ايه والله صرلي زمان ما حلمت ..

وآخرة فترة ما شفت الا كم كابوس -_-

بس اذا بدك حلم حلم يعني ..

فحاليا الله وكيلك مافي الا حلم الحرية ..

ولاحقا .. احد احلامي بيت صغير بكندا .. والتاني كمل دراستي بسويسرا او بريطانيا ..

الأخ معارض للعضم ...

الله ييسرلك كل خير ويحققلك كل حلم طالما فيه خير إلك

بدي احكي هالحلم ما لشي بس لانه تفسر شفت شب يلي بحبه اقدام الكشك تبع كليتي بعدني شفت حالي بغرفة مع شخصين الاول رفقيه والثاني ما بعرفه والحقيقة انه هدول الاشخاص يلي وصاني اله

و تحقــــــــــــــــــــق الحـــــــــــــــــلم....................

............................كل أحلامي معها حقيقة
 لانها الحقيقة في الجمال
والخلق الرفيع
والافعال والاقوال
ممتدة جذورها في أعماقي
 .. وبواقعي كل الكلمات الرقيقة

كم أتمنى أن تعود تلك الإبتسامة التي تعوّت عليها

إلى شفتيها من جديد..

كم أتمنى أن أسافر (بالباص) ورؤية بيتي القديم

ما رح احكي عن حلم شفتو عن قريب بس رح احكي عن حلم صرلو فترة ....
بالنسبة إلي والحمد لله ما بحلم ولما أحلم بشوف الحلم بحذافيرو ولو بملابسات أخرى يعني بإيحاءات
مثلا واحد من الأحلام يلي شفتها كان ليلة جمعة فقت من النوم مزعوج وصدري ضيق ,سألتني الوالدة شبك ؟؟
قتلها الله يسترنا من هاليوم ...
والحلم كان :
(الساحة يلي قريبة من بيتنا سودا والناس مهمومة والأرض زعلانة والسما مغيمة بسواد كنت حس بالحلم بإن كل شي أسود وحزين وعم يبكي والله يشهد شفت منظر الحزن على كل شي ) .

وبهذا اليوم (الجمعة)
 كنا عم انشيع شهيد من المسجد والأمن محاصر الساحة تبع التظاهر تبعتنا وما كنا خايفين (بالنسبة إلي ما صليت الجمعة للأسف لأني كنت لازم كون بالساحة وقتها ) دخلو الشباب على الساحة وهنا عم يهتفو للشهيد وللجيش الحر (على مسمع الأمن وشوف عيونهم "كانت لحظة مو محسوبة بنوب ") أنا كنت قريب من المنتصف وإذ بالرصاص من كل ناحية مثل زخ المطر باتجاه المتظاهرين طبعا ما كان فيني غير اركض واتحامى بأحد البيوت حاولت اطلع اسحب شهيد على بعد امتار من الباب يلي كنت واقف عليه وضربوا علي رصاصة لرجعت وبهذاك اليوم استشهد كثيرين حوالي 25 شخص بينهن رفيق أخي والغالي علي بشار وكان ناشط والشهيد موسى الله يرحمو وكان عسكري منشق وغيرهن وغيرهن كثير وطلع خبر هالمجزرة على الجزيرة يومها ....
يومها كان أسود مثل ما شفتو وللأسف ما بكيت مع إن الكل بكى  من الحقد والغضب والحزن وظليت 3 أيام ما فات جوفي غير المي وما بكيت ...

منظر بيجنن العاقل ولا حول ولا قوة إلا بالله ومستحيل انسى هاليوم (كيف انساه )
عم اتذكر بهذيك الليلة المرحوم بشار كيف قضى الليلة يحفظ بأغنية جنة جنة لعبد الباسط ساروت منشان يغنيها بالمظاهرة بس راح ويمكنو عم يغنيها هلأ بالجنة ...
الله يرحمو لأني اشتقتلو كثير

بعرف انو الموضوع للأحلام السعيدة بس حسيت حالي لازم اكتبها
لهيك اعذروني أن وجعت قلبكم معي

شفت حلم من فترة متمنية فسرو
الي بنت عم كتير بحبها اكبر مني ب 3 سنين بس ما بشوفونا الناس الا مع بعض من وقت كنا صغار لهلأ لهيك بفكرونا اخوات
شفت بمنامي انها بدها تعمل عملية فأنا تركت جامعتي و رحت لشوفها .. وصلت لقيت اخوها و مرت عمي عم يبكو قبل ما تفوت عالعملية و هيي كمان .. انا استغربت البكي انو كان كأنو عم يودعوها اجيت قلتلها عملية شو ما ردت قالتلي اسألي "قصي " اللي هوي اخوها و فوتوها عالغرفة
انا لحقت اخوها اسألو ما يرد و مشي بسرعة و اختفي بين عجقة المشفى و ما لحقتو بس ضليت طالعة عالطوابق عم دور عليه
صرت شوف ناس غريبة و رجال ملتمة و مسلحة و شي برعب قام قررت ارجع عالجامعة و انو بعد شي ساعة برجع لبنت عمي
اجيت انزل ب""الاسنسير "" لاقي اسماء الطوابق غريبة و ااسماء الغرف شي غرفة موت و اسماء فظيعة كتير
المهم ما عاد عرفت من وين بدي اطلع نزلت على درج بقلب المشفى لقيت طفلة صغيرة ملااااك قاعدة على بسكليت هي تبع 3 دواليب قلتلها بدي اطلع من هون بتعرفي وين الباب قام قالتلي اي لحقيني
لحقتها و هيي عم تدوس بالبسكليت و مبسوطة انها عم توصلني و طلعتني من باب على حديقة متل الجنة كلها ورد و حتى طريقها اخضر و مشينا لآخيرها و وصلنا للباب البراني ..... قمت قطفتلها وردة و عطيتها ياها و عم اشكرها و امزح معها و هيي عم تضحك .. بعدين مسكت ايدي قالتلي خليني ارسمك ....................................... و هي آخرو !!!!!!!!!!!!

يمكن تفسير عملية بنت عمي و انو اهلها عم يودعوها عرفتو ....... لان اخواتها كانو برا سوريا شغلهم برا و هلأ لحقتهم امها و هيي ضلت بسوريا مع زوجها
يعني ضلت وحيدة لا امها و لا اخوها هون