رد مشاركة : الفصل الثاني : سنة رابعة محاسبة بالمختصر المفيد (موجز عن المواد ...........)
اولا المراجعة 2
ماده فيها صعوبه وبدها شغل
اسلوب الدكتور حسين القاضي انو بيعطي المادة من كتاب ومحاضرات وبضيف عليهم من عندو
اما الاسئله فيها شوي من الاعطاء والباقي بيكون من فهمك وتصورك للماده
للنصيحه المادة تحتاج فهم عميق وليس بصم مع التدرب على الحالات العملي اللي فيها
مجرد دراسة المحاضرات والكتاب مو كافيه لترفيع الماده
بدها فهم وخصوصا دورات العمليات اللي بالماده هامين والباقي على الله
تانيا المتقدمه 2
قسمين قسم باسل اسعد وقسم هبة مسعود
مادة مهمه وفيها تعب
لكن دراسة المحاضرات والتدرب على حل الحالات العمليه اضافه لحل اسئلة الدورات وفهمها
كافي لترفيع الماده
لانو الماده نمط اسئلتها واحد في اكتر من دورة مع اختلاف بالارقام تبع المسائل واختلاف بسيط في كل دورة بالمسائل
الخلاصه الماده بتترفع بس بدها تعب وتدرب جيد عالمسائل العمليه
ثالثا المحاسبة الاداريه بين قوسين (المحاسبة الدكتاتوريه) هههههه
الله يعينكم على هالماده صعوبه وتعقيد وكثافه بالمنهاج واخيرا وقت بالامتحان لايكفي حتى للتفكير بحل اول عشر اسئله
لكن الله على كل شي قدير واللي امو داعيتلو وجايبيتا بليلة القدر برفعها
اد مالواحد بيدرس فيها وبينح وبطح مابيجب اكتر من 65 اذا موت حالو ولحق يحل كل الاسئلة ويمر عليهم بالوقت المعطى لها
الا من رحم ربي يمكن يجيب 80 85 ............. 90 اذا نطح راسو بالسما
وطبعا بيكون هاد من اصحاب الحظوظ ومن المدعومين
اكتر من هيك مافيني احكي عن هالماده
وبدعيلكم انكم ترفعوها ولو بالستينات منيح
رابعا نظم المعلومات المحاسبية
المادة السحريه انا شلون رفعتها من اول مرة ماعرفت
مادة فيها كل شي ونظري غالب عالعملي وبدها دراسه وحفظ وفهم وبصم واخر شي بندول لتخفيف الصداع ووجع الراس من الحفظ
بس بتظل اشوى من الادرايه
واللي بيدرسها من المحاضرات بتترفع معو
انا مليت منها لان فيها حفظ ولكن رفعتها لاني تعبت فيها
يعني شو مادرستوا فيها منيح بتترفع انشا الله
محاضرات وشويه من الكتاب واسئلة الدورات
والتركيز على المخططات الموجوده فيها لانها هامه
والباقي على رب العالمين
خامسا المشكلات المحاسيبه
بس لازم يسموها الحلول المحاسبيه لمعدلات الطلاب
لانها عنجد معدل والدراسه من المحاضرات واسئلة الدورات
الحمد لله كانت علامتي فيها بالتسعينات من اول مرة
ماتعبت فيها كتير بس كمان بدها تركيز وانشا الله بتترفع
سادسا واخيرا المحاسبة المتخصصه 2
ماده خفيفه عالقلب لطيفه مابتزعج مابتملل
دراستها بتصير متل التسليه معك
من اول مرة جبت فيها 95 وراحلي سؤالين يمكن انا خربطت فيهم خربطه
يعني كل شي فيها واضح وسهل
لكن اذا معكم كتاب جديد هالسنه مابعرف شو بيصير
لان على دورنا ماكان في كتاب
بس لاتخافوا انشا الله بترفعوها من اول مرة ومعدل كمان
لان نسبة النجاح فيها كانت على دورنا بالتسعينات
وانشا الله يكون ختامها مسك
ومن كل قلبي اتمنى النجاح لكل طالب وطالبه
موفقين وانشا الله كون قدمت لكم فائده
ولاتنسونا من دعائكم
وبالنهايه اسف على التاخير
تقبلوا تحياتي وحبي لكم
اخوكم ابن حوران
الفصل الثاني : سنة رابعة محاسبة بالمختصر المفيد (موجز عن المواد ...........)
عامل الناس افضل مما تحب ان يعاملوك
