طبعا موضوعي هذا يجب ان يكون في ساحة الحورات الجادة

لكنني كنت قد انتهيت قبل كتابته من كتابة موضوع في نفس الساحة


فجاءت رسالة تقول يجب مرور 24 ساعة حتى يتسنى لك ان تضيف موضوعا اخر في


ساحة الحوارات الجادة ماعلينا كون ياسر راح ينقلوا لحالو على ساحة الحوارات الجادة  بدون هالديباجة....................




أصدقائي:  لماذا تبكي العروس؟؟؟؟؟؟؟؟؟؟



سؤال واضح جدا ويحيرني بنفس الوقت


يعني بكون العريس كامل مكمل الكمال لله وحلم لكل فتاة


ونتفاجأ يوم الزفاف بدموع تنهمر بغزارة من العروس



سبب هذه الدموع:


1- فراق الأهل


2- خوف من المجهول


3- رهاب الزفاف


4- دلع


5- كرمال تسمع شي كلمة حلوة من العريس


6- أسباب أخرى


ومن هو الشخص الذي يتوجب عليه لعب دور البطولة في مسح دموع العروس؟؟


1- الأب


2- الزوج نفسه 


3- الأم


4- صديقات العروس


5- أطراف أخرى



الموضوع حساس ناطر ردودكم

موضوع حلو كتييير ع فكرة
وكلامك ضحكني كتير
بس انو ليش بتبكي العروس هي معك حق فيها عنجد شي بحير
بس كل وحدة والها أسبابها يعني في بنات عنجد بتبقى زعلانة انو رح تترك اهلها
وفي بنات بتبكي هيك بس لأنو لازم تبكي لأنو اللي ما بتبكي بيحكوا عليها الناس
يعني بيصيروا يقولو مو مصدقة تطلع من بيت أهلها
بس بغض النظر عن الأسباب المفروض ما حدا يبكي لأنو هي ليلة العمر يعني لازم تضحك بدل ما تقلبها نكد
أما عن نفسي أنا ما بعرف ازا كنت رح أبكي أو لا من هون لوقتها بفكر
   

شو هالموضوع الحلو ماهر وراح شارك في
هلق العروس بتبكي لعدة اسباب بس اهم سبب هو فراق الاهل لانو بعد ما تكون بين اهلها ومدللة وعين الله عليها ما بتلاقي حالها الا بدها تترك هالبيت وهالدلال والعز لتكون في بيت لوحدها ما لا ام ولا اب ولا اخوة يعني والله الامر صعب شوي
اما السبب التاني هو المجهول هلق الوحدة ما بتكون عارفة شو ناطرها بعد الزواج من تحمل مسؤولية  او انو الزوج راح يتغير لانو ما شاء الله نص الرجال بعد الزواج بصيرو شي تاني بينقلبو 180درجة

بس اكيد مش دلع لانو وقتها البنت ما بتكون بتفكر في انها تسوي حركات دلع اللحظة ما بتتحمل هيك شي

اما مين بدو يمسح دموعها اكيد مش امها لانها بتكون عم تبكي معها
بس العريس شو شغلتو لازم هو اللي يتولى هاي المهمة ويخفف عن العروس

اتقبل مروري
سائدة

يعني طبعا بدها تبكي وحدة كانت ببيت أهلها معززة مكرمة
بيوم و ليلة بتصير متل الفلبينية هههههههههه

لا اذا عنجد اكيد لازم تبكي لأنو تاركة أهلها و عيلتها
هيك رأيي

لأنوكل شي ببكي
وخاصة فراق الأهل
وأكيد العريس هو المرشح الوحيد
لدور البطل ...!!!

يعني العروس بتبكي اصلا الموقف ببكي بعتقد انو بدها تترك اهلها وكل الي بتعرفون لحتى تنتقل الى عالم تاني زوج مسؤلية بيت وولاد وناس غير ما بتعرفون ولا بتعرف عاداتون  وخوفنا من المجهول من اول يوم الى اخر يوم انو شو هل الحيات الى هي رح تنتقلها  الله

وبتبكي يمكن ما بدها هلشخص وبدها واحد تاني او ما بدها تتزوج هاد بس هيك بدون ما يكون في شخص اخر  يعني بتبكي اساسا بدون سبب



واكيد الشخص الى لازم يمسح دموعها ويكون الها بديل عن الكل هو زوجها  واد ما في يحسسها بالامان واكيد ما رح تعرف تبكي





                    الله يسعد العريس والعروس وان شاء الله بفرح فيك ماهر تقبل تحياتي ومرورري


                                                           

والله يا أخ ماهر سؤال وجيه

سألتو وجاوبت عليه بنفسك


يعني والله مو قليلة يعني

يوم الفرح بالذات الو رهبة

بكفي  انو كانت قاعدة بين 300 شخص وكلن عم يطلعوا عليها هههههه

بس انا عنجد رايي متل الكل

انو أكيد زعلانة عفراق أهلا

وأكيد خوف من المجهول

لانو بتكون داخلة مرحلة جديدة مافي بعدا رجعا

وممكن تكون دموع فرح كمان

انو هاد الشب الي كانت بتحلم في

على حسب العروس بقا

وأكيد الي لازم يكفف دموعها 

هوي البطل وفارس الأحلام

الأستاذ عريس

شكرا الك ماهر

تقبل مروري

يعني بدك الصراحة سؤال محيرني وبستغربه     
ليش لتبكي مو هي لي ختارت هل شب  وختارت تتزوجه لو بدها تبكي   ماكانت توافق
وبعدين هي حياة جديدة بدها تخاف منها اي بس انا بحس لازم استقبلها بالفرحة  
لاني لما رح اختار زوجي المستقبلي رح كون مقتنعة فيه وبحبه   وبهل شكل رح انبسط 
مارح ابكي 
بس الحكاية على الاغلب دلع مشان يمسحلها دموعها وبتغزل فيها شوي
او بتكون صغيرة وخايفة من شي الله وأعلم

أنا برأيي
الذهاب الى المجهول وترك الاهل هو سبب كتير مقنع
وخاصة اذا على سفر
لو كنت أنا أكيد رح ساوي مناحة وكبيرة كمان
وخاصة اني مافيني ابعد عن اهلي ولو للحظة
ويلي بدو يمسح دموعها هو عريس الهنا اكيد
شكرا الك ماهر موضوع حلو كتير

أولا شكرا لكل الحسناوات اللواتي عقبن على لموضوع { شلون اللواتي معبرة}


ثاني شي لحد هون السبب الرئيسي برأيكن هو:


فراق الأهل


إي قولو غير هالحكي


فراق الأهل برأيي غير مقنع أو سبب غير وجيه


على العموم أنا مع رأي الانسة لامار:


الموضوع لم يتعدى الدلع