غرباء هكذا الأحرار في دنيا العبيد

لك ما في شي بس كم واحد حبو يشبحو عرفقاتهون
اكيد هنن عصابات مسلحة بس كانو بقلب الكلية
والباقي فاتو من باب الجامعة

بس لا حول ولا قوة الا بالله
الله يفرجينا يوم نتخلص في من هيك ناس

انا مو بالكلية

بس مرقت من هنيك بين الساعة 11 و 12

قام لقيت عجقة كتير كتير و قلت ليش هيك الطلاب مبحوتين برا

شوي لقيت باص أمن واقف ع الباب عسكري لابس جيش بالبارودة

و بعدها وصلت ناح النفق شفت ناس لابسين عسكري و العصي بإيديهم

يعني بربكم مو حرام البنات و الشباب يعتقلوا

لك كيف بدهم يقدموا فحص

انا بقول نوجه نداء لوزير التعليم ينقبر ع قلبوا و يأجل الفحص لانو حرام

امبارح سيارة متفجرات ع استراد المزة عند نفق كلية الآداب و اليوم كلية الهمك

بتمنى يكون الكل بخير

و طبعا تم إيقاف الدوام بكلية الهمك

تصوير خفي للإرهاب الي عملو اليوم الأمن بكلية الهمك بدمشق بعد الاعتصام والمظاهرة
و طريقة التعامل الشرسة والحيوانية
(وصلت لخرطشة الروسيات بوجه الطلبة وضربن )

دمشق - كتائب الأسد في كلية الهمك - 14/5/2012


لحظات لمظاهرة بكلية الهمك بدمشق : 14 / 5 / 2012


جامعة دمشق كلية الهمك إغلاق البوابة وضرب الطلاب


تفريق و خرطشة و شتم وطرد من المنطقة


منقول من صفحة جامعة خالد بن الوليد

كنت أتمنى أن يقوم الاتحاد الوطني لطلبة سوريا بأخذ زمام المبادرة وفتح باب الحوار الوطني .. بدون تحفظات ... وليقود مسيرة المصالحة والإصلاح والبناء ... بحيث يتحول من عصا بيد النظام إلى آلة في بناء مستقبل سليم للوطن .

أعتقد أن الوقت ما زال متاح لهذا الاتحاد ليتحول من مفرزة أمنية ( أي بدون أي فكر أو مشروع أو رؤية مستقبلية ) إلى مؤسسة حضارية تقوم على الحوار وقبول الآخر والمساعدة على حل مشاكل الوطن بحيث يصبح جزءاً من الحل وليس جزءاً من المشكلة كما هو الحال الآن .

أتمنى من كل قلبي أن يسارع عميد الكلية إلى إطلاق سراح الطلاب المعتقلين وبنفس الوقت فتح باب الحوار .... لأنه وسيلة حضارية يجب أن يتعلمها طلاب الجامعات بالإضافة إلى المناهج النظامية .

ختاماً أدعو الله أن يفك أسر كل معتقل رأي ,,, وأن يعود زملاؤنا إلى محاضراتهم وفحوصهم باسرع وقت .

لك ليش ما عم تصدقو انو هدول عصابات مسلحة ما بعرف
لك هدول معهون اسلحة مريخية عم يختفو من الحراس اللي عالباب ويفوتو لقلب الكلية ويخربو

ردا على quality لا تتأمل كتير فيهون لانو ما مفكرين انون رح يخلدو
ما طار طير وارتفع الا كما طار وقع