هلق إزا انت بدك تعدلي أسماء .. كمان أنا بدي عدلك أسماء .. بس كيف بتحب أرتبلك إياهم ؟ ألفبائيًا ؟ أم حسب تاريخ الإستشهاد ؟ أم حسب تاريخ الإختطاف ؟ أم وفق أعمارهم ؟ أم وفقًا للمحافظات التي قتلوا فيها ؟ أو اختطفوا فيها ؟ أم وفقًا لفروع الأمن التي عذبوا فيها ؟ أم ماذا ؟؟

على كل حال .. تعا لنعد شوي ..

حمزة الخطيب

ثامر الشرعي 

هاجر الخطيب

رضا علوية

ليال عسكر

ابراهيم شيبان

علا جبلاوي 

طبعًا هدول بس الأطفال .. و يا سيدي مو مشكلة إذا شلت حمزة الخطيب من القائمة .. بس لا تفكر كرمال بسام أبو عبد الله .. و إنما لأنه يستحق أن يذكر مع الرجال 

زينب الحصني (أو البنت المسكينة التي استخدمها الأمن بدل زينب الحصني ليكسب بها صفقة إعلامية !!)

حبيب قلبي أبو ثابت هادي الجندي

منبع الرجولة جمال الفتوى 

المسالم المغدور غياث مطر الذي قتله الشبيح (برتبة نقيب) بشار عوض

إسلام أحمد الصياصنة

سيادة المجند فادي الكسم 

سيادة الملازم أحمد الخلف 

العماد بسام أنطاكية (بس الحمد لله ما انتحر ب6 طلقات بالرأس)

تعا لاعدلك المعتقلين :

الشيخ نواف البشير

المناضل التشريني نجاتي طيارة 

الدكتور وليد البني 

الدكتور كمال اللبواني

الدكتورة رفاه الناشد 

ولي شو بدي عدلك لعدلك ... شي 50 آلاف إسم 

لك حتى مشرف الموقع ما سلم من أذاكم !! في واحد خسيس جبان طرقه تقرير قام شحطوه .. إن شاء الله ربي بيكسر ايديه 

طبعًا ما رح أعدلك أصدقائي .. 

سامي .. لساتنا بالقتلى .. ما عديتلك المساجد .. و لا حالات الإختطاف و لا السرقة و لا عديتلك شي لسا 

بالنسبة للخلافة العثمانية .. يكفي أنه دعاء الرسول لفاتح القسطنطينية جاء من نصيب الخليفة العثماني السلطان محمد الفاتح .. و بعد كلام الرسول صلى الله عليه و سلم ما بناقش .. كلمة الرسول صلى الله عليه و سلم ما بتصير تنتين .. نعم الرجل و نعم الجيش .. و اللي عم يصيد بالمي العكرة يروح يدورلي على حديث يمدح فيه الرسول النظام السوري 

لك حتى مشرف الموقع ما سلم من أذاكم !! في واحد خسيس جبان طرقه تقرير قام شحطوه .. إن شاء الله ربي بيكسر ايديه 

كأني بعرفو .....^_^

من تمك لبواب السما يا أخ جمال

الم اقل لكم نحن بانتظار سلطانكم الجديد (العثماني )لتبايعوه



يبدو ان البعض لم يسمع بما يسمى (بالخازوق )

اسلوب حضاري اسلامي بامتياز ...............!!!!





يبدو انكم تقلبون كتاب التاريخ بالمقلوب .................





يعني كما المتوقع تركيا الحضن الدافئ لثورتكم
التي لاقت خياما للسوريين ولم تلاقي مثلها للاكراد في  منطقة الزلزال

هي الموعودة بالسلطنة عندنا  ..............واضح من دفاعكم المستميت عنهم .................



ننتظر الفتح الاسلامي التركي لسوريا ............
هزلت ............

