مو حرام عليكي شو انتي يعني حاسة اني مزيف شي 
لا انا مالي حاسس هيك انا كل شي فيني بحكيه بصراحة و ما بكزب بشي

انا جيت اسئل بما انو هي اخر يوم الك فيه وجاوب يا شاطر
1. اليوم الجمعة شو فطرت وشو تغديت وشو تعشيت بصراحة مطلقه
2.هل تحب المجاملة في بعض الاحيان
3. اذكر اخر عمل منيح ساويته
4.اذكر اخر عمل سيئ ساويته
6.ليه انا تركت رقم الخمسة فاضي
7.مارأيك بكل من
تيودور هرتزل. كارل ماركس. هتلر . حسني مبارك. جمال عبد الناصر. الملك فيصل بن عبد العزيز
ستالين.عمر بن الخطاب.
8ز مين رح تحط بدالك بكره

عبادة العزيز انا كتير بحبك وما بحس انك مزيف
تاني شي انا ماكتير بوافقك على ردك على السعوديين  مو كل اصبيعك متل بعضا
تالت شي :الحمدلله على سلامتك كرمال الربو
ورابع شي  نسيت عبوره بهالسرعه والله انكن الشباب  مالكن امان
وسؤال :لو ماكان اسمك عبادة شو كنت بتحب يكون اسمك؟؟

هاي عبادة كيفك ؟؟

بلا لعي كتير هي اسئلتي

1..لو خيروك تتعشى مع حدا من الاعضاء مين تختار ؟

2..مين جاية على بالك تضربو كف مزح ؟؟

3..ايمتى لح ترجع عالسعودية وتشرفنا ؟

4..في مرة كنت السبب بفشل علاقة حب بين اتنين ؟

5..بتفضل الزواج التقليدي ولا عن قصة حب ؟

6..كم فلم كونان شفت من نزلتك عالشام لهلق ؟

7..شو اخر رسالة وصلتك عالجوال ومن مين ؟

8..اي فريق من الفرق السعودية بتشجع ؟

9..شو رأيك بياسر القحطاني لاعب فريق الهلال ؟

10..نصيحة توجهها للدراما السورية ؟

11..رأيك بالدراما التركية ؟



نسيت اسألك عنجد اليوم اخر يوم الك هون ؟؟