اقتباس
وما عم يحاولو أن يبحثوا في أسهل المراجع وهو الكتاب وبالتالي كلام الدكتورة لن يكون كافيا
هههههه , الله يسامحك يا أخي عبد , لا تواخذني بس والله ضحكتني , أنا صرت لما اشتري الكتاب أندم لأني اشتريتو , لأنو غالبية الكتب فيها أغلاط ما فتح ورزق , والله وكيلك صرنا نصحح الكتب والمحاضرات من الأغلاط .
و الله العظيم ما عم أحسن أدرس من الكتب وأخصيصا كتب المحاسب.
يوم الثلاثاء الماضي كنا نحضر محاسبة تكاليف , ولأول مرة نحضر أنا وأصدقائي هذه المحاضرة , مو مشان شي بس مشان نسأل الدكتور على بعض الأغلاط في الكتاب.
وكلما نسأله عن خطأ من الأخطاء يقول لنا : سقطت سهوا.
معقول الكتاب الجامعي يلي هو مرجع يكون مليء بالأخطاء.
اقتباس
حادثة صغيرة واجهتني : السنة الماضية كنت سنة أولى كان في طالب بمكتبة نعمة عم يجادل الموظفة لأنو في بالمحاضرة مثال الدكتورة ما ذكرتو خلال المحاضرة أنت شو رأيك بهيك طالب مثلا
والله الطلاب هنن يلي عم يخلونا ننجح , وأخصيصا الطلاب الذين يكتبون المحاضرات , قسما بالله العظيم عم يشتغلو شغل مو طبيعي.
لأنهن ما عم يكتبو من الدكتور بس , بل عم يبحثوا بالمحاضرات تبع السنة الماضية والكتاب وينتقوا أفضل المعلومات ويضعونها في المحاضرات , لأن كلام الدكتور فقط لا يكفي في الامتحان.
حضرت هديك اليوم مادة بحوث العمليات المحاضرة عبارة عن ساعة , نصف ساعة الدكتور يتكلم عن إنجازاته والنصف السساعة الباقية يكتب على اللوح.
مو هون الخلاف الخلاف كيف بتطلع المحاضرة 20 صفحة ويلي حكا الدكتور 5 صفحات ما بيطلع.
والأهم من هيك أنو مو الصح 5 صفحات , الصح هو 20 صفحة يلي تعبان عليهن الطالب وكاتبهن .
فأنا بعتبر الطالب الذي يكتب المحاضرات هو سبب نجاحي الأول وليس الدكتور.
ما هو هذفك من دراسة المواد 