هلق لا تجي تبيع مي بحارة السقايين 

الخازوق اختراع الدون دراكولا .. و ليس اختراع إسلامي .. و أصلاً قصة الخازوق لو إنك بتعرف بالتاريخ كان لحالك بتعرف شو الخلافة العثمانية 

قصة الخازوق أن الدون دراكولا و اسمه فلاد الثالث عندما أحس بان جيوش السلطان محمد الثاني قد بدأت تنقض على دولته ترك أحد قصوره و أقام 21 ألف خازوق لجميع الأسرى من المجاهدين الأتراك الفاتحين الذين وقعوا في الأسر بعد حروب دامية دامت عقودًا .. و قد نال جزاءه و قتل على يد جيوش الخليفة محمد الثاني في بوخارست .. 

بالمناسبة .. لم يستعمل أي شخص من الخلفاء العثمانيين في الدولة العثمانية الأولى الخازوق .. والذي أحيا فكرة الخازوق في المشرق من جديد هو حادثة قتل المجاهد سليمان الحلبي الذي قتل كليبر قائد الحملة الفرنسية على مصر 

معلم .. إذا بدك تحكي .. احكي بشي من اختصاصك .. و رجاء التاريخ لا تقرب عليه .. محجوز عند الحماصنة حاليًا .. عم يعدلوا عليه و يكتبوا فيه صفحات جديدة بأقلام أطفال درعا 

الم اقل لكم نحن بانتظار سلطانكم الجديد (العثماني )لتبايعوه



يبدو ان البعض لم يسمع بما يسمى (بالخازوق )

اسلوب حضاري اسلامي بامتياز ...............!!!!





يبدو انكم تقلبون كتاب التاريخ بالمقلوب .................

من الواضح أنك التاريخ توقف عندك فما زلت تتذكر الخازوق

لك يا زلمة بلسجون عنا تطورنا اكتر من هيك بكتير

صار عنا الدولاب والكهرباء وأساليب لا تخطر على بال الجن

لك يا زلمة وين بعدك ... تطورنا كتير

بعدين هي الاسليب ما قرأناها بالكتب

بل سمعناها من الذين عذبوا أنفسهم ...

ننتظر الفتح الاسلامي التركي لسوريا ............
هزلت ............

عفكرة هي كتير حلوة.... كتير

يعني اذا اجت اثيوبيا مثلاً وقالت نحنا بنأيد مطالب الشعب السوري

وبنرفض المعاملة القمعية الي بيتعرض الها

كنت قلت انو بدنا نصير ولاية اثيوبية

بالفعل هزلت

الأخ ابوفراس والأخ

جمال الفتوى

الله محييييكم ماعم اقدر حط إعجابات من كتر ما طرقت إعجابات اليوم

^_^

بسلي عنجد مثل البزر هههه

خلص وصل .. إعجاب شفوي  .. بس إعجاب شريف :)

سبحان الله
يعني ما بكفي حرفو التاريخ
وحشو بعقولنا واحنا صغار
لحتى نربى عل السمع والطاعة
وتقبل الذل بصدر واسع
بس انو كل واحد بيوقف ضدون
يتشوه تاريخو بلمحة بصر
و يصير خاين وعميل وما بعرف شو
بالمقابل يلي يوقف معون يهللولو
و يقدسو سره

لك حاجة يا عمي
اسا مفكرين انو العالم لساتو عم يدور
مشانون وموقف عليون

و الله أخي ضايع .. 

شايف قديشك انت ضايع .. لسا هني مضيعين الطاسة أكتر منك :)

عراسي حارتك يا معلم .. و هي على رأي اختنا شيماء .. إعجاب 

يتصفح هذا الموضوع ( 11 ) زائر بينهم ( 10 ) عضو
shaima; ضايع بالهمك; ورد 48; جغرافيية وأفتخر; خادم رسول الله; -نور-; جمال الفتوى; j.dama; ..LaILa; ابو فراس;
والله هالجمعة مو ناقصة غير سيف الاسلام
‏"‏ جمال الفتوى "
احنا فدا الغوالي معلم