السلام عليكم

إذا دخل القرآن بأنسه قلبا.... خرجت الدنيا بشقائها من ذلك القلب...

السلام عليكم

أبوح لمن؟! وأطلب من؟!

وربي عظيم كريم المنن..!

يجيب المنادي إذا ما دعاه

وإن لاذ عبد بربي أمن...

السلام عليكم

إلهي قربني منك وزدني بجنابك وصلا..

السلام عليكم

راعوا من هم خارج حدود الوطن... فإن لم يكن يتيم أب أو أم... فهو يتيم وطن...!!

صباح الخير جميعاً ...

خليه يرجع عالوطن ويرضى بالحياة على تواضعها وبالقسمة الاصغر اللي انكتبتلو فيه ببطل يتيم .. والا بدو يتحمل ثمن قراره ... 

السلام عليكم

كإنك قاعد بقلبي...
حابة اطرح هالموضوع بس مو كله لإنو كبير وواسع واله تفصيلات كتير كبيرة...

سؤالي

بمنطقة منكوبة الكل رح يحاول يطلع إذا مو لبلد تاني فلمحافظة أأمن نسبيا .... إذا كان هالشخص من المجال الطبي طبيب أو صيدلاني أو ممرض... الضمير والدين شو حكمهم من طلعته... هل يعتبر خان أهل بلدو لإنو تركهم وطلع بوضع هنن أمس الحاجة اله فيه... ولا من حقه وبحسب الغريزة يطلع ويحمي أهله وأسرته ويدور ع فرص أحسن ليكمل حياته وحياة اسرته المسؤول عنها..؟؟؟

مو قصة خان بلدو اذا طلع .. او ما خانو اذا ضل ...

هاد خيارو وميزان بحياتو .. يا بدو يضل ويتحمل ويحاول اد ما بيقدر يتمسك بالحياة على قلتها بوطنو لأن ما بيقدر وما بيتخيل حياتو بمكان تاني ..

يا بيطلع وبلاقي حياة مرفهه واكتر امان (نسبياً) لعيلتو .. بس ما عد الو الحق يحكي عن انو طلع من وطنو مو بإرادتو ...

بوقت من الاوقات كان وضع الصيادلة  مثلاً هون باللوج ويلي بيفتح بالريف ارباحو خيالية .. وهلأ العالم بس بتنق وبتشكي .. طيب وقتا ما كنا نسمع صوتكن ونحنا هلأ بحرب شو متوقعين يكون الوضع؟

فتح جبهات ع بعضنا ومين صح ومين غلط هاد كلو مااا بفيد هلأ ...

هلأ الكل لازم يفكر كيف بيقدر يساعد ويبني اذا كان جوا او برا ولو بشي بسيط ...

اجارات البيوت لحالا بتبين اديه نحنا عايشين بغابة وكلنا عم ناكل لحم بعض ...

الله يفرج ويصفي القلوب ويحنن الناس ع بعضها ...

السلام عليكم

ممم هلأ مافينا نعمم إنو مرفهة أكيد يلي بالمخيمات مو مرفهين الله يكون بعونهم... وما فينا نقول إنو بارادتهم...
ع العموم لإنو في كتير تفصيلات للموضوع بس نقيت شريحة المجال الطبي لإنو ما يعتبروا متل باقي العالم كمسؤوليات وأخلاقيات... فهل انتي قصدك انو هو متله متل اي حدا من حقه حسب نمط حياته يختار ولا لا لازم يبقى لإنو هلأ الناس بحاجته

ما ضروري يسافر برات البلد ... ممكن يطلع من محافظته لمحافظة تانية أامن فشو التقييم لهالشي؟؟؟ هل ترك أهل بلده لإنو أناني ولا حقه الطبيعي يهرب من القصف والدمار؟؟

مشان يلي بالمخيمات .. ما بعتقد نسبتهن هيي الاكبر من بين يلي سافرو (يلي سافرو كهجرة ، لجوء، منح دراسية ، كاقامة عن طريق حدا من الاهل برا ، يلي سافرو بطريقة مو نظامية .. إلخ) وبما انو كنا عم نحكي عن مستوى طبقة المثقفين فهدول سافرو "علأغلب" كرمال يحافظو ع مستوى معين من الحياة يلي متعودين عليها ...

انو فيها انانية بسفر هيك أشخاص طبعاً في ... وخصوصاً يلي بعد ما يسافر بنظر عاللي جوا وانو عم يموت من نار الغربة مع انو بكون ركض بإيديه ورجليه ليسافر ..

هي بكل معنى الكلمة خيااار .. لأن في هون كتيير عالم ساكنة بأقل الظروف وعايشه عالمساعدات كرمال ما يطلعو او يقعدو بشي مخيم لشي دولة ...

والله يختار الخير لكل حدا وكل واحد يصطفل بحياتو وقراراتو

أنا بعتبر إنو الأجوبة على أسئلتك يا سلام تختلف حسب حالة كل شخص

كل شخص إلو ظروفو الخاصة واللي بتحكم " منطقياً وشرعاً" إنو بقاءو بالبلد أو خروجو هو الخير لنفسو وعيلتو ووطنو وبالتالي مافي أي عتب أو ذنب عليه....

لهيك رجاء ثم رجاء إنو نحارب أفكار التعميم
بكفي نقول إنو اللي بقيوا بالبلد هنن الصح أو اللي خرجوا هنن الصح
كل شخص حالة خاصة وعلى أساسها بكون صحة بقاءو بالبلد أو خروجو منو....

شغلة تانية:
لا حدا ينغر بالمظاهر ويطلق أحكام بناء عالظاهر
ممكن تشوفو شخص برا البلد عم يشتغل أحسن شغل و عم يدرس بأحسن الجامعات وعندو ظروف داخلية بتبكي الحجر...وممكن نشوف شخص بالمخيمات و حالتو الخارجية من أتعس ما يكون بس هو عندو سكينة و سعادة داخلية...

باختصار أنا تعلمت بالغربة إنو ما لوم أي حدا على أي قرار بتخذو لإنو وحدو ربنا العالم بكل ظروفو و أحوالو واللي خلتو يتخذ هالقرار و أصلاً نحنا مو شغلتنا نحاسب العباد ولندع محاسبة العباد لرب العباد....