أولا - أسرار طرق تحديد هوية المادة ( التحليل الكيفي) :
1- أسرار الطرق الكيميائية
الطرق الكيميائية متل مابنعرف تعني تفاعل كيميائي مميز لشي وظيفة مميزة بالمادة الدوائية
عندي مادة دوائية
ممكن اكشفها بطرق عديدة .....أبسطها الطرق الكيميائية وحتى انتقل من الطرق الكيميائية لغيرها من الطرق الأعقد عيب ع المحلل مايكون عندو دراية جيدة بالتعامل مع الطرق الكيميائية يعني لازم يكون عندو حس كيميائي
كتير منا مابيذكر ولو تفاعل واحد مميز للباربيتورات مثلا أو للبنزوديازيبينات
طريقة التدريس بالعملي كانت جافة جدا ولاتشجع عالتفكير مافي غير انو 1مل كذا + 0.5 مل كذا يعطي لون كذا وتقوم القيامة اذا سألت شي دكتور أومشرف كيف صار التفاعل فيا انو يعتبرك مفزلك أو انو بقلك هالشي مابيهمك ولاتضيع وقتك بشغلات فاضية أو بقلك انو ألية التفاعل غير معروفة (هيك صار بالصدفة .....ياسبحان الله )
بالله عليكن ....اذا المحلل صار شغلتو يحط مادة فوق مادة لحتى يطلع لون .....قولولي وين الاحساس الكيميائي والموهبة التحليلية بالموضوع
هل تشاركوني بهذا الرأي ؟؟ ......وهل باعتقادكن اذا فهمنا ألية التفاعل الكيميائي وشو سر اضافة كل مادة في التفاعل رح يرسخ هذا التفاعل بالذهن لما بعد التخرج أم لكم رأي أخر ؟؟
هلأ في حال كان عندكن رغبة.....في عندي أجوبة لبعض الأسئلة اللي ماكنتو تلاقولها جواب بهالخصوص رح تلاقو من خلالها دراسة التحليل الدوائي شكل مختلف عن الشكل اللي تعودنا عليه
ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية WwW.Jamaa.Net