[x]

"وقـل اعمـلوا فسـيرى الله عـملكم ورسـوله والمؤمنـون"


..لمحة عن كليات جامعة دمشق و فروعها... شاركنا تجربتك وكلمنا عن اختصاصك







                                                                                                                      



  ملتقى طلاب جامعة دمشق --> كلية الهندسة الميكانيكية و الكهربائية --> الأقسـام العامــة --> أخـبــار و مـقـالات عـلـمـيـــة
    الـعـلاقـة بـيـن مـانـراه مـن ابـحـاث ودراسـات عـلـى الانـتـرنـت وفـي وسـائـل الاعـلام وارض الواقع
عنوان البريد :  
كلمة المرور :  
                    تسجيل جـديد


.الـعـلاقـة بـيـن مـانـراه مـن ابـحـاث ودراسـات عـلـى الانـتـرنـت وفـي وسـائـل الاعـلام وارض الواقع


Compelling dark

عضو ذهبي


اثق بك..بكل ما لهذه الكلمة من معنى




مسجل منذ: 15-08-2010
عدد المشاركات: 2135
تقييمات العضو: 361
المتابعون: 124

غير موجود
اشــترك بالتحديثات
رسالة مستعجلة

الـعـلاقـة بـيـن مـانـراه مـن ابـحـاث ودراسـات عـلـى الانـتـرنـت وفـي وسـائـل الاعـلام وارض الواقع

26-01-2013 06:54 AM










كل يوم منشوف بالأخبار دراسات علمية جديدة. مرة بيقولو الشوكولا تساعد على محاربة الإكتئاب ومرة بيقولو أنو اللي بيستخدمو الموبايل بيصير معن سرطان .

بغض النظر عن صحة هي الدراسات بالذات  أنا حابب أحكي عن شغلة مهمة . معظم الناس بيصدقو دغري شو بينقال عالأخبار . بس أنا ما بنصحكن أبداً تعتمدو على المواقع الإلكترونية أو الصحافة العادية أو صفحات الفيسبوك بالأخبار العملية وبس  إعتمدو على الصحافة المتخصصة  . السبب مو التضليل الإعلامي  ولا القنوات  المغرضة  :P . السبب معظم الأوقات هو عدم إحترافية الإعلام بالتعامل مع الأخبار العلمية و أحياناً عدم إحترافية الباحثين أنفسهم للأسف. كتير من الدراسات للي منسمع عنها هي دراسات إحصائية . يجيبو ناس وبتابعوهن على مدى فترة من الزمن وبيسألوهن أسئلة عن نمط حياتن, أكلن أو أي شي تاني بهم البحث . بيكون الهدف من الدراسة الوصول لرابط بين شغلتين متل التفاؤل وعدد مرات المرض مثلاً . وبالنهاية بقولو لاحظنا وجود إرتباط عكسي بين التفاؤل وعدد مرات المرض مفهوم الترابط Correlation هو أكتر شي بيخربط فيه الإعلام. فالترابط نحنا منفهمو كأشخاص عاديين على أنو علاقة بين شيئين .وإذا تغير واحد فهالشي بيأدي لتغير التاني . ووقت  منقرا مقالة علمية وبقولو فيها " نلاحظ في دراستنا إرتباط أكل الموز بالقدرة على الإنجاب " منفهما على أنو أكل الموز يزيد من فرص الإنجاب.

 أما الواقع فهو كالتالي : بالرياضيات في شي إسمو إرتباط إحصائي وهو عبارة عن عدد بين الصفر والواحد منحصل عليه من تطبيق معادلة بسيطة على البيانات ( الشغلتين اللي عم ندرسن). وقت يكون هات العدد قريب من الواحد فنحنا منسمي الشغلتين  "مرتبطتين إحصائياً" في هذه الدراسة. بس هاد الشي بيضل إسم وبس .ومو ضروري  أبداً أنو الشغلتين المرتبطتين إحصائياً يكون في أي علاقة بيناتن وهاد  الشي اللي ما بيفهمو الإعلام وكتير من الناس. أحياناً ما بيكون في علاقة  أبداً  و عطينا مثال بالصور اللي بالاعلى عن الإنترنت إكسبلورر ومعدل  الجرائم في إميركا . وهي الشغلتين إذا منحسبهن بيطلعو مرتبطين إحصائياً بس هنن بالواقع ما إلهن أي علاقة ( على حد علمنا :D ) . قريت مرة مثال تاني عن إزياد الإنتاج العلمي في البلدان التي تستهلك الشوكولا أكثر . وفيني هلء أقترح  أنو إذا درسنا معدل الطول بكل بلد رح نلاقيه بشكل عام مرتبط  إحصائياً مع معدل دخل الفرد بهالبلد . (علل) مثال تاني أنو بالمجتمعات اللي بتزداد فيها السرقة بتزداد فيها جرائم القتل . هون أكيد بيطلع معنا إرتباط إحصائي . وأكيد في علاقة بين الشغلتين بس العلاقة مو متل ما منتوقعها أبداً .فهنن بيكونو نتيجتين لمسبب واحد (الفقر والجهل مثلاً ).وأحياناً بتكون الشغلتين المرتبطتين إحصائياً مرتبطتين عن جد ( وحدة سبب للتانية) وهاد الإرتباط هو اللي بيهمنا .
فنحنا وقت منعرف أنو في شغلتين مرتبطين ببعض بعلاقة سببية  بالحقيقة . منحسب الإرتباط الإحصائي مشان نتأكد من مدى صحة العلاقة . مثال بسيط  : منعرف أنو الدخان فيه مواد سامة للخلايا و بتسبب السرطان (من الدراسات بالمختبر) فنعمل دراسة إحصائية عن علاقة التدخين بمتوسط الأعمار ومنحسب
مدى الترابط (مدى تاثير الدخان على طول العمر ). طيب ليش بيساوو هالدراسات الإحصائية بالأصل لكن؟

صارت مرحلة من مراحل البحث الطبي والصحي (أحياناً ) فإذا لم توجد علاقة إحصائية فمن الأكيد عدم وجود علاقة فيزيائية حيقيقية . فالباحث ببلش بالشك  بوجود علاقة . بعدين بيساوي الدراسة الإحصائية فإذا طلع فيعلاقة إحصائية بيساوي الدراسات العملية  وإذا ماطلع في علاقة بينتهي الشغل وبيوفر على  حالو . بس للأسف ممكن أحياناً تطلع دراسة إحصائية على شيء مبين بالأساس مو  منطقي متل الي حكيناهن فوق ويكون الهدف الأساسي هو الشهرة.

وإذا بدنا نلخص بسطر واحد فينا نقول : الترابط الإحصائي (الرياضي)correlation شرط لازم وغير كافي للترابط الفيزيائي (causation).

منقول










ملتقى طلاب جامعة دمشق




أنت غير مسجل لدينا.. يمكنك التسجيل الآن.
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة