والله يا أخ ستون كولد رح أعطيك رأي وهو تحليل شخصي :
1 : بنصحك تطلع لبرا وبسرعة ويلي صحلك هلق بعد كم شهر مارح يصح لحدا ((على ما يبدو))
2 : أكيد شي طبيعي الخوف أنا رح حط حالي محلك وفعلا إحساس مخيف أنو الواحد يفوت بالحياة العملية
بسرعة بدون ما يكون عندو خلفية ما
وبعتقد معظم طلاب المدني رح يعيشوا الحالة
وكمحاولة لمساعدتك برأي فيك تساوي هل أشياء لتتشجع ::
أولا : دور عل إنترنت عن طبيعة العمل بالشركة يلي رح تشتغل فيا والقصد طبيعة المنشأت والأعمال
فيا والمنطقة يلي بتقوم الأعمال فيا وبعد ما يصير عندك معلومات عن طبيعة العمل
فوت عل منتديات الخليجية والسعودية المهتمة باهندسة المدنية
رح تلاقي صور وشروحات باللغة العامية تبعون حاول تستفيد بمعرفة ألفاظون المستخدمة
وتشوف شو طبيعة عمل المهندس المدني هنيك وحتى دور باليوتيوب كتير بتستفيد
ثانيا : أهم شي تبين واثق بنفسك حتى لو هي مو حقيقتك لأنو المهندس المدني موقع قيادي وبالتالي
حتى لو أخطأت خليك حازم ولا تتردد وفيك تبحث وتقرا بعض الكتب المتعلقة بالتعامل وتقوية الشخصية
ثالثا : حط دائما بذهنك أنو سمعة السوريين بالخليج متميزة
خاصة المهندسين لأنو معروف أنو المهندس السوري والمصري هو أفهم شي
وبالفعل معظم المهندسين هنيك من مصر وسوريا وأنا متأكد أنو رح تلاقي كتير أصدقاء من سوريا
وكون في إحترام للسوريين فهاد الشي رح يفرض مسؤولية من جهة و ميزة من جهة أخرى
وبالتالي حاول تكون نشيط دائما حتى لو أخطأت خليك بالدوام دائما عل وقت وحاول تضل متطلع
على المعلومات الهندسية ولا تترك البحث المستمر
بتمنى يكون في فائدة بكلامي
سلاااااااام
دلـيــل الفـصـل الثـانـي-السنة الثانية 2011/2012... كلية الهندسة المدنية
هل من يساعدني ؟؟؟؟
